Последние новости

Կառավարության գործողությունների ուսումնասիրման ԱԺ հանձնաժողովը նախագահ եւ փոխնախագահ ընտրեց

Հայաստանի Կառավարության եւ պարետատան ձեռնարկած՝ նոր տեսակի կորոնավիրուսի (COVID-19) տարածմանը հակազդելու եւ կանխելու, դրա դեմ պայքարի, համաճարակի հետեւանքները մեղմելու կամ վերացնելու համար միջոցառումների արդյունավետության ուսումնասիրման, ինչպես նաեւ արտակարգ դրության պայմաններում մարդու իրավունքների եւ հիմնարար ազատությունների սահմանափակումների արդյունավետության եւ օրինականության հետաքննության խորհրդարանական հանձնաժողովի անդամները հունվարի 25-ին ընտրեցին նախագահ եւ փոխնախագահ:

Հանձնաժողովի փոխնախագահ ընտրվեց իշխող «Իմ քայլը» դաշինքի պատգամավոր Հերիքնազ Տիգրանյանը՝ առանց որեւէ դժվարության, իսկ նախագահ՝ «Լուսավոր Հայաստան» կուսակցության պատգամավոր Արկադի Խաչատրյանը:

Հանձնաժողովի նիստերն անցկացվելու են ամեն երեքշաբթի 11:00-ին, բայց խորհրդարանական քառօրյան ավարտվելուց հետո հաջորդ շաբաթվա մեջ: «Աշխատանքային խմբեր չեն ձեւավորվելու, քանի որ մեզ չհաջողվեց որեւէ համաձայնության եւ ընդհանուր հայտարարի գալ»,- հավելեց Խաչատրյանը, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ