2021-01-26 14:55
Информагентства
Կարեն ԲԵՔԱՐՅԱՆ․ ՓԱՇԻՆՅԱՆՆ ԱՌԵՎՏՐԻ ԱՌԱՐԿԱ Է ԴԱՐՁՆՈՒՄ ՀԱՅԱՍՏԱՆԻ ԳՈՅՈՒԹՅՈՒՆՆ ԸՆԴՀԱՆՐԱՊԵՍ
Այս իշխանությունը գնում է խախտելու մեր գոյության ամենակարևոր բանաձևը՝ Հայաստանի Հանրապետությունը որևէ կերպ չի կարող և չպետք է կառուցի իր արտաքին քաղաքականությունը՝ ուժային կենտրոնների շահերի բախման հաշվին: «Տողերի արանքում» հաղորդաշարի հերթական թողարկման եթերում նշել է վերլուծաբան Կարեն Բեքարյանը:
«Հակառուսականություն սերմանող ալիքի ներքո, հիշեցնեմ վարչապետի հոդվածը (Փաշինյանը տողատակերում մեղադրում էր ՌԴ-ին, որ իբրև ռուսական առաջարկները ենթադրում էին միակողմանի զիջումներ հայկական կողմերից – խմբ.), ոչնչում որևէ օպերատիվությամբ երբևէ աչքի չընկած Անվտանգության խորհրդի քարտուղարն այսօր շտապեց պաշտոնավարման հետ կապված շնորհավորել ԱՄՆ նախագահի անվտանգության հարցերով խորհրդականին՝ շնորհակալություն հայտնելով ԱՄՆ-ին Ղարաբաղյան կարգավորման գործընթացի տարաբնույթ փուլերում, ներառյալ կարգավիճակի հետ կապված հարցերում, իր ներգրավվածության համար: Որտե՞ղ եք տեսել դա, Թրամփի հայտարարության մե՞ջ», - նշել է նա:
Կարեն Բեքարյանի խոսքով՝ պատերազմի նախաշեմին և պատերազմի ընթացքում ԱՄՆ-ի պահվածքը և հետևաբար ԱՄՆ-ի հետ աշխատանքը հասկանալու համար բավական է հիշել ռազմական գործողությունների ամենաակտիվ փուլում, երբ հրետակոծվում էին անգամ խաղաղ բնակավայրերը, Թրամփի արած հայտարարությունն այն մասին, որ ամերիկյան նախաձեռնությունը հաջողել է, և ստացվել է կրակը դադարեցնել:
«Պատկերացնո՞ւմ եք՝ ինչ կարգի աշխատանք չկար, և հիմա փորձ է արվում Բայդենի պաշտոնավարումից հետո իրականացնել ինչ-որ գործողություններ, որոնք պարզ տրամաբանությամբ ընկալելը փորք-ինչ դժվար է», - նշել է նա:
Այդ համատեքստում երկրորդ բավականին հետաքրքիր էլեմենտը, վերլուծաբանի դիտարկմամբ, ի դեմս Լիլիթ Մակունցի՝ ԱՄՆ –ում նոր դեսպանի սպասվող նշանակումն է:
«Մարդ, որը դիվանագիտության հետ չունի որևէ առնչություն, փաստորեն նշանակվելու է, գոնե ինքն անձամբ դա չհերքեց, աշխարհի գերտերություններից մեկում, Մինսկի խմբի համանախագահ երկրում, ՄԱԿ-ի Անվտանգության խորհրդի մշտական անդամ երկրում Հայաստանի դեսպան», - նշել է նա՝ հավելելով, որ Մակունցն ունի ընդամենը մեկ կարևոր արժանիք՝ շատ մտերիմ է վարչապետի պաշտոնը զբաղեցնողին:
«Դա նորմա՞լ է դիվանագիտական հարաբերությունների, դիվանագիտական աշխատանքի, արտաքին քաղաքականության իրականացման տեսանկյունից: Կարծում եմ՝ բոլորս հասկանում ենք, որ ոչ», - նշել է Կարեն Բեքարյանը:
Վերլուծաբանի խոսքով՝ հերթական անգամ ինչ-որ բան է եփվում Հայաստանի Հանրապետության և նրա ժողովրդի թիկունքում:
«ԱՄՆ-ի ակտիվանալը կամ նրան դրդելն ակտիվացման, ինչը տեղի է ունենում այս օրերին, զուգահեռաբար հակառուսականության ինչ-ինչ էլեմենտներ մտցնելով, հուշում է, թե ինչ է փորձում անել այս իշխանությունը և վարչապետի պաշտոնը զբաղեցնողը», - ընդգծել է նա:
Կարեն Բեքարյանը ևս մեկ անգամ ընդգծել է, որ մեր արտաքին քաղաքականությունը պետք է կառուցվի միայն ու միայն շահերի հատման ծիրում, քանի որ Հայաստանի համար դժվար կլինի շարունակել իր ընթացքն օրինակ ռուս-ամերիկյան շահերի բախումով առաջացած փլատակների տակից:
«Այսօր բոլորիս աչքի առաջ խախտվում է այս ոսկե բանաձևը», - նշել է նա՝ ընդգծելով, որ վարչապետի պաշտոնը զբաղեցնողն իր փրկության համար առևտրի առարկա է դարձնում Հայաստանի Հանրապետության գոյությունն ընդհանրապես:
ПОСЛЕДНИЕ ОТ АВТОРА
-
New2025-04-29 13:48Россия не пойдет на долгосрочное прекращение огня в Украине, предложенное Киевом, пока не будут урегулированы всю «нюансы», заявил пресс-секретарь президента РФ Дмитрий Песков, передает РИА Новости.
-
New2025-04-29 13:47Некоторые мысли и суждения, высказанные предстоятелем армянской епархии стран Балтии, архиепископом Вазгеном Мирзаханяном на встрече с премьер-министром Армении Николом Пашиняном являются крайне субъективными, индивидуальными и не могут быть приписаны к Церкви. Об этом говорится в заявлении Святого Эчмиадзина в связи с многочисленными запросами, поступившими от СМИ на фоне прошедшей в Эстонии скандальной встречи Пашиняна с Мирзаханяном.
-
New2025-04-29 13:46Азербайджанская провокация, организованная в Москве в рамках празднования 80-летия Дня Победы, носила явно спланированный характер, в которую были вовлечены представители нескольких азербайджанских структур. Об этом на своей странице в Facebook написал депутат Национального Собрания РА от оппозиционной фракции "Честь имею" Тигран Абрамян.
-
New2025-04-29 13:43Память о великом подвиге советского народа в Великой Отечественной войне жива и в России, и в Армении, и это не только политический вопрос. Об этом заявил посол России в Армении Сергей Копыркин в беседе со Sputnik Армения после церемонии вручения юбилейной медали "Победы в ВОВ 1941-1945 гг" ветерану ВОВ в Ванадзоре.