2021-02-02 19:52
Информагентства
Ռոբերտ Քոչարյանի ու Սերժ Սարգսյանի հետ հանդիպումներ կլինեն
Հայրենիքի փրկության շարժումը նախատեսում է հանդիպումներ անցկացնել Հայաստանի երկրորդ նախագահ Ռոբերտ Քոչարյանի, ինչպես նաև երրորդ նախագահ Սերժ Սարգսյանի հետ։ Տեղեկությունը Sputnik Արմենիայի հետ զրույցում հաստատեց ՀՅԴ ԳՄ ներկայացուցիչ, Հայրենիքի փրկության շարժման համակարգող Իշխան Սաղաթելյանը։
«Հայաստանի երկրորդ և երրորդ նախագահների հետ հանդիպումներ նախատեսվում են, սակայն ժամկետները դեռևս հստակեցվում են», – ասաց նա։
«Ժողովուրդ» օրաթերթն ավելի վաղ գրել էր, որ առաջիկա օրերին ՀՅԴ, ԲՀԿ, ՀՀԿ, «Հայրենիք» կուսակցությունների առաջնորդները կհանդիպեն Ռոբերտ Քոչարյանի հետ: Ըստ թերթի տեղեկությունների՝ լիդերները պատրաստվում են միմյանց տեղեկացնել, որ այլևս չեն ցանկանում շարունակել լինել «Հայրենիքի փրկության շարժման» թևում, ու պայքարը պետք է այլ ձևաչափ տեղափոխել: Ընդդիմության առաջնորդների մի հատվածը կարծում է, որ պետք է գնալ արտահերթ խորհրդարանական ընտրությունների, իսկ մի հատվածն էլ այն կարծիքին է, որ չպետք է ներկայիս իշխանությունների հետ գնալ նման համաձայնության: Պարբերականը նշել էր, որ Ռոբերտ Քոչարյանի մասով մարզերում և Երևանում գաղտնի հարցումներ են իրականացվել այդ թվում և մի քանի դեսպանատների, պետական կառույցների կողմից, ու պարզվել է, որ նրա վարկանիշը բարձրանում է:
«Չեմ կարծում, որ քաղաքական քննարկումների արդյունքում «Հայրենիքի փրկության շարժումը» լուծարվի», – ասաց Սաղաթելյանը Sputnik Արմենիային։
Ավելի վաղ Ռոբերտ Քոչարյանն իր հարցազրույցներից մեկում հայտարարել էր, որ եթե երկրում անցկացվեն արտահերթ ընտրություններ, ինքը և իր թիմը կմասնակցեն դրանց: Հաշվի առնելով երկրորդ նախագահի ավանդաբար սերտ հարաբերությունները Դաշնակցություն կուսակցության հետ` շատերը ենթադրում են, որ նախկին նախագահը և ՀՅԴ-ն կարող են մասնակցել այս ընտրություններին կամ ստեղծել ինչ-որ նոր շարժում:
Մինչդեռ Սաղաթելյանն ասաց, որ դժվար թե նման համատեղ շարժում ստեղծվի: Նա նաև ավելացրեց, որ կուսակցությունը չի քննարկել ընտրություններին Քոչարյանի մասնակցության հետ կապված հարցը:
«Ռոբերտ Քոչարյանի հայտարարությունն այս պահին ոչինչ չի փոխել մեր շարժման օրակարգում։ Բայց գիտենք` Քոչարյանն ասել է, որ ներկայիս կառավարության կողմից ընտրությունների անցկացումը վտանգավոր է: Այսինքն` նրա` ընտրություններին մասնակցելը պետք է դիտարկել այն համատեքստում, որ եթե ընտրություններ լինեն, նա կմասնակցի: Այս իմաստով տարբեր քաղաքական ուժեր տարբեր մոտեցումներ ունեն: Բայց մեր խնդիրն այժմ իշխանությունների հեռանալն է», - ավելացրեց Սաղաթելյանը:
Հենց կառավարության հրաժարականն ու Փաշինյանի հեռանալու «ճանապարհային քարտեզի» մշակումն է այժմ ՀՅԴ-ի և ընդդիմադիր մյուս ուժերի հիմնական օրակարգը, ավելացրեց Սաղաթելյանը։
ПОСЛЕДНИЕ ОТ АВТОРА
-
New2025-04-23 05:44Отказ армянских властей от продвижения темы международного признания Геноцида армян может привести к новым преступлениям против армянского народа. Об этом в интервью Sputnik Армения заявил эксперт по международному праву, бывший депутат Тарон Симонян.
-
2025-04-22 19:43Международный валютный фонд снизил прогноз по росту экономики Армении в 2025-2026 годах. Об этом говорится в глобальном прогнозе МВФ (Global Economic Outlook) за апрель 2025 года.
-
2025-04-22 19:41Российско-американский диалог по украинской проблематике продолжится на этой неделе. Об этом заявил помощник президента РФ Юрий Ушаков журналисту "России 1" Павлу Зарубину, комментируя ход российско-американского диалога по украинскому урегулированию.
-
2025-04-22 19:39Партия "ДОК" Вардана Гукасяна обратилась к правительству США с призывом обратить внимание на трагические случаи смертей в уголовно-исполнительных учреждениях (УИУ) Армении.