2021-02-06 18:39
Информагентства
Քննարկվում է Հայաստանում ռուսական «ԷՐԱ-ԳԼՈՆԱՍ» համակարգի նմանակը ստեղծելու հարցը
Նավիգացիայի ոլորտում «ԳԼՈՆԱՍ» ԲԸ-ի և Հայաստանի Հանրապետության համագործակցության հարցերը քննարկվել են Երևանում ՌԴ Առևտրային ներկայացուցչությունում հանդիպման ժամանակ, հայտնում է «Ինտերֆաքս-ԱՎՆ»-ն՝ վկայակոչելով ընկերության մամուլի ծառայությանը:
«Երկխոսության թեման էր նավիգացիայի ոլորտում Հայաստանի Հանրապետության հետ համագործակցության զարգացումը և այս պետության տարածքում Ռուսաստանում գործող «ԷՐԱ-ԳԼՈՆԱՍ» պետական ավտոմատացված տեղեկատվական համակարգի նմանակի ստեղծումը»,- նշված է այսօր տարածված հաղորդագրության մեջ:
Մամուլի ծառայության տեղեկացմամբ՝ Հայաստանում ՌԴ առևտրային ներկայացուցիչ Աննա Դոնչենկոն հանդիպման մասնակիցներին տեղեկացրել է ռուս-հայկական գիտատեխնիկական խորհրդի ստեղծման մասին և նրա աշխատանքին մասնակցելու է հրավիրել «ԳԼՈՆԱՍ» ԲԸ-ին:
Նշվում է, որ խորհուրդը վերլուծելու է Հայաստանի տեղեկատվական-հաղորդակցային տեխնոլոգիաների շուկան, որոնելու է նոր խորշեր ռուսական արտադրանքի և մշակումների խթանման համար, ինչպես նաև զբաղվելու է երկկողմ համագործակցության զարգացման հարցերով:
«ԳԼՈՆԱՍ» ԲԸ փորձագետներն իրենց հերթին հայտնել են Հայաստանի Հանրապետության պետական իշխանության մարմինների հետ փոխգործակցության մասին: Մասնավորապես՝ նշվել է տարածքային կառավարման և ենթակառուցվածքների նախարարության հետ արդյունավետ երկխոսությունը, որը հայկական կողմից նախագծի համակարգողն է: Անցկացված բանակցությունների ժամանակ քննարկվել են համակարգի փուլային իրականացման հայեցակարգը, ենթակառուցվածքների կառուցման և ֆինանսավորման հարցերը, ինչպես նաև բարձր մակարդակի ճարտարապետության մշակումը:
«Հանդիպման արդյունքներով պայմանավորվածություններ են ձեռք բերվել Հայաստանի Հանրապետությունում «ԷՐԱ-ԳԼՈՆԱՍ» պետական ավտոմատացված տեղեկատվական համակարգի նմանակի ստեղծման նախագծի շրջանակում ակտիվ փոխգործակցությունը շարունակելու շուրջ, ինչպես նաև մոտ հեռանկարում Հայաստանի բարձր տեխնոլոգիական արդյունաբերության նախարարության ներկայացուցիչների հետ թվային տեխնոլոգիաների ոլորտում համագործակցության ընդլայնման և մասնագիտացված ցուցահանդեսներին համատեղ մասնակցելու հարցերով խորհրդակցություն անցկացնելու շուրջ»,- տեղեկացնում են մամուլի ծառայությունից, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-03 06:081 июня в Турции 33 организации, занимающиеся вопросами окружающей среды и прав человека, провели акцию в Игдыре, призывая к закрытию Мецаморской атомной электростанции (АЭС) в Армении, сообщает Ermenihaber. Участники акции отметили, что, несмотря на истечение срока эксплуатации Мецаморской АЭС в 2025 году, она продолжает функционировать.
-
New2025-06-03 06:05Российский меморандум по украинскому урегулированию содержит два варианта прекращения огня, сообщают РИА Новости и RT, в распоряжении которых оказался документ.
-
New2025-06-03 05:59В Баку состоялся очередной "суд" над пленными лидерами Нагорного Карабаха и другими армянами.
-
New2025-06-03 05:56Азербайджан значительно увеличил заказ на легкие многоцелевые истребители JF-17 Thunder – с первоначальных 16 до 40 машин. Стоимость сделки оценивается примерно в 4,2 миллиарда долларов.