Последние новости
2021-02-16 11:38

ՌԱԶՄԱԿԱՆ ԴՐՈՒԹՅԱՄԲ ՊԱՅՄԱՆԱՎՈՐՎԱԾ ՎԱՐԿԵՐԻ ԳԾՈՎ ՓՈՓՈԽՈՒԹՅՈՒՆՆԵՐ

0
Telegram

Արդշինբանկը մշակել է վարկերի մարումների և պարտքերի ներումների ծրագիր՝ հետպատերազմյան ծանր հետևանքները մեղմելու և ռազմական գործողություններին տարբեր աստիճանի մասնակցություն ունեցած իր վարկառուներին և համավարկառուներին հնարավորինս աջակցելու նպատակով:

Հունվարի վերջի դրությամբ ներկայացված դիմումների հիման վրա Արդշինբանկը կատարել է շուրջ 120 վարկերի գծով 85 մլն ՀՀ դրամի ներում:

Վարկերի մարումների փոփոխությունների ծրագիրը նախատեսած է`

·        Արցախի Հանրապետությունում գտնվող մասնաճյուղերի վարկառուների,

·        Արցախի բնակիչ-վարկառուների,

·        Ռազմական գործողությունների մասնակցած վարկառուների,

·        Ռազմական գործողությունների մասնակցած և վիրավորում ստացած վարկառուների,

·        Ռազմական գործողությունների մասնակցության արդյունքում 1-ին կամ 2-րդ կարգի հաշմանդամ դարձած վարկառուների,

·        Զոհված վարկառուների,

·        Անհայտ կորած վարկառուների,

·        Զոհված, 1-ին կամ 2-րդ կարգի հաշմանդամություն ստացած կամ անհայտ կորած անձի ընտանիքի անդամների (հայր, մայր, ամուսին, երեխա) համար:

Ծրագրի մանրամասները ներկայացված են Արդշինբանկի կայքէջում:

Բանկը ներկայացրել է նաև առավել հաճախ տվող հարցերի հակիրճ նկարագրությունը:

Արցախի Հանրապետությունում գտնվող մասնաճյուղերի վարկառուների համար

Գրավով չապահովված վարկերի դեպքում.

Մինչև 06.04.2021թ. ներառյալ վարկի հերթական մարումներ և վճարումներ չիրականացնելու դեպքում վարկը չի համարվելու ժամկետանց, հետևաբար տույժ, տուգանքներ չեն հաշվարկվելու:

Գրավով ապահովված վարկերի և հիփոթեքային վարկերի դեպքում.

Մինչև 02.02.2021թ. ներառյալ վարկի հերթական մարումներ և վճարումներ չիրականացնելու դեպքում վարկը չի համարվելու ժամկետանց, հետևաբար տույժ, տուգանքներ չեն հաշվարկվելու:

02.02.2021թ. դրությամբ կուտակված՝ չվճարված, պարտավորությունները հնարավոր կլինի մարել ամսական հավասարաչափ վճարումների միջոցով՝ առավելագույնը 12 ամսվա ընթացքում, սակայն ոչ ավելի, քան վարկի վերջնաժամկետն է:

Ռազմական գործողությունների հետևանքով զոհված, 1-ին կամ 2-րդ կարգի հաշմանդամություն ստացած և անհայտ կորած վարկառուների և համավարկառուների վարկերի դեպքում

- Գրավով չապահովված վարկերի դեպքում կատարվում է պարտքի ներում մինչև 3 մլն ՀՀ դրամ և վարկի նկատմամբ 01.10.2020թ-ից սկսած կիրառվում է փոփոխված տոկոսադրույք՝ տարեկան 0.1%:

- Գրավով ապահովված վարկերի նկատմամբ 01.10.2020թ-ից սկսած կիրառվում է փոփոխված տոկոսադրույք՝ գործող տոկոսադրույքի 50%-ի չափով, սակայն ոչ պակաս, քան 8%՝ ՀՀ դրամի դեպքում, 5%՝ ԱՄՆ դոլարի և եվրոյի դեպքում:

Իրավաբանական անձանց և որոշ այլ դեպքերում Բանկը կարող է դիտարկել զիջումների կատարման հարցն անհատական կարգով:

Հարկ է նշել նաև, որ Արցախի Հանրապետության տարածքում գտնվող մասնաճյուղերի գծով փոփոխությունները արդեն կատարված են Արդշինբանկի կողմից, իսկ մնացած դեպքերում փոփոխությունները կատարվում են դիմումի և հիմնավորող փաստաթղթերի հիման վրա:

Основная тема:
Արդշինբանկ

Теги:
Արդշինբանկ

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ