2021-02-02 09:01
Информагентства
0
Պողոս Գևորգյան․ Հայկական ջերմոցային տնտեսությունները պարզապես կսնանկանան
Եթե տարածաշրջանում կոմունիկացիաների ապաշրջափակում լինի, ապա հայկական ջերմոցային տնտեսությունները թուրքական և ադրբեջանական արտադրողների համեմատ անմրցունակ կդառնան: Այս մասին News.am-ի հետ զրույցում ասաց «Ջերմոցային ասոցիացիա» հասարակական կազմակերպության գործադիր տնօրեն Պողոս Գևորգյանը:
Փորձագետը պարզաբանեց, որ դա պայմանավորված է նրանով, որ Թուրքիայում այդ տնտեսությունները գործում են տաք կլիմայական պայմաններ ունեցող շրջաններում և փաստացի չեն ծախսվում գազի վրա:
Ինչ վերաբերում է Ադրբեջանին, ապա այնտեղ էներգետիկ ռեսուրսների գները զգալիորեն ցածր են, քան Հայաստանում: «Ուստի եթե տարածաշրջանում կոմունիկացիաներն ապաշրջափակվեն, հայկական ջերմոցային տնտեսությունները պարզապես կսնանկանան և կփակվեն: Համեմատության համար նշենք, որ թուրքական լոլիկի կիլոգրամը, հաշվի առնելով արտադրությունը, փոխադրումը, մաքսային վճարները, 300 դրամ է, մինչդեռ Հայաստանում արտադրվողի ինքնարժեքը 500 դրամ է»,- հավելեց Գևորգյանը:
Որպես իրավիճակից ելք փորձագետը նշեց արևային էներգիայի օգտագործումը գազի փոխարեն, սակայն դա, ըստ նրա, լուրջ ներդրումներ է պահանջում: «Նման առաջարկով մենք դիմել ենք իշխանություններին: Հայաստանը միանգամայն կարելի է ջերմոցային արդյունաբերական երկիր դարձնել` օգտագործելով սեփական տնկիները, կոնստրուկցիաները, ինչպես նաև էներգիան (արևային): Մենք առաջարկել ենք նաև արտոնյալ պայմաններ ստեղծել Հայաստանի լեռնային շրջանների ջերմոցային տնտեսությունների և այնտեղ արտադրվող էկոլոգիապես մաքուր և մրցունակ արտադրանքի արտահանման համար` հաշվի առնելով, որ նույն Եվրոպայում դա մեծ պահանջարկ ունի»,- շեշտեց նա: Սակայն քանի որ այդ շրջաններն արդեն սահմանամերձ են դարձել, անհրաժեշտ է լուծել նաև ներդրումների անվտանգության երաշխիքների հարցը: «Առայժմ մեր բոլոր առաջարկներն անպատասխան են մնում»,- եզրափակեց ՀԿ նախագահը:
Հիշեցնենք, որ, Ռուսաստանի նախագահ Վլադիմիր Պուտինի, ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի կողմից 2020 թվականի նոյեմբերի 9-ի հայտարարության համաձայն, տարածաշրջանում բոլոր տնտեսական և տրանսպորտային կապերի ապաշրջափակում է նախատեսվում:
ПОСЛЕДНИЕ ОТ АВТОРА
-
New2025-01-10 06:09Лидер «Священного движения» архиепископ Баграт Галстанян выступил с заявлением о находящихся в бакинских тюрьмах представителях военно-политического руководства Арцаха и других армянских пленных.
-
New2025-01-10 06:02Азербайджан готовит «обоснование новой эскалации» в регионе, сообщил премьер Армении Никол Пашинян. Так он отреагировал на заявления азербайджанского президента Алиева, который назвал Армению «фашистским государством». Как считает военный эксперт Юрий Котенок, «некогда дружественная Армения на наших глазах катится в пропасть».
-
2025-01-09 19:44Армянский фильм вошел в программу 75-го Берлинского международного кинофестиваля, сообщается на сайте Берлинале.
-
2025-01-09 19:37Заявления азербайджанского лидера о якобы "фашистской Армении" соответствуют заявлениям премьер-министра Никола Пашиняна об "исторической Армении". Такую точку зрения выразил в беседе со Sputnik Армения бывший вице-спикер НС Армении, член исполнительного органа Республиканский партии Эдуард Шармазанов.