Արցախի ԱԳՆ․ Նմանատիպ վտանգավոր վարքը հանդիսանում է եռակողմ հայտարարության կոպիտ խախտում
Արցախի Հանրապետության արտաքին գործերի նախարարությունը անդրադարձել է այսօր Ադրբեջանի կողմից հրադադարի խախտման և դրա հետևանքով մարտական դիրքում զինծառայողի վիրավորման դեպքին։
«Հունվարի 13-ին Ադրբեջանի զինված ուժերը շփման գծի կենտրոնական ուղղությամբ կոպտորեն խախտել են հրադադարի ռեժիմը: Միջադեպի արդյունքում Արցախի Հանրապետության պաշտպանության բանակի զինծառայող է հրազենային վիրավորում ստացել:
Արցախի Հանրապետության արտաքին գործերի նախարարությունը խստորեն դատապարտում է ադրբեջանական կողմի սադրիչ քայլերը և դրանք որակում որպես գործողություն՝ ուղղված ադրբեջանա-ղարաբաղյան հակամարտության գոտում իրավիճակի ապակայունացմանը և խաղաղապահ ջանքերի խաթարմանը:
Նմանատիպ վտանգավոր վարքն անընդունելի է և հանդիսանում է Հայաստանի, Ռուսաստանի և Ադրբեջանի ղեկավարների՝ ադրբեջանա-ղարաբաղյան հակամարտության գոտում կրակի և բոլոր ռազմական գործողությունների լիակատար դադարեցման մասին 2020 թ. նոյեմբերի 9-ի եռակողմ հայտարարության կոպիտ խախտում: Կոչ ենք անում Ադրբեջանին խստորեն պահպանել եռակողմ հայտարարության շրջանակներում ստանձնած պարտավորությունները և զերծ մնալ սադրիչ գործողություններից, որոնք կարող են խափանել հաստատված կրակի դադարեցման ռեժիմը»,- ասված է ԱՀ ԱԳՆ հաղորդագրությունում, տեղեկացնում է News.am-ը։
ПОСЛЕДНИЕ ОТ АВТОРА
-
2023-09-21 21:37235Полицейские с применением силы подвергают приводу граждан, блокирующих улицы столицы Армении.
-
2023-09-21 21:27315Срочно требуем направить в Арцах миссию ООН. Об этом в своем микроблоге X написал бывший госминистр Арцаха Рубен Варданян.
-
2023-09-21 20:26249Евросоюз возложил на Азербайджан ответственность за соблюдение прав и безопасность армян Нагорного Карабаха и заявил, что примет меры против Азербайджана в случае их притеснения, заявил глава дипломатии ЕС Жозеп Боррель.
-
2023-09-21 20:24308Лидер блока "Мать Армения" Андраник Теванян анонсировал начало забастовки и блокирование улиц с 07:30 22 сентября.
