ԼԱՎՐՈՎ․ ՀԱՅԿԱԿԱՆ ԿՈՂՄԻՑ ԳԵՐԻՆԵՐԻ ՑՈՒՑԱԿԸ ՄԻԱՆԳԱՄԻՑ ԵՎ ԱՄԲՈՂՋԱԿԱՆ ՉԻ ՏՐԱՄԱԴՐՎԵԼ (ՏԵՍԱՆՅՈՒԹ)
ՌԴ ԱԳ նախարար Սերգեյ Լավրովը երկուշաբթի ասուլիսի ժամանակ անդրադարձել է Ադրբեջանում գտնվող հայ ռազմագերիների վերադարձի ձգձգման հետ կապված խնդրին։
«Ռազմագերիների հարցը պայմանավորվածությունների մի մասն է, որոնք ստորագրվել են նոյեմբերի 9–ի լույս 10–ի գիշերը։ Այս հարցը քննարկվել է նախագահ Պուտինի և ՀՀ վարչապետ Նիկոլ Փաշինյանի ու նախագահ Ալիևի հետ տեղի ունեցած հետագա հեռախոսազրույցների ժամանակ։ Հայաստանի և Ադրբեջանի արտգործնախարարների հետ իմ ունեցած հեռախոսազրույցների ժամանակ այդ հարցը ևս բավականին երկարատև բանավեճերի մաս էր, երբ Ադրբեջանի նախագահն ու Հայաստանի վարչապետն այցելեցին Մոսկվա հունվարի 11–ին», – հիշեցրեց Լավրովը։
Նա պարզաբանեց, որ սկզբում ամենամեծ խնդիրների առջև կանգնած էր հայկական կողմը, քանի որ անհրաժեշտ էր, որպեսզի երկու կողմերն էլ` և Ադրբեջանը, և Հայաստանը, կազմեին ու փոխանցեին այն մարդկանց ցուցակները, որոնք անհետ կորել են և որոնց ուզում են ազատել գերությունից։
«Ադրբեջանն այդ ցուցակները տվեց, և դրանք մեծ չէին։ Նրանք, ովքեր նշված էին ադրբեջանական ցուցակներում, ոչ միանգամից, բայց վերադարձվեցին։ Կորածների, գերիների, պահվող անձանց հետ կապված իրավիճակներ Ադրբեջանի կողմից այլևս չեն առաջացել», – նշեց Լավրովը։
Նրա խոսքով, հայկական կողմը ցուցակները միանգամից չի ներկայացրել, և դրանք ամբողջական չէին։
«Հետագայում փոխանակվեցին նրանք, ովքեր եղել են նոյեմբերի 10–ին ավարտված իրադարձությունների մասնակիցները։ Բայց հիմա գլխավոր է խնդիրը, որը տեղի է ունեցել Հադրութի շրջանում, երբ դեկտեմբերի սկզբին հայ զինծառայողների մեծ խումբը, որքան հասկանում եմ, ուղարկվել էր այնտեղ», – ասաց Լավրովը։
Նրա խոսքով, այդ մարդիկ` 62 հոգի, գերի ընկան 7–10 օր հետո, այսինքն` դեկտեմբերի սկզբին։
«Ադրբեջանական կողմն այդ փուլում հայտարարեց` քանի որ այդ մարդիկ այդ շրջան էին ուղարկվել հրադադար հայտարարելուց և բոլոր ռազմական գործողություններն ավարտվելուց հետո, ապա նրանց պետք է դիտարկել առանձին կարգով, այլ ոչ թե նոյեմբերի 9–ի հայտարարությամբ», – պարզաբանեց ՌԴ ԱԳ նախարարը։
«Խոսել եմ Հայաստանի արտգործնախարարի հետ` փորձելով պարզել անհետ կորածների վերջնական ցուցակները։ Սակայն պարզվեց, որ նրանց թիվը 62–ից շատ ավելի է։ Եվ հիմա մեր զինվորականները, կապի մեջ գտնվելով Հայաստանի և Ադրբեջանի զինվորականների հետ, վերստուգում են անվանացուցակները, որպեսզի հասկանան, թե որտեղ կարող են լինել այդ մարդիկ», – նշեց Լավրովը։
Նա ընդգծեց, որ անմիջապես զբաղվում է ռուսական խաղաղապահ զորակազմի հրամանատար, գեներալ Ռուստամ Մուրադովը` կապի մեջ գտնվելով հայ և ադրբեջանցի գործընկերների հետ։
«Թեման գոյություն ունի, անխոս, և եթե չլինեին մեր խաղաղապահները, ապա, այն, երևի, ավելի դժվար կլիներ լուծել», – նշեց Լավրովը։
ПОСЛЕДНИЕ ОТ АВТОРА
-
New2023-09-27 11:02139Ворвавшиеся в Нагорный Карабах азербайджанские оккупационные войска принялись крушить и уничтожать армянское культурное наследие.
-
New2023-09-27 10:5791Ровно три года назад, 27 сентября 2020 года, в 7 часов утра Азербайджан начал широкомасштабную агрессию против Республики Арцах.
-
New2023-09-27 10:529658 жителей Нагорного Карабаха, пострадавших в результате взрыва в Степанакерте, эвакуированы для оказания дальнейшей квалифицированной и специализированной помощи в профильных медицинских учреждениях. Об этом сообщает Минобороны РФ.
-
New2023-09-27 09:29269Начиная с 2018 года мы существуем в реальности, в которой постоянно недооцениваем заявления Никола Пашиняна и членов его команды, объективно протекающие процессы, а также и озвучиваемые Турцией и Азербайджаном планы.
