2021-02-02 09:01
Информагентства
0
Պողոս Գևորգյան․ Հայկական ջերմոցային տնտեսությունները պարզապես կսնանկանան
Եթե տարածաշրջանում կոմունիկացիաների ապաշրջափակում լինի, ապա հայկական ջերմոցային տնտեսությունները թուրքական և ադրբեջանական արտադրողների համեմատ անմրցունակ կդառնան: Այս մասին News.am-ի հետ զրույցում ասաց «Ջերմոցային ասոցիացիա» հասարակական կազմակերպության գործադիր տնօրեն Պողոս Գևորգյանը:
Փորձագետը պարզաբանեց, որ դա պայմանավորված է նրանով, որ Թուրքիայում այդ տնտեսությունները գործում են տաք կլիմայական պայմաններ ունեցող շրջաններում և փաստացի չեն ծախսվում գազի վրա:
Ինչ վերաբերում է Ադրբեջանին, ապա այնտեղ էներգետիկ ռեսուրսների գները զգալիորեն ցածր են, քան Հայաստանում: «Ուստի եթե տարածաշրջանում կոմունիկացիաներն ապաշրջափակվեն, հայկական ջերմոցային տնտեսությունները պարզապես կսնանկանան և կփակվեն: Համեմատության համար նշենք, որ թուրքական լոլիկի կիլոգրամը, հաշվի առնելով արտադրությունը, փոխադրումը, մաքսային վճարները, 300 դրամ է, մինչդեռ Հայաստանում արտադրվողի ինքնարժեքը 500 դրամ է»,- հավելեց Գևորգյանը:
Որպես իրավիճակից ելք փորձագետը նշեց արևային էներգիայի օգտագործումը գազի փոխարեն, սակայն դա, ըստ նրա, լուրջ ներդրումներ է պահանջում: «Նման առաջարկով մենք դիմել ենք իշխանություններին: Հայաստանը միանգամայն կարելի է ջերմոցային արդյունաբերական երկիր դարձնել` օգտագործելով սեփական տնկիները, կոնստրուկցիաները, ինչպես նաև էներգիան (արևային): Մենք առաջարկել ենք նաև արտոնյալ պայմաններ ստեղծել Հայաստանի լեռնային շրջանների ջերմոցային տնտեսությունների և այնտեղ արտադրվող էկոլոգիապես մաքուր և մրցունակ արտադրանքի արտահանման համար` հաշվի առնելով, որ նույն Եվրոպայում դա մեծ պահանջարկ ունի»,- շեշտեց նա: Սակայն քանի որ այդ շրջաններն արդեն սահմանամերձ են դարձել, անհրաժեշտ է լուծել նաև ներդրումների անվտանգության երաշխիքների հարցը: «Առայժմ մեր բոլոր առաջարկներն անպատասխան են մնում»,- եզրափակեց ՀԿ նախագահը:
Հիշեցնենք, որ, Ռուսաստանի նախագահ Վլադիմիր Պուտինի, ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի կողմից 2020 թվականի նոյեմբերի 9-ի հայտարարության համաձայն, տարածաշրջանում բոլոր տնտեսական և տրանսպորտային կապերի ապաշրջափակում է նախատեսվում:
ПОСЛЕДНИЕ ОТ АВТОРА
-
New2025-01-09 19:44Армянский фильм вошел в программу 75-го Берлинского международного кинофестиваля, сообщается на сайте Берлинале.
-
New2025-01-09 19:37Заявления азербайджанского лидера о якобы "фашистской Армении" соответствуют заявлениям премьер-министра Никола Пашиняна об "исторической Армении". Такую точку зрения выразил в беседе со Sputnik Армения бывший вице-спикер НС Армении, член исполнительного органа Республиканский партии Эдуард Шармазанов.
-
New2025-01-09 19:162025 год начался, и Армения находится на критическом перекрестке, сталкиваясь с серьезными внешнеполитическими вызовами и онтологическими вопросами относительно своего будущего. Об этом пишет экс-глава МИД Армении Вардан Осканян в своей статье под названием «Руководство Пашиняна - катализатор падения Армении».
-
New2025-01-09 19:06Парламент Ливана большинством голосов избрал командующего армией Джозефа Ауна на пост президента страны. Об этом, как передат ТАСС, сообщил спикер ливанского парламента Набих Берри.