Լավրով․ Ռուսաստանն ուզում է լուծել գերիների հարցը
Ռուսաստանը ջանքեր է գործադրում՝ արցախյան պատերազմի գերիների վերադարձի հարցը վերջնական լուծելու համար։ Այս մասին այսօր հայտնել է ՌԴ արտգործնախարար Սերգեյ Լավրովը մամուլի ասուլիսի ժամանակ։
Լավրովը հիշեցրել է, որ գերիների հարցը նոյեմբերի 9-ին ստորագրած հայտարարության մի կետն է։ Այդ հարցը բազմիցս քննարկվել է Ռուսաստանի նախագահ Վլադիմիր Պուտինի ու Հայաստանի վարչապետի և Ադրբեջանի նախագահի հեռախոսազրույցների ընթացքում, նաև՝ Լավրովի ու Հայաստանի և Ադրբեջանի ԱԳՆ ղեկավարների զրույցներում։
«Գերիների հարցը նաև երկարատև քննարկման թեմա դարձավ, երբ Հայաստանի ու Ադրբեջանի ներկայացուցիչները Մոսկվա եկան», - ասել է նախարարը։
Նրա խոսքով՝ գերիների հարցում սկզբում ամենաշատ խնդիրները հայերի մոտ էին։ Նախևառաջ պետք էր, որ կողմերը կորած անձանց ցուցակներ կազմեին։ Ադրբեջանն այդ ցուցակները տվել էր, նրանք շատ չէին. ոչ միանգամից, բայց բոլորը վերադարձան։ Դրանից հետո կորած ադրբեջանցիների հետ կապված ոչ մի միջադեպ չի եղել։
«Հայկական կողմից ցուցակները միանգամից և ամբողջությամբ չեն եղել։ Եվ արդյունքում փոխանակվեցին նրանց, ովքեր մասնակից էին մինչև նոյեմբերի 9-ի գործողություններին։ Բայց հիմա գլխավորը խնդիրը դեկտեմբերին Հադրութի շրջանում գերեվարվածներն են։ Ադրբեջանական կողմը հայտարարել է, որ քանի որ այդ մարդիկ զինադադարից հետո եղել են Հադրութում, ապա նրանց պետք է դիտարկել առանձին կարգով։ Մենք և մասնավորապես նախագահ Պուտինը, այնուամենայնիվ, պնդում ենք հարցի քննարկումը շարունակելու անհրաժեշտությունը, որպեսզի առաջնորդվենք բոլորը բոլորի դիմաց սկզբունքով, և հարցը փակվի», - հավելել է Լավրովը:
ԱԳՆ ղեկավարն ընդգծել է, որ խոսել է հայ գործընկերոջ հետ ՝ վերջնական ցուցակները ճշտելու նպատակով։ Սակայն պարզվել է, որ գերիները 62-ից շատ են, ինչպես նախկինում էր ասվել։ Այժմ ցուցակները ճշտվում են ՝ հասկանալու համար, թե որտեղ կարող են գտնվել այդ մարդիկ։
Լավրովն ասել է նաև, որ ռուսական զորակազմի հրամանատար Ռուստամ Մուրադովը շարունակում է շփման մեջ մնալ հայ և ադրբեջանցի գործընկերների հետ` գերիների խնդիրը լուծելու համար, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2023-05-29 19:257
Правящая в Армении сила в течение не нескольких недель, а даже нескольких лет озвучивает очень опасные заявления в попытке отделить армян Арцаха от армян, живущих в Армении, обосновывая это целями спасти Армению. Об этом в гостях у Новости Армении –NEWS.am на передаче «Фактор силы» заявил бывший госминистр Нагорного Карабаха Рубен Варданян.
-
2023-05-29 18:1484
Министр иностранных дел России Сергей Лавров считает, что в центре Европы зреет большой взрыв.
-
2023-05-29 18:1379
Верховная рада Украины утвердила решение о введении Киевом санкций против Ирана сроком на 50 лет. Об этом сообщил депутат Ярослав Железняк.
-
2023-05-29 18:08124
Главный секретарь МВД Армении Ара Фиданян объяснил большое количество полицейских, сопровождающих премьера Никола Пашиняна и постоянно несущих дежурсво у здания правительства, охраной общественного порядка.