2021-02-03 17:01
Информагентства
Նարեկ Մալյան. Սաքունցը պետք է ենթարկվի պատասխանատվության
«Ռեջեփ Թայիփ Էրդողանը Թուրքիայի նախորդ ռեժիմի օրոք եղել է քաղբանտարկյալ ու մշտապես եղել է իրավապաշտպան համայնքի ուշադրության կենտրոնում»։ Հոկտեմբերի 29-ին մի տեսակոնֆերանսում Արթուր Սաքունցի արած այս հայտարարության վրա այսօր ուշադրություն հրավիրեց ՎԵՏՕ նախաձեռնության հիմնադիր Նարեկ Մալյանը։
«Հայելի» ակումբում նա ընդգծեց, նման հայտարարություն Սաքունցն անում է պատերազմի թեժ օրերին, երբ զոհերի 90 տոկոսը եղել են Էրդողանի բայրաքթարների հետևանքով։
«Այսինքն, մենք մեր հասարակությունում հանդուրժում ենք մի մարդու, որ բացահայտ կերպով փորձում է սպիտակացնի, արդարարացնի, հրեշտակի թևեր պարգևի մեր երեխաներին սպանողին՝ Էրդողանին»,- ասաց Մալյանն ու զարմանք հայտնեց, որ «մահ դավաճանին» գրության համար ոստիկանություն շտապող Սաքունցը փորձում է արդարացնել բռնության կոչերի համար Ստամբուլի դատարանի որոշումով դատապարտված Էրդողանին, նրան որակում է քաղբանտարկյալ։
Նա եզրակացնում է՝ ստացվում է, երբ նույն արարքն անում են ի նպաստ Հայաստանի, մեր պետականության, դառնում են բռնության կոչերի հեղինակներ, մինչդեռ Էրդողանը քաղբանտարկյալ է։
Մալյանը պատրաստվում է ՎԵՏՕ-ի էջում հրապարակել տեսանյութը, ապա այն կցել դատախազություն ուղարկվելիք հաղորդմանը։
«Մենք հետամուտ ենք լինելու, որպեսզի քրեական գործ հարուցվի, Սաքունցն անպայման ենթարկվի պատասխանատվության բռնության կոչերը Հայաստանում արդարացնելու համար, դա 226.2 հոդվածն է, որով ես արդեն երեք քրեական գործով անցնում եմ»,- ասաց նախաձեռնության հիմնադիրը։
Նա նկատեց, որ Էրդողանին բացահայտ աջակցում է Ջորջ Սորոսը, դրա մասին նաև հայտարարություններ է արել։ Ի դեպ, նա խորհուրդ տվեց սորոսականներին մի հարց ուղղել՝ Ալիևին, Էրդողանին համարո՞ւմ են կոռումպացված, թե՞ ոչ։
Մալյանն ասաց, որ շուտով կհրապարակվի ֆիլմ «Սորոսականները պատերազմի ժամանակ» խորագրով, որը կպատասխանի մի շարք հարցերի, օրինակ, որտեղից Դանիել Իոաննիսյանին տեղեկություն Ջաբրայիլի օպերացիայի վերաբերյալ, կամ ո՞րն էր սորոսականների միսիան բուն պատերազմի ժամանակ։
«Ֆիլմը պատերազմի ժամանակ նրանց դավաճանական ու թուրքանպաստ գործունեության և այլնի մասին է»,- ասաց նա, տեղեկացնում է Panorama.am-ը։
ПОСЛЕДНИЕ ОТ АВТОРА
-
New2025-06-06 16:33Депутат НС Армении от оппозиционной фракции "Айастан" Агнесса Хамоян на бюджетных слушаниях в парламенте спросила главу Следкома Артура Погосяна насчет произошедшего в апреле жестокого убийства 22-летнего жителя Эчмиадзина, задав ему несколько "неудобных" вопросов о качестве работы следователей.
-
New2025-06-06 16:25Военнослужащие ВС Азербайджана уже увезли двух несовершеннолетних парней из общины Тех Сюникской области Армении в неизвестном направлении, написал бывший омбудсмен РА, глава «Центра права и справедливости «Татоян» Арман Татоян в соцсети.
-
New2025-06-06 16:20На встрече с армянским премьером Николом Пашиняном председатель Совета Федерации РФ Валентина Матвиенко подтвердила готовность России продолжить сотрудничество с Арменией, основанное на взаимном уважении и дружбе.
-
New2025-06-06 16:16Мультимодальный маршрут через Транскавказскую магистраль может теоретически стать альтернативой МАПП "Верхний Ларс". Об этом заявил председатель Российско-Армянского делового совета Араик Татоян, выступая на 10-м межрегиональном Армяно-российском форуме.