Последние новости

Ալիևը «թույլատրեց» Ռուսաստանին երկաթգիծ բացել դեպի Հայաստան

Տրանսպորտային նախագծերը կարևոր դեր են խաղում տարածաշրջանի երկարաժամկետ զարգացման, կայունության ապահովման և Ղարաբաղում պատերազմի ռիսկը նվազագույնի հասցնելու գործում, ասել է Ադրբեջանի նախագահ Իլհամ Ալիևը:

«Մենք առաջարկել ենք, որ տարածաշրջանային տրանսպորտային նախագծերը կարևոր դեր են խաղում երկարաժամկետ զարգացման, կայունության ապահովման և պատերազմի ռիսկը զրոյի հասցնելու համար, և դրանից կշահեն տարածաշրջանի բոլոր երկրները: Ադրբեջանը (այս նախագծերի իրականացման միջոցով` խմբ.) կապվում է Նախիջևանի, Թուրքիայի հետ: Միևնույն ժամանակ, Ռուսաստանը կարող է երկաթգիծ բացել դեպի Հայաստան», - ասել է Ալիևը, փոխանցում է «Ինտերֆաքս Ադրբեջան»-ը:

Նրա խոսքով` այդ նախագծերը թույլ կտան Ռուսաստանին և Իրանին երկաթուղային կապ ունենալ Նախիջևանի հետ: «Թուրքիայի և Ռուսաստանի միջև երկաթուղային հաղորդակցություն կլինի: Այսինքն, կշահեն տարածաշրջանի բոլոր երկրները»:

Ալիևը շեշտել է, որ Բաքու-Թբիլիսի-Կարս երկաթուղու գործարկումը հնարավորություն տվեց այդ ճանապարհով բեռնափոխադրումներ իրականացնել Ռուսաստանի և Թուրքիայի միջև:

Նշենք, որ Ալիևը Ֆիզուլիում սկսել է Հորադիզ–Աղբենդ երկաթուղու կառուցումը: Նոր երկաթգծի երկարությունը 100 կմ է: Ճանապարհը կնպաստի ուղիղ երկաթուղային կապի ստեղծմանն Ադրբեջանի և Նախիջևանի միջև, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ