2021-02-11 10:06
Информагентства
0
ԻՐԱՆՈՒՄ ՀՆԱԳԵՏՆԵՐԸ ՀԱՅՏՆԱԲԵՐԵԼ ԵՆ ՄԵԾ ԿՅՈՒՐՈՍԻ ԼԵԳԵՆԴԱՐ ԴԱՐՊԱՍՆԵՐԸ
Իրանի հարավում աշխատող միջազգային հնագիտական առաքելությունը հնագույն Պերսեպոլիս քաղաքի շրջակայքում պեղումների ժամանակ հայտնաբերել է մոնումենտալ դարպասների մնացորդներ, որոնց մասին պատմվում է Մեծ Կյուրոս արքայի մասին լեգենդներում, հայտնում է RG-ն՝ հղում անելով Tehran Times-ին:
Վեհաշուք դարպասների բավականին լավ պահպանված մնացորդները հայտնաբերվել են Պերսեպոլիսից մոտ երեք կիլոմետր հեռավորությամբ: Դրանք պեղել է համատեղ առաքելությունը, որում, իրանցի հնագետների հետ միասին, ներառված են հետազոտողներ Իտալիայից:
Գիտնականները հայտնագործության մասին հայտարարել են միայն հիմա, չնայած մոնումենտալ կառույցի առաջին հետքերը հայտնաբերվել են 10 տարի առաջ: Այնուամենայնիվ, պեղումներն ավարտվել են միայն տասներորդ դաշտային սեզոնի ընթացքում, ավելին՝ գիտնականներից ժամանակ է պահանջվել կառույցը նույնականացնելու համար:
Միայն այժմ հնագետները վստահորեն հայտարարել են, որ իրենց հաջողվել է գտնել հայտնի «Պարդիս Պարսե» դարպասը: Մեծ Կյուրոս արքայի մասին գրավոր աղբյուրներում նշվում է, որ այդ դարպասները նրա հրամանով կանգնեցվել են Պերսեպոլիսի մոտ՝ Թալեաջորի պալատում: Հետաքրքիր է, որ դրանց կառուցումն ավարտվել է արդեն նրա որդի Կամբիսեսի օրոք:
Ըստ էության այս «դարպասները» իրենցից ներկայացրել են ոչ մեծ պալատ։ Պեղումների ընթացքում հնագետներն ու մշակութային ժառանգության մասնագետները պարզել են, որ դրանց չափը 30x40 մետր է, իսկ բարձրությունը` մոտ 12 մ:
Նախագծի ղեկավար, իրանցի հնագետ Ալիրեզա Ասկարի-Չարուդիի խոսքով՝ այս շենքի կենտրոնում միջանցք է կառուցվել, որը իրենից ներկայացրել է 8x12 մետր չափի ուղղանկյուն սենյակ: Այն տարել է դեպի Աքեմենյանների կենտրոնական նստավայրը՝ հզոր տոհմ, որի կայսրության տիրակալը Մեծ Կյուրոսն է եղել:
Կենտրոնական սենյակում հայտնաբերվել են բաբելոնական և էլամական լեզուներով սեպագիր արձանագրություններ: Գիտնականները դարպասները թվագրել են հիմնվելով տեղեկատվության մի քանի աղբյուրների վրա: Այսպես, նրանք ուշադիր ուսումնասիրել են ճարտարապետությունը, շինանյութերը, պատերը զարդարելու մոտիվները և հին տեքստերը:
Բացի այդ, իրականացվել է նյութերի ռադիոածխածնային վերլուծություն: Այս ամենը միասին ցույց են տալիս, որ հայտնաբերված հուշարձանը կառուցվել է մ.թ.ա. 539 թվականից հետո` ի պատիվ Մեծ Կյուրոսի բանակի կողմից Բաբելոնի նվաճման:
ПОСЛЕДНИЕ ОТ АВТОРА
-
New2024-11-22 18:33Для администрации Дональда Трампа украинское и иранское направление будут важны, и очевидно, что они будут важны и для нас, потому что это окажет на нас косвенное влияние. Об этом на обсуждении «Влияние выборов в Грузии, США, украинского конфликта на безопасность Армении» заявил политолог Сурен Саркисян.
-
New2024-11-22 18:31Депутат правящей фракции «ГД» Овик Агазарян вчера был допрошен в Антикоррупционном комитете в связи с инцидентом с бывшим главой Следственного комитета. Его допрашивали почти пять часов, а затем изъяли у него телефон.
-
New2024-11-22 18:28Глава дипломатии ЕС Жозеп Боррель выразил мнение, что президент России Владимир Путин и будущий глава Белого дома Дональд Трамп могут сесть за стол переговоров.
-
New2024-11-22 18:27Премьер-министр Виктор Орбан в пятницу пригласил израильского коллегу Биньямина Нетаньяху посетить Венгрию, но несколько других европейских стран заявили, что израильский премьер будет задержан, если он ступит на их землю, после того как был выдан ордер на его арест, пишет Reuters.