2021-02-04 13:59
Информагентства
Միշուստինը և Լիխաչովը քննարկել են ՌԴ-ի և ԵԱՏՄ երկրների միջև համագործակցությունը միջուկային ոլորտում
Եվրասիական միջկառավարական խորհրդի նիստի նախաշեմին Ռուսաստանի վարչապետ Միխայիլ Միշուստինը և «Ռոսատոմ»-ի ղեկավար Ալեքսեյ Լիխաչովը քննարկել են Ռուսաստանի և Եվրասիական տնտեսական միության (ԵԱՏՄ) անդամ երկրների միջև երկկողմ համագործակցության զարգացումը ատոմային էներգիայի խաղաղ օգտագործման ոլորտում: Այս մասին ասվում է Ռուսաստանի կառավարության մամուլի ծառայության հաղորդագրության մեջ:
Համագործակցության նախագծերը միջուկային ոլորտում
Այդպես, «Ռոսատոմ»-ը կառուցում է առաջին ատոմակայանը (ԱԷԿ) Բելառուսում: «Ռոսատոմ»-ն աշխատում է նաև Ուզբեկստանում առաջին ատոմակայանի կառուցման ուղղությամբ:
«2018-ին Ուզբեկստանում տրվել էր առաջին ատոմակայանի կառուցման նախագծի մեկնարկը: Շինարարության հեռանկարային հարթակում հետազոտման աշխատանքներ են ընթանում: Կատարելագործվում է ազգային միջուկային ենթակառուցվածքը»,- ասվում է հաղորդագրության մեջ:
«Ռոսատոմ»-ը և Հայաստանը համագործակցում են Հայկական ԱԷԿ-ի շահագործման ժամկետի երկարաձգման հարցում: Ռուսաստանի Դաշնության կառավարության տվյալներով` ներկայումս կա եզրակացություն մինչև 2026 թվականը ատոմակայանի ռեակտորի շահագործման հնարավորության մասին: Ընդ որում, ավելի վաղ Հայաստանի կառավարությունը հայտարարել էր Հայաստանի ատոմակայանի երկրորդ էներգաբլոկի շահագործման ժամկետը մինչև 2036 թվականը երկարացնելու մտադրության մասին:
«Ղազախստանի հետ համատեղ միջուկային էներգետիկայի ոլորտում համագործակցության համապարփակ ծրագիր է իրականացվում, որը նախագծերի իրականացում է նախատեսում` միջուկային վառելիքի ցիկլի սկզբնական փուլից մինչև միջուկային օբյեկտների շահագործում: Մի շարք համատեղ ձեռնարկություններ գործում են բնական ուրանի արդյունահանման ոլորտում: Ղրղզստանում հաջողությամբ իրականացվում են ուրանի արդյունահանման նախկին ձեռնարկություններն անվտանգ վիճակի բերելու խնդիրները: Դրա համար միջպետական նպատակային ծրագիր է մշակվել»,- հավելել է Ռուսաստանի կառավարության մամուլի ծառայությունը:
Լիխաչովի խոսքով` ԱՊՀ շրջանակներում միջուկային էներգետիկայի ոլորտում համագործակցության մակարդակը կարող է որպես քայլ ծառայել դեպի ինտեգրման որակապես նոր մակարդակ անցնելու համար, որտեղ միջուկային արդյունաբերության զարգացումը մեծ ներուժ ունի Եվրասիական տնտեսական միության շրջանակներում, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-17 11:17Скандальный законопроект об "откупе" от армейской службы не включили в повестку очередной сессии парламента Армении.
-
New2025-06-17 11:11Центральный совет Ай Дата распространил следующее заявление:
-
New2025-06-17 11:08Сроки запуска нового международного мультимодального маршрута из Китая в Армению изменились из-за ирано-израильской эскалации. Об этом Sputnik Армения сообщил вице-президент торгово-промышленной палаты Армении Карен Иванов.
-
New2025-06-17 11:05Участники конференции "Отношения государства и церкви: современные проблемы" осудили нападки властей Армении на Армянскую Апостольскую церковь.