Последние новости

Սեյրան Օհանյան. Գործընթացի քաղաքական ենթատեքստն ակնհայտ է

Հայաստանի պաշտպանության նախկին նախարար Սեյրան Օհանյանն արձանագրում է, որ սահմանադրական կարգի ենթադրյալ տապալման գործով դատավարության քաղաքական ենթատեքստն ակնհայտ է: Այս մասին նա հայտարարեց այսօր ընթացող դատական նիստին` արտահայտելով իր տեսակետը դատավոր Աննա Դանիբեկյանի ինքնաբացարկի միջնորդության վերաբերյալ: Հիշեցնենք, որ դատավորը թույլ չտվեց նախկին փոխվարչապետ Արմեն Գևորգյանին, որի փաստաբանը ներկայացրել էր միջնորդությունւ, քաղաքական գնահատականներով հանդես գալ:

«Ակնհայտ է, որ կողմնակալ վերաբերմունք կա: Մենք կարծում ենք, որ քաղաքական հետապնդումն ակներև է: Որպես պաշտպանող կողմ` մենք ասում ենք, որ սա քաղաքական հետապնդման արդյունք է: Իսկ ո՞վ ասաց, որ մենք չենք կարող դրա մասին ասել: Ինքնաբացարկի վերաբերյալ տեսակետի ներկայացումը կարող է նաև քաղաքական բաղադրիչ պարունակել: Չէ որ նա պետք է հիմնավորումներ ներկայացնի: Բացի այդ, դատավորի կողմից սահմանված ժամկետները սահմանափակում են արտահայտվելու հնարավորությունը: Եվ դա քաղաքական հետապնդման արդյունք է: Եթե ​​Գևորգյանն արտահայտվեր, որոշ մարդիկ երևի կհարցնեին Ձեզ, թե ինչու դա թույլ տվեցիք: Եվ Ձեր գործողությունները քաղաքական հետապնդման շարունակություն են: Մարդկային տեսանկյունից դա սխալ մոտեցում է»,- ասաց Օհանյանը, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ