2021-01-28 12:21
Информагентства
«Հայերի մասնակցությունը Հայրենական մեծ պատերազմին»․ նոր գիրք, նոր փաստեր
Երևանում «Դոմ Մոսկվի» մոսկովյան մշակութագործարարական կենտրոնի (ՄՄԳԿ) նախաձեռնությամբ տպագրվել է «Հայերի մասնակցությունը Հայրենական մեծ պատերազմում» աշխատությունը։ Գիրքը նվիրված է Մեծ Հաղթանակի 75-ամյակին։
Գրքի հեղինակներն են Մ. Լոմոնոսովի անվան Մոսկվայի պետական համալսարանի երևանյան մասնաճյուղի դասախոս պ. գ. դ. Ստեփան Ստեփանյանը (Կերտող) և Երևանում «Դոմ Մոսկվի» մոսկովյան մշակութագործարարական կենտրոնի գործադիր տնօրեն, տ․գ․թ․ Վահրամ Կարապետյանը:
Մենագրություն-գրքի 17 գլուխներում ներկայացվում է հայ ազգի մասնակցությունը Հայրենական մեծ պատերազմի բոլոր ճակատներում, այդ թվում ազգային ռազմական միավորներում, պարտիզանական ջոկատներում, հետախուզական օպերացիաներում: Հեղինակները հավաքագրել են հայերի մասնակցությունը բոլոր ռազմաճակատներում՝ հիմնվելով ոչ միայն հայտնի փաստերի, այլև մինչև այժմ գիտական շրջանառության մեջ չդրված նյութերի վրա: Ներկայացվում է հայերի մասնակցությունը Մոսկվայի, Ստալինգրադի, Կուրսկի ճակատամարտերին, ինչպես նաև Ղրիմի և խորհրդա-ճապոնական պատերազմին։
Առանձնակի պատմվում է նաև ԽՍՀՄ մարշալներ Հ․ Բաղրամյանի, Ս․ Խուդյակովի, Հ․ Բաբաջանյանի և նավատորմի ադմիրալ Հ․ Իսակովի գործունեությունը, ինչպես նաև ԽՍՀՄ հայ հերոսների և «Փառքի շքանշանի» ասպետների սխրանքները:
Գիրքը հրատարակվել է Մոսկվա քաղաքի արտաքին տնտեսական և միջազգային կապերի դեպարտամենտի աջակցությամբ։
«Գրքում առկա են արխիվային, փաստագրական և գիտական բազում նյութեր, ինչը հնարավորություն է տալիս բազմակողմանի դիտարկել Մեծ Հաղթանակի համար հայ ազգի դերն ու սխրանքները, բացահայտվում են նոր փաստեր»,- նշեց Երևանում «Դոմ Մոսկվի» կենտրոնի գլխավոր տնօրեն Վահրամ Կարապետյանը։
Առանձին գլխով ներկայացված է Հայ Առաքելական Եկեղեցու գործունեությունը Հայրենական մեծ պատերազմի տարիներին: Ընթերցողը կարող է ծանոթանալ նաև հայ հետախույզների և թիկունքի աշխատանքներին, հայ գիտնականների մասնակցությանը ԽՍՀՄ «Ատոմային նախագծում»:
Գրքի առաջաբանը հեղինակել է Հայրենական մեծ պատերազմի մասնակից, Հայրենական պատերազմի և զինված ուժերի վետերանների միության նախագահ, գնդապետ Պետրոս Պետրոսյանը:
«Պատերազմի առաջին օրերից Հայկական ԽՍՀ-ն մոբիլիզացրեց իր ամբողջ ներուժը՝ արտադրությունն ու գյուղատնտեսությունը վերափոխելով ռազմական իրողություններին համապատասխան։ Այս ճակատագրական խնդիրները լուծելուն ծառայում էր կուսակցական և պետական մարմինների, ձեռնարկությունների, կոլխոզների ու սովխոզների, գիտական ու մշակութային հիմնարկների գործունեությունը: Ամբողջ հանրապետությունը՝ որպես մեկ երկրի անբաժան մաս ապրում էր հաղթանակի ոգով և «Ամեն ինչ ճակատի և հաղթանակի համար» կարգախոսով»,- նշվում է գրքի նախաբանում, տեղեկացնում է News.am-ը։
ПОСЛЕДНИЕ ОТ АВТОРА
-
New2025-04-21 13:21Папа Римский Франциск, скончавшийся сегодня, (до избрания – Хорхе Марио Бергольо) родился 17 декабря 1936 г. в Буэнос-Айресе в семье иммигрантов из Италии. По окончании средней школы по специальности «техник-химик» Бергольо решил стать священником-иезуитом (старинный церковный орден, занимающийся миссионерской и христианско-просветительской деятельностью) и в 1958 г. в возрасте 22 лет вступил в новициат.
-
New2025-04-21 13:16Стена памяти мемориального комплекса "Цицернакаберд" дополнится именами Лемкина и дю Фурне, внесших вклад в спасение армян во время Геноцида в Османской империи. Об этом заявила на пресс-конференции директор музея-института Геноцида армян (МИГА) Эдита Гзоян.
-
New2025-04-21 13:09Трудно слышать, как люди говорят о том, чего они не видели, но вы при этом лично пережили. Об этом на заседании Национального Собрания во время обсуждения отчета «О деятельности и состоянии свободы информации в аудиовизуальных медиа за 2024 год» заявил 21 апреля депутат от оппозиционного блока «Армения» Гегам Манукян.
-
New2025-04-21 13:06Социальная сеть Facebook перестала блокировать профили и группы, публикующие изображения национального героя Армении Монте Мелконяна. Об этом сообщил в социальных сетях IT-эксперт Самвел Айрапетян.