Последние новости

Նաիրա Զոհրաբյանը Փաշինյանին անվանել է Ադրբեջանի ֆոլկլորի գլխավոր հերոս

Այնպիսի տպավորություն է, որ մենք ապրում ենք զուգահեռ իրականություններում։ Այս մասին այսօր ԱԺ նիստի ժամանակ ասաց ԲՀԿ–ական Նաիրա Զոհրաբյանը։

«Կա մի իրականություն, որտեղ Նիկոլ Փաշինյանը պետք է հեռանա, որպեսզի մենք կարողանանք փրկել Հայաստան, որովհետև Արցախը մենք, ցավոք սրտի, արդեն կորցրել ենք։ Եվ կա ձեր ստեղծած (դիմում է իմքայլականներին, խմբգր.) իրականությունը, որտեղ դուք փորձում եք կեղծ օրակարգերով շեղել հասարակության ուշադրությունը։ Այսօր մենք ունենք ռազմագերիների խնդիր։ Նիկոլ Փաշինյանը գրեց, որ գնում է Մոսկվա և իր թիվ մեկ խնդիրը լինելու է ռազմագերիների խնդիրը։ Գնաց, հերթական անգամ գլուխը խոնարհեց Ալիևի առաջ, հերթական անգամ մեր Սյունիքով ճանապարհ տվեց թուրքերին, որպեսզի իրականացնեն Մեծ թուրանի իրենց ծրագիրը։ Ալիևը հայտարարեց, որ ինքը գոհ է բանակցությունների արդյունքներից։ Իսկ ռազմագերիների ծնողները մնացին իրենց խնդիրների հետ։ Այստեղ և այսօր պետք է քննարկվի մեկ օրակարգ։ Այդ մարդն ի վիճակի չէ այլևս ադեկվատ բանակցություններ վարելու», – ասաց Զոհրաբյան։

Նա նաև նշեց, որ այսօր առկա են Հայաստանի պետականությանը սպառնացող լրջագույն վտանգներ։

«Չի կարող Ադրբեջանի ֆոլկլորի գլխավոր հերոսը արժանապատիվ կերպով բանակցել և խնդիրներ լուծել», – ասաց Զոհրաբյանը` նշելով, որ Փաշինյանն օր առաջ պետք է հեռանա, տեղեկացնում է Newsarmenia.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ