Последние новости

ԱՄՆ Պետքարտուղարությունը հերքել է Թուրքիայի ՆԳ նախարարի մեղադրանքները

ԱՄՆ Պետքարտուղարությունը հերքել է 2016 թվականի հուլիսի հեղաշրջման փորձին ԱՄՆ մասնակցության մասին Թուրքիայի ՆԳ նախարարի մեղադրանքները:

«Միացյալ Նահանգները չի մասնակցել 2016 թվականին Թուրքիայում պետական հեղաշրջման փորձին և անմիջապես այն դատապարտել է: Հակառակի մասին վերջին պնդումները, որ կատարել են թուրք բարձրաստիճան պաշտոնյաները, բացարձակ սուտ են:

Այդ դիտողությունները և այլ չհիմնավորված ու անպատասխանատու հայտարարությունները Թուրքիայում իրադարձությունների համար ԱՄՆ պատասխանատվության վերաբերյալ անհամատեղելի են Թուրքիայի՝ որպես ՆԱՏՕ-ի դաշնակցի և ԱՄՆ ռազմավարական գործընկերոջ կարգավիճակին»,- նշված է Պետքարտուղարության ներկայացուցիչ Նեդ Փրայսի հայտարարության մեջ:

Ավելի վաղ հաղորդվել էր, որ Թուրքիայի ՆԳ նախարարը Միացյալ Նահանգներին մեղադրել է այն բանում, որ նա է կանգնած եղել 2016 թվականի չհաջողված հեղաշրջման հետևում: Սուլեյման Սոյլուն Hurriyet-ին ասել էր, որ Միացյալ Նահանգները ձեռնարկել է հեղաշրջման փորձը, իսկ Գյուլենի «ցանցը» այն իրականացրել է՝ հավելելով, որ «Եվրոպան կատարվածից հիացած էր»: «Միանգամայն ակնհայտ է, որ հուլիսի 15-ի հետևում Միացյալ Նահանգներն է կանգնած»,- ասել էր նա, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ