2021-01-18 17:15
Информагентства
ԱԱԾ-ում պարզում են Միրզոյանի կրկնակի գործակալ լինելու մասին ինֆորմացիայի արտահոսքի աղբյուրը
«Փաստինֆո»-ի տեղեկություններով՝ ԱԺ նախագահ Արարատ Միրզոյանի կրկնակի գործակալ լինելու մասին Վատիկանում ՀՀ նախկին դեսպան Միքայել Մինասյանի հայտարարությունից հետո ԱԱԾ-ում ծառայողական քննություն է նշանակվել՝ պարզելու արտահոսքի աղբյուրը։
Հիշեցնենք, որ Միքայել Մինասյանը հունվարի 16-ին հայտարարել էր, որ Արարատ Միրզոյանը թուրքական գործակալ է, որը նաև 2007 թվականին հավաքագրվել է ՀՀ ԱԱԾ-ի կողմից։
Մասնավորապես նախկին դեսպանը նշել էր, որ դեռևս 2005թ, երբ Արարատ Միրզոյանը խոստումնալից երիտասարդ էր, ում միտքը սև էր, իսկ հոգին պղտոր, ամբիցիաներն էլ շատ բարձր էին, հայտնվել է Ցեղասպանության թանգարանում, իսկ թուրքական գործակալների տեսադաշտում հայտնվել է, երբ նա ԱՄՆ-ում սկսել է ուսումնասիրել Հայոց Ցեղասպանության ճանաչման գործընթացը:
«Թուրք կուրատորի և խոստումնալից երիտասարդի միջև հանդիպում է կայացել, որտեղ այս երիտասարդն իր հոգին վաճառել է թշնամուն՝ համաձայնվելով գաղտնի տեղեկություններ փոխանցել թուրքերին, այն մասին, թե ի՞նչ գործընթացներ են կատարվում Հայոց Ցեղասպանության թանգարան-ինստիտուտում, ի՞նչ արխիվ է այնտեղ հավաքվում և այլն»,- հայտնել է Մ.Մինասյանը։
Ըստ նրա՝ ՀՀ ԱԱԾ-ն ֆիքսել է երիտասարդի և Թուրքիայի կոնտակտները, հրավիրել նրան զրույցի ու ասել, որ նրան սպառնում է երկարատև ազատազրկում, կամ էլ պետք է համագործակցի ՀՀ ԱԱԾ-ի հետ։ Արդյունքում՝ 2007 թվականին Ա.Միրզոյանը տվել է իր գրավոր համաձայնությունը՝ ԱԱԾ-ի հետ համագործակցելու վերաբերյալ։
Ավելին, Մ.Մինասյանը հրապարակել էր նաև Ա.Միրզոյանի գրավոր համաձայնության տեքստը։
Ճիշտ է, ԱԱԾ-ն նույն օրը՝ հունվարի 16-ին, շատպել է հերքել՝ Ա.Միրզոյանի ԱԱԾ գործակալ լինելու հանգամանքը, ինչը թերևս սպասելի էր. տարօրինակ կլիներ, եթե ԱԱԾ-ն պաշտոնապես հաստատեր այս կամ այն անձի, առավել ևս պաշտոնյայի գործակալ լինելը, սակայն արդեն կատարվում է ծառայողական քննություն։ Մասնավորապես, ԱԱԾ- ում սկսվել է ծառայողական քննություն՝ պարզելու ինֆորմացիայի արտահոսքի աղբյուրը։ Իշխանությունները փորձում են հասկանալ, թե ինչ ծավալի ինֆորմացիայի արտահոսքի մասին է խոսքը։
Տեղեկությունը ճշտելու համար «Փաստինֆո»-ն դիմել է ԱԱԾ լրատվական ծառայություն, որտեղից նշել են, թե հունվարի 16-ին տարածված հայտարարությանն ավելացնելու բան չունեն, ապա առաջարկել դիմել դատախազություն՝ Մ.Մինասյանի հնչեցրած տեղեկությունները քննության առարկա դառնալու վերաբերյալ պարզաբանումների համար։
ПОСЛЕДНИЕ ОТ АВТОРА
-
New2025-02-05 19:46Инициатива «Новый проект. Экономическая волна» коснулась шестидневной забастовки на «Зангезурском медно-молибденовом комбинате». «Около недели коллектив Зангезурского медно-молибденового комбината, налогоплательщика номер 1 в республике, бастует и, по сути, выдвигает 2 требования: • повышение заработной платы, • улучшение условий труда.
-
New2025-02-05 19:33В Сенате Франции состоялась конференция на тему "Народ Армении и его право на возвращение на свою землю".
-
New2025-02-05 19:30Давид и Наре десятый год подряд возглавили список самых популярных имен, которые дают детям при рождении в Армении.
-
New2025-02-05 19:21Учитывая давнюю практику Азербайджана по осквернению армянских памятников, останки погибших арцахцев находятся под реальной угрозой уничтожения. Об этом говорится в поступившем в АрмИнфо докладе Центра международного и публичного права, основанном на спутниковых фотографиях, зафиксировавших акты осквернения могил и задокументированных организацией Caucasus Heritage Watch (CHW).