2021-02-11 12:42
Информагентства
Ռուս խաղաղապահները շարունակում են աշխատանքը Արցախում (ՏԵՍԱՆՅՈՒԹ)
Լեռնային Ղարաբաղի քսանյոթ դիտակետում ռուս խաղաղապահները հրադադարի ռեժիմի պահպանման շուրջօրյա դիտարկում են իրականացնում, հրադադարի ռեժիմը պահպանվում է շփման գծի ողջ երկայնքով: Տեղեկությունը հայտնում է ՌԴ պաշտպանության նախարարությունը։
Նշվում է, որ մեկ օրում Հայաստանի տարածքից Լեռնային Ղարաբաղ է վերադարձել 27 փախստական: 2020թ. նոյեմբերի 14-ից ի վեր հայրենիք է վերադարձել 52415 մարդ։
Հումանիտար ականազերծման կենտրոնի ինժեներասակրավորական խմբերը շարունակում են Լեռնային Ղարաբաղի տարածքի ականազերծման աշխատանքները: Մեկ օրում մաքրվել է 54 հա տարածք, 15 կմ ճանապարհ, 40 շինություն, հայտնաբերվել և դուրս է բերվել 22 պայթյունավտանգ առարկա: 2020 թ. նոյեմբերի 23-ից ի վեր ընդհանուր առմամբ մաքրվել է 1296,3 հա տարածք, 413,8 կմ ճանապարհ, 1242 շինություն, այդ թվում` սոցիալական կարևորություն ունեցող 29 օբյեկտ, հայտնաբերվել և վնասազերծվել է 24249 պայթուցիկ առարկա։
ՌԴ ՊՆ-ն հիշեցնում է, որ փետրվարի 9-ին ռուսական խաղաղապահ զորախմբի հրամանատար գեներալ-լեյտենանտ Ռուստամ Մուրադովի անձնական հսկողությամբ իրականացվել է գերիների հերթական փոխանակումը: Ռուս խաղաղապահները Բաքու են տեղափոխել գերության մեջ գտնվող մեկ մարդու, Երևան են վերադարձել հինգ գերիներ:
Ռուս խաղաղապահներն ապահովել են նաև Ադրբեջանի զինված ուժերի 6 ավտոշարասյունների մուտքը հայկական վերահսկողության տակ գտնվող տարածք, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
2025-06-16 19:58Иранские власти сообщили о задержании еще более 30 лиц, связанных с израильской разведкой.
-
2025-06-16 19:55Армия обороны Израиля выпустила «срочное предупреждение» для жителей третьего округа Тегерана.
-
2025-06-16 19:52Итальянская корпорация Leonardo и турецкий производитель беспилотников создадут совместное предприятие для разработки беспилотных технологий. О запуске проекта было заявлено на Международном парижском авиасалоне в Ле-Бурже.
-
2025-06-16 19:51Иранские власти сообщили об «историческом ударе по израильской шпионской сети»: в стране был повешен человек, обвинённый в передаче секретной информации Моссаду, передают телеграм-каналы.