2021-02-03 19:04
Информагентства
Արտագնա աշխատանքի մեկնածներին Մոսկվայից հետ են ուղարկել
Փետրվարի 1-ին Երևան- Մոսկվա առաջին չվերթով մեկնած քաղաքացիներից ոմանց Մոսկվան չի ընդունել։ Մոսկվայից դարձյալ Երևան վերադարձած քաղաքացիները «Զվարթնոց» օդանավակայանում բողոքում են` պատասխան պահանջելով իրենց տրված «կեղծ» թղթերի համար։
«Մեզ արագ–արագ «փաթեթավորեցին», գցեցին ինքնաթիռ։ Գնացել ենք, հասել Մոսկվա, մաքսակետն անցնելիս մեզ ասել են, թե սա անօրինական թուղթ է։ Մեզ արգելեցին մուտք գործել իրենց երկրի տարածք։ Ասացին. «Вас депортировали. На основании вот этой фиктивной бумаги» (Ձեզ արտաքսում են կեղծ թղթի պատճառով),– «Զվարթնոց» օդանավակայանում լրագրողներին պատմեց Մոսկվայից արտաքսված ՀՀ քաղաքացիներից մեկը։
Նրանց խոսքով` խնդիրը կապված է եղել Covid-19–ի թեստի պատասխանի վրա դրված QR կոդի հետ, որը դրական պատասխանի դեպքում բջջային հավելվածում ստանում է կարմիր գունավորում, բացասականի դեպքում՝ կանաչ։
«Այստեղ վերցրեցին սկան արեցին ու մեզ ճանապարհեցին Ռուսաստան։ Մենք գնացինք, հանդիպեցինք այս խնդիրներին»,– ասաց ուղևորներից մեկը։
Ուղևորները հայտնեցին, որ իրենց թռիչքից առաջ ասել են` մինչև դուք տեղ հասնեք, հավելվածը կակտիվանա ու դուք որևէ խնդիր չեք ունենա։
Նրանք նշում են, որ իրենց ընտանիքներին, երեխաներին պահելու համար պարտքով 200 000 դրամ գումար են վերցրել, տոմս գնել, որ կարողանան մեկնել արտագնա աշխատանքի ու հիմա փաստի առաջ են կանգնել։
«Ո՞վ է պատասխան տալու»,– հարցնում են նրանք։
«Զվարթնոց» օդանավակայանի անունից բողոքող քաղաքացիներին պատասխանեց «Զվարթնոց» միջազգային օդանավակայանի հանրային կապերի պատասխանատու Սաթենիկ Հովհաննիսյանը:
Նա նշեց, որ օդանավակայանն այս դեպքում որևէ պատասխանատվություն չի կրում և որևէ մեղավորություն չունի, քանի որ միայն սպասարկող կազմակերպություն է, ու տվյալ դեպքում ամեն ինչ արել է այնպես, ինչպես ասել է ավիաընկերությունը։
«Այսինքն` որ այդ թղթի հիման վրա իրենք կարող են երկիրը լքել։ Դա առաջին օրն էր, երբ ՀՀ քաղաքացիները կարող էին մեկնել բջջայինում ունենալով համապատասխան թեստի պատասխանը։ Եվ այդ օրն ուղևորները բացառության կարգով, մեկնել են երկրից` այդ թղթի հիման վրա»,– ասաց Հովհաննիսյանը։
Նա հայտարարեց, որ օդանավակայանն ավիաընկերությունից ստացել է գրավոր ցուցում` քաղաքացիներին թեստի պատասխանի թղթային տարբերակի հիման վրա մեկնելու թույլտվություն տալու մասին։
«Մենք ունենք հիմք, որտեղ նշված է, որ ավիաընկերությունն իր վրա պատասխանատվություն է վերցրել այս մարդկանց համար։ Օդանավակայանը շարժվում է ավիաընկերության այդ ցուցումով»,– ասաց Հովհաննիսյանը, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2025-07-05 17:07Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.
-
2025-07-05 15:05Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».
-
2025-07-05 15:03Молодежный союз АРФ «Дашнакцутюн» проводит акцию протеста у здания Конституционного суда Армении.
-
2025-07-05 15:02Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.