Последние новости

Սալիվան. Ռուսաստանը և ԱՄՆ-ն լրջորեն քննարկում են իրանական միջուկային ծրագրի խնդիրները

Ռուսական և ամերիկյան կողմերը լրջորեն և բովանդակալից կերպով քննարկում են իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) խնդիրները: Այս մասին «Դոժդ» հեռուստաալիքին տված հարցազրույցում ասել է Մոսկվայում ԱՄՆ դեսպան Ջոն Սալիվանը:

Նա նշել է, որ ԱՄՆ վարչակազմը ներկայումս քննարկում է իրանական միջուկային գործարքի հետ կապված իրավիճակը: «Սա ծայրաստիճան բարդ հարց է. ես գիտեմ, որ Վաշինգտոնում իմ գործընկերները շատ ուշադիր են ուսումնասիրում այն, բայց սա ոլորտի միայն մեկ օրինակն է, որտեղ ԱՄՆ-ն և Ռուսաստանը լուրջ, բովանդակալից երկխոսության մեջ են»,- ասաց ամերիկացի դիվանագետը:

2018-ին ԱՄՆ նախկին նախագահ Դոնալդ Թրամփը որոշում էր կայացրել դուրս գալ ԳՀՀԾ-ից, որից հետո Վաշինգտոնը սկսեց առավելագույն ճնշման արշավը Թեհրանի վրա, ըստ էության` ուղղված դրա տնտեսական խեղդմանը: ԳՀՀԾ-ն ստորագրվել է 2015 թվականին ՄԱԿ-ի Անվտանգության խորհրդի հինգ մշտական անդամների և Գերմանիայի կողմից Իրանի հետ` Թեհրանի միջուկային զարգացման շուրջ ստեղծված ճգնաժամը հաղթահարելու համար: ԱՄՆ ներկայիս նախագահ Ջո Բայդենը բազմիցս հայտարարել է ԱՄՆ-ի վերադարձը ԳՀՀԾ-ը ապահովելու պատրաստակամության մասին, փոխանցում է ՏԱՍՍ-ը:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ