2021-01-15 16:20
Информагентства
ՀՀ ՄԻՊ․ «Ադրբեջան 2020» փոստային նամականիշներից մեկն արցախահայության բնաջնջման քարոզ է
Ադրբեջանի տրանսպորտի, կապի և բարձր տեխնոլոգիաների նախարարությունը թողարկել է «Ադրբեջան 2020» փոստային նամականիշներ, որոնցից մեկը արցախահայության բնաջնջման բացահայտ քարոզ է։ Այս մասին հայտնել է ՀՀ մարդու իրավունքների պաշտպան Արման Թաթոյանը` նշելով, որ Ադրբեջանի իշխանությունների կողմից պետական մակարդակով խրախուսվող հայատյացության քաղաքականությունն ու Արցախում (Լեռնային Ղարաբաղ) հայերի էթնիկ զտման փաստը հիմնավորվում է նոր զարգացումներով:
«Նամականիշում բժշկական արտահագուստով մարդը գործիքով քիմիական ախտահանման է ենթարկում Արցախը հայերից՝ բացահայտորեն այն ներկայացնելով որպես «կեղտ»».–նշել է Թաթոյանը:
Այս նամականիշը ևս մեկ անգամ ապացուցում է Հայաստանի մարդու իրավունքների պաշտպանի այն պնդումները, որ Ադրբեջանը վարում է հայերի ցեղասպանության քաղաքականություն ու դա անում է հենց էթնիկ պատկանելիության հիմքով, միայն այն պատճառով, որ Արցախում ապրող մարդիկ հայ են։
«Պետական մակարդակով իրականացվող հայատյացության քարոզչությունը հետևողականորեն իրականացվում է տարիներ շարունակ։ Հենց այդ թշնամանքի քարոզի ու կազմակերպված հայատյաց քաղաքականության հետևանք են այն դաժանություններն ու խոշտանգումները, որոնք կատարել են պատերազմի ընթացքում ադրբեջանական զինված ուժերի ծառայողները էթնիկ հայերի նկատմամբ»,– շեշտում է Թաթոյանը։
Նրա խոսքով`այս ամենի խորքային պատճառները հիմնավորված են Հայաստանի և Արցախի Մարդու իրավունքների պաշտպանների համատեղ հրապարակային զեկույցի ապացույցներով ու դրանց վերլուծությամբ («Ադրբեջանում կազմակերպված ատելության խոսքը և թշնամանքն էթնիկ հայերի նկատմամբ` որպես ադրբեջանական զինված ուժերի կողմից էթնիկ հիմքով խոշտանգումների և անմարդկային վերաբերմունքի արմատական պատճառներ»):
Զեկույցը նաև ապացուցում է, որ հայատյացությունն Ադրբեջանում փակ շղթայի մեջ է՝ գեներացվում է Ադրբեջանի իշխանությունների, այդ թվում՝ բարձրագույն մարմինների կողմից, այնուհետև գրեթե նույն ձևակերպումներով լայնորեն օգտագործվում և խրախուսվում է մշակութային, սպորտային ու հանրային այլ գործիչների կողմից ու արժանանում հանրային գովասանքի՝ հաճախ թիրախում հատկապես ունենալով երեխաների:
Թաթոյանը կրկին անգամ ահազանգում է, որ հենց այս ամենն է, որ անհրաժեշտ է նկատի ունենալ Հայաստանի Հանրապետության սահմանների որոշման գործընթացի ժամանակ՝ երաշխավորելու համար հայերի կյանքի, ֆիզիկական և հոգեկան անձեռնմխելիության իրավունքները, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2025-01-25 16:14Около 11,5 тыс абитуриентов подали заявки для участия в первом этапе экзаменов для поступления в вузы Армении, сообщает министерство образования, науки, культуры и спорта.
-
2025-01-25 16:12Из Тавуша поступила информация, что вчера сапер подорвался на мине и получил ранение.
-
2025-01-25 16:11«Зло в нетрезвом состоянии заявило, что, мол, государство — это ты. Вы помните, нет, что Вы также были премьер-министром, а сейчас превратились в государство? А завтра вы объявите себя богами». Об этом сегодня, 25 января, заявил в прямом эфире лидер «Священного движения», архиепископ Баграт Галстанян.
-
2025-01-25 15:32Кажется, все уже высказались относительно недавно подписанной Хартии о стратегическом партнерстве с США. В документе множество спорных пунктов. Я бы хотел остановиться на одном из них. Одной из главных проблем сотрудничества с Америкой может стать потеря энергетического суверенитета, отказ от Мецаморской АЭС и обкатка рискованных технологий малых модульных станций на нашей земле.