Ծառուկյան․ Պատերազմում բանակը չի պարտվել, պարտվել է ապաշնորհ իշխանությունը
«Բարգավաճ Հայաստան» կուսակցության նախագահ Գագիկ Ծառուկյան Բանակի օրվա առթիվ շնորհավորական ուղերձ է հղել, որում ասվում է․
«Սիրելի՛ հայրենակիցներ,
Այսօր լրանում է Հայոց բանակի կազմավորման 29-ամյակը: Յուրաքանչյուր տարի մենք մեր շնորհավորանքի ու երախտիքի խոսքն էինք ուղղում կայացած, մարտունակ ու հաղթանակած հայոց բանակի նվիրյալներին, սակայն 2020 թվականի սեպտեմբերին սանձազերծված Արցախյան երկրորդ պատերազմը մեզնից խլեց այդ իրավունքը: Ես ասել եմ ու ևս մեկ անգամ կրկնում եմ՝ պատերազմները սանձազերծվում են միայն այն ժամանակ, երբ պարտվում է դիվանագիտությունը: Այսօր ևս մեկ անգամ վերահաստատում եմ՝ Արցախյան այս պատերազմում հայոց բանակն ու հայ զինվորը չեն պարտվել: Պարտվել է ապաշնորհ իշխանությունը՝ իր վարած անհեռանկար ու վտանգավոր հետևանքներով հղի դիվանագիտությամբ:
Արցախյան վերջին 44-օրյա պատերազմում 5000-ից ավելի հայի օջախի ճրագ մարեց, խեղվեցին 10.000-ից ավելի ճակատագրեր, որբացան հազարավոր մանուկներ: Այսօր էլ դեռ մեր բազմաթիվ հերոսների ճակատագիր անորոշության մեջ է, ռազմագերիները սպասում են հայրենիք վերադարձին և բոլորիս սրբազան պարտքը պետք է լինի այս խնդիրները լուծելը: Դրան զուգահեռ մենք ունենք մեկ այլ կարևոր առաքելություն՝ հետևողականորեն բարձրացնել մեր զինված ուժերի մարտունակությունը, դարձնել այն 21-րդ դարի ռազմաարդյունաբերական պահանջներին համապատասխանող միավոր՝ ավելի արդիական և շատ ավելի ուժեղ, ունակ դիմագրավելու մեր հայրենիքի անվտանգությանը սպառնացող փորձություններին: Այսօր ես ուզում եմ գլուխ խոնարհել բոլոր այն ազատամարտիկների, զինվորների ու սպաների հիշատակի առաջ, որոնք իրենց կյանքը չխնայեցին հայրենիքի, ժողովրդի և այսօրվա թեկուզ հարաբերական, բայց առկա խաղաղության համար: Հավերժ փա՛ռք նրանց հիշատակին: Հատկապես հենց այսօր մենք պարտավոր ենք ձեզ խոստանալ՝ վերադարձնել մեզնից գողացված հաղթանակը, հայի արժանապատվությունը, սերունդներին փոխանցել մայիսյան եռատոնը նշելու հպարտությունը:
Առանձնահատուկ խոնարհումս այսօր էլ առաջնագծում կանգնած մեր բոլոր տղաներին, մեր թիկնունքն ամուր պահող հերոսներին: Նրանց մաղթում եմ բարի ծառայություն, հերոսներ ծնած բոլոր մայրերին՝ համբերություն, հայոց երկրի սահմաններին՝ անառիկ ամրություն ու խաղաղություն:
Աստված պահապա՛ն մեզ բոլորիս»:
News.am
ПОСЛЕДНИЕ ОТ АВТОРА
-
2024-05-06 12:56
Происходит фантастическая вещь: глава Тавушской епархии ведет жителей Тавуша, голосовавших за Никола, в Ереван за истиной. Речь идет не только о тех, кто участвует в Крестном ходе, но и о большой части населения, которая уже возлагает надежду на другого человека и другие процессы. Об этом пишет член группы «Альтернативные проекты» Ваге Ованнисян.
-
2024-05-06 12:41
Движение во главе с предстоятелем Тавушской епархии Армянской апостольской церкви Багратом Галстаняном продолжает марш на Ереван. Он 6 мая стартовал с перекрестка Севанского полуострова.
-
2024-05-06 12:38
Армения ответила на письмо Совета Федерации РФ, в котором говорилось об антироссийских высказываниях спикера Национального собрания Алена Симоняна.
-
2024-05-06 12:36
Члены гражданского движения «Ширак во имя Родины» 8 мая в 10:00 отправятся в город Абовян, чтобы присоединиться к маршу, начавшемуся с Тавушской области. Об этом говорится в сообщении, распространенном движением «Ширак во имя Родины».