2021-01-29 12:39
Информагентства
Վահան Բադասյանին մեղադրանք է առաջադրվել
ԱՀ ԱԺ նախկին պատգամավոր, ազատամարտիկ Վահան Բադասյանին մեղադրանք է առաջադրվել ՀՀ քրեական օրենսգրքի 301-րդ հոդվածի հատկանիշներով՝ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերի համար։ Այս մասին «Փաստինֆո»-ի հետ զրույցում ասաց պաշտպան Արայիկ Պապիկյանը։
Ինչպես արդեն տեղեկացրել ենք՝ երեկ ԱԱԾ-ն բերման է ենթարկել, ապա՝ ձերբակալել Վահան Բադասյանին՝ Եռաբլուր զինվորական պանթեոնում իր կողմից արված հայտարարությունների համար։ Վերջինս հայտարարել է, որ Նիկոլ Փաշինյանը կործանել է բանակը և նրան պետք է հեռացնեն ոչ միայն որպես պարտության խորհրդանիշ, այլև թշնամի․
«Հեռացնելու տարբեր ճանապարհներ կան ընդհուպ ֆիզիկապես հեռացնելը։ Դա ենթադրում է, որ թշնամուն պետք է վերացնենք, թեկուզ զենքի ուժով։ Այո, ես գիտակցաբար սպառնալիքի կոչեր եմ անում, թող ԱԱԾ-ն ձերբակալի ինձ։ Ցանկացած մեկը պետք է ցանկանա թշնամուն ոչնչացնել։ Դա անհատները պետք է անեն։ Ես ինքս պատրաստ եմ դրան»,-ասել է Վահան Բադասյանը։
Փաստաբանը մեզ հետ զրույցում ասաց, որ Վահան Բադասյանի հայտարարությունների հիման վրա հարուցվել է քրեական գործ՝ ՀՀ քրեական օրենսգրքի 301-րդ հոդվածի հատկանիշներով, որի շրջանակներում Բադասյանը ձերբակալվել է։ Պաշտպանի փոխանցմամբ՝ Բադասյանը կասկածանքի շուրջ հրաժարվել է ցուցմունք տալ, իսկ երեկ երեկոյան վարույթն իրականացնող մարմինը մեղադրանք է առաջադրել նրան։
Վերջինս առաջադրված մեղադրանքի շուրջ ևս հրաժարվել է ցուցմունք տալուց, միայն հայտարարել է, որ չի ընդունում մեղադրանքը։
Պաշտպանը հայտնեց, որ վարույթն իրականցնող մարմինը Բադասյանի նկատմամբ կալանավորումը որպես խափանման միջոց ընտրելու մասին միջնորդություն է ներկայացրել դատարան, որը դեռևս չի մակագրվել։ Ինչ վերաբերում է ձերբակալման որոշման դեմ բողոքին, պաշտպանը նշեց, որ դեռևս բողոք չի ներկայացվել, սակայն պատրաստվում են վիճարկել ձերբակալության իրավաչափության հարցը, ձերբակալման որոշման դեմ բողոքը կքննվի կալանավորման միջնորդության հետ համատեղ՝ դատական նիստի ընթացքում։
ПОСЛЕДНИЕ ОТ АВТОРА
-
New2025-04-24 16:57Пакистан приостанавливает действие всех двусторонних соглашений с Индией, включая договор по итогам третьей индо-пакистанской войны. Об этом сообщается в релизе пресс-службы Секретариата премьер-министра Пакистана по итогам заседания Совета национальной безопасности, состоявшегося в четверг.
-
New2025-04-24 16:54Соболезную внукам армян Османской империи, погибших в тяжелые времена Первой мировой войны. Об этом говорится в очередном приуроченном к 24 апреля послании президента Турции Реджепа Тайипа Эрдогана.
-
New2025-04-24 16:51Парламентская курдская Партия народного равенства и демократии (DEM) Турции выступила с заявлением к 24 апреля.
-
New2025-04-24 16:47К сожалению, сегодня к отрицанию Геноцида присоединилось и нынешнее правительство. Для многих это неожиданно, но я хотела бы напомнить, что партия, пришедшая к власти, была создана ровно 10 лет назад именно с этой целью. Об этом сегодня, 24 апреля, в беседе с журналистами в мемориальном комплексе Цицернакаберд заявила первый Защитник прав человека Армении Лариса Алавердян.