Ռուբեն Ռուբինյանը ԵԽԽՎ-ում արձագանքել է ադրբեջանցի պաշտոնյայի ելույթին
Հայկական պատվիրակության ղեկավար Ռուբեն Ռուբինյանը ԵԽԽՎ-ում անդրադարձել է Ադրբեջանի պատվիրակության նախագահի ելույթին: Տեսանյութն ու ելույթի տեքստը Ռուբինյանը հրապարակել է իր ֆեյսբուքյան էջում:
«Իմ ադրբեջանցի պաշտոնակից պարոն Սեիդովն այսօր խոսեց վերջին պատերազմից հետո Ադրբեջանի և Հայաստանի միջև վստահության մթնոլորտի ամրապնդման անհրաժեշտության մասին: Եկեք խոսենք վստահության մթնոլորտի մասին։ Անցյալ ամիս Ադրբեջանում թողարկվել է պաշտոնական դրոշմանիշ՝ նվիրված 2020 թվականին, որի վրա պատկերված է պաշտպանիչ հագուստով տղամարդ, այնպիսի հագուստով, ինչպիսիք կրում են COVID-ի բուժման հետ կապված բժշկական անձնակազմի ներկայացուցիչները: Դրոշմանիշում պատկերված տղամարդը մաքրում կամ ախտահանում է քարտեզի այն մասը, որի վրա գտնվում է Լեռնային Ղարաբաղը, և նա, անշուշտ, ախտահանում է այդ մասը հայերից:
Պարոն Սեիդովը և Ադրբեջանի իշխանությունները այսպե՞ս են պատկերացնում վստահության մթնոլորտի ամրապնդումը: Եթե՝ այո՛, ապա սա շատ տարօրինակ է, որովհետև ես չեմ կարծում, որ մարդկության պատմության մեջ եղել է այնպիսի օրինակ, որ նացիստական գաղափարախոսությունը բերի վստահության մթնոլորտի ամրապնդման։
Մյուս կարևոր խնդիրն, անշուշտ, ռազմագերիների հետ կապված հարցն է: Համաձայն զինադադարի մասին հայտարարության՝ բոլոր ռազմագերիները և այլ պահվող անձինք պետք է անմիջապես ազատ արձակվեն «բոլորը բոլորի դիմաց» սկզբունքի համաձայն: Ցավոք, սա տեղի չի ունեցել, քանի որ Ադրբեջանը հրաժարվում է ավարտին հասցնել գործընթացը և, դեռ ավելին, զինադադարից հետո ադրբեջանական կողմն իրականացրել է այլ հարձակումներ 2 գյուղերի վրա, ինչի արդյունքում գերեվարվել են այլ ռազմագերիներ, որոնց նկատմամբ Ադրբեջանը սկսել է քրեական հետապնդում՝ նրանց անվանելով «հանցագործներ» և «ահաբեկիչներ»: Ես չեմ կարծում, որ սա վստահության մթնոլորտի ամրապնդմանն ուղղված քայլ է:
Հարգելի գործընկերներ, 20 տարի առաջ Հայաստանը և Ադրբեջանը դարձան Եվրոպայի Խորհրդի անդամ: Ես գիտեմ, որ այս 20 տարիների ընթացքում ձեզանից շատերը հոգնել են հայ-ադրբեջանական շարունակական վեճերից այս դահլիճում: Արդյունքում ձեզանից շատերն այնքան էլ տրամադրված չեն եղել խոսել խնդրի մասին, ձեզանից շատերը, թերևս, կարևոր են համարել հավասարակշռված լինելը, ձեզանից շատերը, թերևս, փորձել են կողմնապահություն չդրսևորել, ինչպես նշեց պարոն Սեիդովը: Սակայն ես այսօր ձեզանից խնդրելու եմ լինել կողմնապահ։ Կողմնապահ ոչ թե հօգուտ Հայաստանի, այլ հօգուտ մարդասիրության, հօգուտ խաղաղության ու մարդու իրավունքների և հօգուտ նացիստական գաղափարախոսության մերժման: Ես կոչ եմ անում ձեզ դատապարտել Ադրբեջանի աղաղակող գործողություններն ու լեզուն, որը կիրառվում է Ադրբեջանի իշխանությունների կողմից և կոչ անել Ադրբեջանում գտնվող հայ ռազմագերիների անհապաղ ազատմանը, որովհետև այս մարդիկ պարզապես գտնվում են սպանված լինելու անմիջական վտանգի տակ:
Շնորհակալություն»:
1in.am
ПОСЛЕДНИЕ ОТ АВТОРА
-
2024-03-29 13:47
После экспансионистских действий фашистской Германии и оккупации Франции знаменитый французский генерал, гордость страны – Шарль де Голль – 18 июня 1940 года обратился по лондонскому радио ко всем находящимся на территории Британии французским офицерам, солдатам и военным специалистам с призывом продолжить борьбу, пишет секретарь оппозиционной фракции «Честь имею» парламента Армении Тигран Абрамян.
-
2024-03-29 13:11
Слишком тесное сближение с Европейским союзом чревато определëнными издержками для Армении. Таким мнением сегодня, 29 марта, на конференции в Ереване, организованной Аналитическим центром стратегических исследований и инициатив, поделился российский политолог Максим Васьков.
-
2024-03-29 13:02
Как уже известно, правящая элита во главе с Николом Пашиняном 23 марта отправилась в Гюмри. Об этом пишет газета «Жоховурд».
-
2024-03-29 12:28
В ходе агрессии 19-20 сентября 2023 были убиты 223 арцахцев, из них 21 гражданские лица, 6 дети. Об этом сообщил омбудсмен Нагорного Карабаха Гегам Степанян в ходе дискуссии в АУА.