2021-01-16 15:48
Информагентства
0
Մեդվեդև. ԱՄՆ-ում ընտրությունները կարող են դառնալ համաշխարհային զարգացման մեջ զգալի փոփոխությունների թրիգեր
ԱՄՆ-ում նախագահական ընտրությունները կարող են դառնալ համաշխարհային զարգացման մեջ զգալի փոփոխությունների թրիգեր, լուրջ ազդեցություն ունենալ միջազգային իրավունքի ինստիտուտների և անվտանգության գլոբալ համակարգի վրա: Շաբաթ ՏԱՍՍ-ում հրապարակված հոդվածում այսպիսի կարծիք է հայտնել ՌԴ Անվտանգության խորհրդի ղեկավարի տեղակալ Դմիտրի Մեդվեդևը:
Նրա կարծիքով՝ այս երկրում վերջին ընտրությունները հատուկ հետաքրքրություն են ներկայացնում աշխարհի իրավիճակի վրա ազդեցության ենթատեքստում: Նա նշել է, որ ԱՄՆ ընտրական համակարգի արժանիքները և ծախսերը կարող էին համարվել այդ երկրի բացառապես ներքին գործը, եթե չլիներ մի «բայց»:
«Այդ երկրում ընտրությունները՝ հատկապես, երբ իշխանությունն անցնում է մի քաղաքական ուժից մյուսին, կարող են դառնալ համաշխարհային տնտեսական զարգացման մեջ շատ զգալի փոփոխությունների թրիգեր, լուրջ ազդեցություն ունենալ միջազգային իրավունքի ինստիտուտների և անվտանգության գլոբալ համակարգի վրա»,- կարծում է Ռուսաստանի ԱԽ ղեկավարի տեղակալը:
Նրա խոսքով՝ ընդունված կարծիք կա, որ խոշորագույն տնտեսությունները «մասշտաբային ազդեցություն ունեն մյուս երկրների քաղաքական և սոցիալական զարգացման վրա»: Դրանցում պարբերաբար տեղի ունեցող ճգնաժամերը ազդում են համաշխարհային տնտեսության վրա, իսկ շղթայաբար՝ տարածաշրջանային և առանձին երկրների տնտեսությունների վրա, այդ ազդեցությունից կախված պետությունների քաղաքական համակարգերի վրա, նշել է Մեդվեդևը:
«Բայց դրա հետ մեկտեղ, հաճախ տեսադաշտից դուրս են մնում, որ առանձին քաղաքական իրադարձությունները, օրինակ՝ ընտրությունները, կարող են լուրջ ճգնաժամեր հրահրել մյուս երկրներում»,- նշել է նա: Ռուսաստանի ԱԽ ղեկավարի տեղակալի կարծիքով՝ սա հատկապես արդիական է, եթե խոսքը վերաբերում է այն պետություններին, որոնք «անմիջականորեն ազդում են համաշխարհային հիմնարար գործընթացների վրա»:
«Ամերիկացի բարձրագույն շատ ղեկավարներ ոչ մեկ անգամ, այդ թվում՝ անձամբ ինձ, ասել են, որ «այո, մեր համակարգը կատարյալ չէ, բայց մենք դրան վարժվել ենք, և մեզ այդպես հարմար է»,- հավելել է Մեդվեդևը: Ընդ որում՝ նա նշել է, որ ամբողջ աշխարհի համար «անհարմար» է դառնում այդպիսի երկրի հետ աշխատելը, քանի որ ԱՄՆ-ն վերածվում է անկանխատեսելի գործընկերոջ: «Իսկ այդ անկանխատեսելիությանը ամենևին անտարբեր չեն մյուս պետությունները, տարածաշրջանային և ռազմաքաղաքական միավորումները: Ամենևին վատ չէր լինի, եթե ԱՄՆ քաղաքական իսթեբլիշմենթը գիտակցեր այս պատասխանատվությունը»,- ամփոփել է ՌԴ ԱԽ ղեկավարի տեղակալը, տեղեկացնում է News.am-ը:
ПОСЛЕДНИЕ ОТ АВТОРА
-
2024-04-19 19:27Причина нынешней хрупкости безопасности и угрожающей риторики связана с дисбалансом сил в регионе. Мы твердо убеждены, что в регионе Южного Кавказа должен быть установлен баланс сил. Об этом во время международного экспертного форума «Воротан» 19 апреля заявил Чрезвычайный и полномочный посол Ирана в Армении Мехди Собхани.
-
2024-04-19 19:13Опубликованный азербайджанскими СМИ документ касательно трехсторонней встречи Армения-ЕС-США в Брюсселе 5 апреля не имеет ничего общего с реальностью, заявил спикер Службы внешних связей и политики безопасности ЕС Питер Стано.
-
2024-04-19 19:10Начавшийся несколько дней назад процесс вывода российских миротворческих войск с оккупированной Азербайджаном территории Арцаха вызывает тревогу 150 000 арцахцев, которые несколько месяцев назад под реальной угрозой геноцида были вынуждены покинуть свою Родину. Об этом говорится в заявлении, распространенном тремя фракциями парламента Арцаха.
-
2024-04-19 19:10Главы МИД стран G7 на встрече в Италии выступили с заявлением в адрес Армении и Азербайджана с призывом сохранять полную приверженность мирному процессу.
