2021-01-18 18:08
Информагентства
Հայաստանում ստեղծվում է հակակոռուպցիոն կոմիտե
Հայաստանում ստեղծվում է հակակոռուպցիոն կոմիտե, իսկ այդ կառույցում նշանակումները, այդ թվում ղեկավար պաշտոններում, կատարվելու են բաց մրցույթի շրջանակում: Այս մասին հունվարի 18-ին Ազգային ժողովի նիստում «Հակակոռուպցիոն կոմիտեի մասին» և կից օրենքներում փոփոխություններ կատարելու մասին օրինագծերի փաթեթի քննարկման ժամանակ ասաց արդարադատության նախարար Ռուստամ Բադասյանը:
Ընդ որում, ինչպես նշեց նախարարը, կոմիտեի աշխատակիցների համար, ի տարբերություն քննչական մյուս մարմինների աշխատակիցների, սահմանվելու են ավելի խիստ պահանջներ և սահմանափակումներ: Դրանց համապատասխան՝ նրանց տրամադրվելու են լրացուցիչ երաշխիքներ իրենց գործունեության լիարժեք իրականացման համար:
«2019 թվականի հակակոռուպցիոն ռազմավարության համաձայն՝ Հայաստանի Կառավարությունը որոշում է ընդունել մեկ Հակակոռուպցիոն կոմիտե ստեղծելու մասին, հիշեցրեց նախարարը:
Արդարադատության նախարարության ղեկավարի խսքով՝ արդյունքում մի շարք կառույցներ, որոնք նախկինում իրենց լիազորությունների շրջանակում զբաղվում էին կոռուպցիայի դեմ պայքարով և հակազդեցությամբ, կսկսեն աշխատակիցների կրճատումներ: Խոսքը, մասնավորապես, Ազգային անվտանգության ծառայության, Հատուկ քննչական ծառայության, Քննչական կոմիտեի և Պետեկամուտների կոմիտեի մասին է: Նախատեսվում է այս աշխատակիցներին ընդգրկել նոր կառույցի՝ Հակակոռուպցիոն կոմիտեի կազմի մեջ:
Նոր գերատեսչության աշխատակիցների թիվը կկազմի գրեթե 150, այդ թվում՝ ոչ պակաս 30 քննիչներ և 60 օպերլիազորներ:
Նշենք, որ Հակակոռուպցիոն կոմիտեի ստեղծման համար Կառավարությունը հատկացրել է 8 մլրդ 203 մլն դրամ, որը նախատեսվում է ծախսել 2021-2023 թվականներին: Այս գումարի հիմնական մասը՝ մոտ 5,1 մլրդ դրամ կհատկացվի աշխատավարձի, կոմունալ և գրասենյակային ծախսերի վճարմանը: Դրանից բացի, ավելի քան 5 մլրդ դրամ նախատեսվում է հատկացնել նոր գերատեսչությանը շենքով ապահովելով: Նաև 285,5 մլն դրամ կհատկացվի տեխնիկական սարքավորմանը, իսկ 192 մլն դրամ՝ գերատեսչությանը և նրա աշխատակիցներին տրանսպորտային միջոցներով ապահովմանը:
Կոմիտեի աշխատակիցների աշխատավարձը կկազմի մոտ 650 հազար դրամ՝ առանց հարկերը հաշվանցելու, իսկ կոմիտեի նախագահը կստանա 700 հազար դրամ, տեղեկացնում է News.am-ը:
ПОСЛЕДНИЕ ОТ АВТОРА
-
New2025-05-24 15:54Иран в субботу официально запустил первое в стране воздушное такси, открыв новую страницу в развитии национальной авиации, сообщает IRNA.
-
New2025-05-24 15:52Крупное отключение электроэнергии произошло во французском департаменте Приморские Альпы, где в субботу завершается Каннский кинофестиваль, сообщает РИА Новости со ссылкой на зарубежные СМИ.
-
New2025-05-24 15:49Административный суд в Ереване вновь признал недействительным кратное повышение платы за парковку в столице, но вердикт останется на бумаге.
-
New2025-05-24 15:4520 мая 2025 года суд в Азербайджане приговорил Игбала Абилова к 18 годам лишения свободы по делу о госизмене. Ученого арестовали в 2024 году, когда он приехал в Азербайджан на свадьбу двоюродного брата.