Последние новости

Միքայել ՄԻՆԱՍՅԱՆ․ ՖՐԱՆՍԻԱՅԻ ԴԵՍՊԱՆՆ ԱՅՍ ԱՄԲՈՂՋ ԸՆԹԱՑՔՈՒՄ ԼՌԵԼ Է: ՆԱ ՀԻՄԱ ԷԼ Է ԼՌՈՒՄ, ԵՐԲ ՆԻԿՈԼԸ ՄԵԴԻԱՆ ԽԵՂԴՈՒՄ Է

Ֆրանսիայի դեսպանն այս ամբողջ ընթացքում լռել է: Նա հիմա էլ է լռում, երբ Նիկոլը մեդիան խեղդում է: Այս մասին իր Telegram-ում գրել է Վատիկանում Հայաստանի նախկին դեսպան Միքայել Մինասյանը:

«Երեկ ինձ զանգահարեց Ելիսեյան պալատին մոտ ընկերս: Եվ ասում է.

- Լսի, ի՞նչ է տեղի ունեցել մեր պատվիրակության հետ: Ես անկապ տեղեկություններ եմ ստանում, իսկ մեդիայում ոչ մի բան չկա, և ոչ մի բան հասկանալի չէ:

- Դե լավ,- ասում եմ նրան,- սովորական պատմություն է: Սա մեր լռության հետևանքն է:

- Ո՛չ,- ասում է նա,- բայց ի՞նչ է իրականում այնտեղ տեղի ունեցել:

Եվ ես նրան պատմեցի: Մի քանի օր առաջ Ֆրանսիայից Հայաստան է ժամանել լրագրողների, հասարակական գործիչների, տեսակետների առաջնորդների խումբ՝ նախկին քաղաքապետներից մեկի գլխավորությամբ, Արցախ մեկնելու և սեփական աչքերով այնտեղ տեղի ունեցողը տեսնելու նպատակով: Նրանց պաշտոնապես հավատարմագրել են, և նրանք ուղևորվել են Ստեփանակերտ: Լաչինում նրանց կանգնեցնում են և հարցնում.

- Դուք ո՞ւր եք գնում:

Երբ լրագրողներն ասում են՝ Արցախ և ցույց տալիս հավատարմագիրը, խաղաղապահներն արգելում են նրանց մուտքը՝ ասելով, որ դուք մտնում եք Ադրբեջան, և Հայաստանում ստացած հավատարմագիրն անվավեր է: Ոչինչ չէին կարող անել: Պատվիրակությունը վերադառնում է Երևան՝ Ֆրանսիայի դեսպանի մոտ: Ֆրանսիայի դեսպան Ջոնաթան Լաքոթը ոչ պաշտոնապես կապ է հաստատում Նիկոլի հետ և փորձում հասկանալ, թե ինչ է կատարվում: Իսկ Նիկոլը նրան պատասխանում է, որ այո, հունվարի 11-ին մենք պայմանավորվել ենք, որ միջազգային մեդիան պետք է ստանա ադրբեջանական հավատարմագրում, և ընդհանրապես, ավելի լավ կլինի, որ նրանք այս գործերին չխառնվեն: Ջոնաթան Լաքոթին ոչինչ չէր մնում անել, քան լռելը:

Լաքոթի լռությունն անչափ ցուցադրական է: Եվ, ինչն ամենավիրավորականն է, սպասելի: Ֆրանսիայի դեսպանն այս ամբողջ ընթացքում լռել է: ԵԱՀԿ Մինսկի խմբի համանախագահ երկրի դեսպանը լռել է, երբ Նիկոլը Ալիևի հետ զուգահեռ հաղորդակցություն էր հաստատում, նա լռել է, երբ Նիկոլն իր հայտարարություններով տորպեդահարում էր բանակցային գործընթացը, նա լռել է, երբ սկսվեց պատերազմը, նա լռել է, որբ Նիկոլը պատերազմի ժամանակ մերժեց ֆրանսիական ռազմական օգնությունը: Աշխարհին ազատության, հավասարության և եղբայրության արժեքներ նվիրած երկրի դեսպանը լռել է 2018-ի ապրիլին, լռել է, երբ ամբոխը ցրեց օրինականորեն ընտրված խորհրդարանը, լռել է, երբ շրջապատել էին դատարանները, լռել է, երբ հեղափոխական իշխանությունը վիրավորել է ընդդիմախոսներին, լռել է, երբ հեղափոխական իշխանությունը խախտել է մարդու իրավունքները: Եվ նա հիմա էլ է լռում, երբ Նիկոլը մեդիան խեղդում է:

Սրանով կարելի էր և ավարտել, բայց ես հիշեցի իմ ծանոթությունը Ջոնաթան Լաքոթի հետ ամերիկացի դեսպանի տանը ճաշին, այն, թե մենք ինչպես էինք քննարկում խոսքի ազատության կարևորությունը, և այն, որ մեդիան ժողովրդավարական հասարակության ամենակարևոր տարրն է: Եվ, ինչը պակաս կարևոր չէ, չէինք վիճում, այլ համաձայնվում էինք:

Կ – Կարմա»,- գրել է Միքայել Մինասյանը:

News.am

    ПОСЛЕДНИЕ ОТ АВТОРА

    • Минобороны получит $4,4 млн на непредвиденные расходы
      2022-10-06 12:22
      22

      Минобороны Армении получит 1 млрд 805 млн драмов (около $4,4 млн) на непредвиденные расходы. Соответствующее постановление принято в четверг на заседании правительства.

    • В парламенте Нидерландов поднят вопрос об агрессии Азербайджана против Армении
      2022-10-06 12:19
      31

      В парламенте Нидерландов состоялось обсуждение с участием премьер-министра Марка Рютте, во время которого депутаты задали ему вопросы о последней агрессии Азербайджана против Армении.

    • Армен АШОТЯН: ПАШИНЯН ПОЛНОСТЬЮ РАЗРУШИЛ ПЕРЕГОВОРНЫЕ ПОЗИЦИИ
      2022-10-06 12:17
      27

      «Никол, обвиняю тебя в том, что ты полностью разрушил переговорные позиции. Уверен, что сознательно. За два с половиной года ты разрушил все основы переговоров, все окопы армянской дипломатии, сделал все, чтобы Азербайджан, начав 44-дневную войну, предстал в глазах международного сообщества чистеньким и справедливым», – заявил в прямом эфире в Facebook заместитель председателя Республиканской партии Армении (РПА), экс-глава Постоянной комиссии Национального Собрания по внешним связям Армен Ашотян, коснувшись озвученных накануне Николом Пашиняном в ходе правительственного часа в НС заявлений.

    • ИНСТИТУТ ЛЕМКИНА ОБВИНИЛ ЗАПАДНЫЕ СМИ В НЕОБЪЕКТИВНОМ ОСВЕЩЕНИИ НАПАДЕНИЯ АЗЕРБАЙДЖАНА НА АРМЕНИЮ
      2022-10-06 12:06
      174

      Международный институт по предупреждению Геноцида им. Лемкина обвинил западные СМИ в необъективном и одностороннем освещении неспровоцированного нападения Азербайджана на суверенную территорию Республики Армения. В своем новом заявлении Институт отмечает, что с момента начала обстрела Азербайджаном ряда городов на востоке Армении 13 сентября – в нарушение основополагающих принципов международного и гуманитарного права – западные СМИ использовали термины, которые игнорируют или преуменьшают военные преступления и агрессию Азербайджана.






    ПОСЛЕДНЕЕ ПО ТЕМЕ