2021-02-02 15:21
Информагентства
0
Քոչարյան․ Քաղաքական իրադարձությունների վերաբերյալ գործը չի կարող քննվել առանց քաղաքական բաղադրիչների հիշատակման
Քաղաքական իրադարձությունների վերաբերյալ գործը չի կարող քննվել առանց քաղաքական բաղադրիչների հիշատակման: Այս մասին փետրվարի 2-ի դատական նիստում ասաց Հայաստանի երկրորդ նախագահ Ռոբերտ Քոչարյանը՝ դիրքորոշում հայտնելով նախկին փոխվարչապետ Արմեն Գևերգյանի փաստաբան Էրիկ Ալեքսանյանի միջնորդության վերաբերյալ՝ դատավոր Աննա Դանիբեկյանի ինքնաբացարկի մասին:
Հիշեցնենք, որ դատավորը Գևորգյանին թույլ չէր տվել հանդես գալ քաղաքական գնահատականներով, արդյունքում՝ Գևորգյանն ընդհանրապես ելույթ չունեցավ:
Ռոբերտ Քոչարյանը շեշտեց, որ 2008 թվականի մարտի 1-ի իրադարձությունների վերաբերյալ գործը կապված է ընտրությունների և հետընտրական գործընթացների հետ: Այն ամբողջությամբ քաղաքականացված է, և չի ստացվի կարծել, որ գործում կարելի է շրջանցել քաղաքական բնույթի գնահատականներն ու հիշատակումները: «Ձեզ խնդրում եմ սա հաշվի առնել: Չեն կարող լինել քաղաքական իրադարձությունների վերաբերյալ գործեր առանց քաղաքական բաղադրիչների»,- ամփոփեց երկրորդ նախագահը:
Քոչարյանի փաստաբան Արամ Վարդևանյանը, խոսելով ընդհանրապես իրավական համակարգի մասին, հիշեցրեց վարչապետ Փաշինյանի կոչը ընդդիմախոսների հաշվեհարդար տեսնելու մասին և այն հանգամանքը, որ ոչ ոք չհամարձակվեց նրան պատասխանատվության կանչել:
Փաստաբան Հայկ Ալումյանը բողոքեց Գևորգյանին իր տեսակետը հայտնելուց զրկելու կապակցությամբ: «Այս քրեական հետապնդումը քաղաքական բնույթ ունի»,- հիշեցրեց փաստաբանը՝ հավելելով, որ այդ հայտարարությունը քաղաքական բնույթ չունի, և իրենք մտադիր են ասածն ապացուցել: «Ո՞ւմ հրամանով է իրականացվում այս հետապնդումը: Եվ երբ մարդը փորձում է արտահայտվել, իսկ նրան զրկում են խոսքի իրավունքից, դա նրա իրավունքների ակնհայտ խախտում է»,- նշեց փաստաբանը
«Դատարանը ոչ միայն պետք է օբյեկտիվ լինի, այլև կողմնակի դիտորդի վրա օբյեկտիվության տպավորություն թողնի: Իսկ Դուք սուբյեկտիվ մոտեցում եք դրսևորում»,- արձանագրեց փաստաբանը:
Փաստաբան Հովհաննես Խուդոյանը նշեց, որ դատարանը Գևորգյանին զրկել է իր դիրքորոշումը հիմնավորելու հնարավորությունից: «Դուք ակնհայտորեն սուբյեկտիվ դիրքորոշում ունեք: Ձեզնից բոլորը դժգոհ են»,- նշեց փաստաբանը՝ հավելելով, որ դատավորը մշտապես սահմանափակում է կողմերի իրավունքները, տեղեկացնում է News.am-ը:
ПОСЛЕДНИЕ ОТ АВТОРА
-
New2024-11-22 14:33Бывший конгрессмен от штата Флорида Мэтт Гейц заявил, что не будет претендовать на назначение Генеральным прокурором США. На эту должность его выдвинул избранный президент Дональд Трамп, сообщает BBC.
-
New2024-11-22 14:27После того, как Международный уголовный суд (МУС) выдал ордера на арест высокопоставленных израильских чиновников, включая премьер-министра Биньямина Нетаньяху, премьер-министр Канады заявил, что страна подчинится решению суда.
-
New2024-11-22 14:23Решение Международного уголовного суда (МУС) выдать ордер на арест премьер-министра и экс-министра обороны Израиля свидетельствует о политической смерти израильского режима. Об этом, как передает РИА Новости со ссылкой на зарубежные СМИ, заявил командующий Корпусом стражей исламской революции (КСИР, элитные подразделения ВС Ирана) генерал-майор Хосейн Салами.
-
New2024-11-22 14:21Кандидатом в канцлеры от Социал-демократической партии Германии станет Олаф Шольц, несмотря на крайне низкий рейтинг, сообщает Bild.