2021-02-17 17:58
Соб.инф.
ՀԱՍՑՆԵԼ ԱՆՑՆԵԼ ԿԻՍԱԲԱՑ ԴՌՆՈՎ
Վարազդատ Կարապետյանն իր քայլերի համար ներողություն է խնդրել և Չինաստանում ՀՀ առևտրային ներկայացուցչի պաշտոնից ազատվելու դիմում գրել։ Հետադարձ հայացք նետելով կառավարող ուժի հետ իր անցած ճանապարհին, վերլուծելով այն պատերազմի ընթացքում և դրանից հետո՝ նա հետևություն է արել, որ հարկ եղածի չափ, իսկ երբեմն էլ՝ բացարձակապես ազդեցություն չի ունեցել հիմնարար գործընթացների վրա:
Կարելի է միայն ափսոսել, որ Վարազդատ Կարապետյանը չի փորձել վերլուծել իրենց գործողություններն իշխանություն եղած ժամանակ՝ օրինակ, երբ անվերապահորեն աջակցում էր իշխանության բոլոր այլանդակություններին՝ դատարանների շրջափակումից սկսած մինչև գույքահարկի նոր կարգավորումները՝ մարդկանց խորհուրդ տալով հարցը դիտարկել ոչ միայն սեփական բյուջեի տեսանկյունից։
Կարելի է ափսոսել, որ պատերազմի ամենաթեժ պահին չէր զլանում բավարարել իր առաջնորդի փառասիրությունը՝ անթաքույց քծնելով նրան, գովաբանելով Նիկոլի որդու «սխրանքները»։
Կարելի է միայն ափսոսել, որ պատերազմի ժամանակ դարձել էր ստի մեքենայի օղակներից մեկը, երբ հաղթելու մասին գրառումներ էր անում և փաստում, որ դա իր ընկեր Գանձակ համայնքի ղեկավար Արմեն Պողոսյանի որոշումն է։ Նրա և իր գործընկերների ոգևորված բառախաղերը բոլորի վրա թանկ նստեցին։
Կարելի է միայն ափսոսել, որ տուրք է տվել անթաքույց պոպուլիզմին՝ կոչ անելով խանութների և ռեստորանների, արտադրամասերի և հյուրանոցների, այլ հազարավոր փոքր բիզնեսների տերերին՝ սկսել «10 միլիոն» դրամի շարժում, իրենց վերջին խնայողությունները փոխանցել հիմնադրամին։ Իսկ զուգահեռ իրականության մեջ իր գործընկեր ԱԺ պատգամավորներն Արցախ մեկնելու համար գործուղման օրապահիկ էին ստանում։
Շատ կարևոր է, որ Վարազդատ Կարապետյանն ի վերջո հասկացավ, որ չի կարելի պետությունը սևերի ու սպիտակների բաժանել, պետական և ազգային արժեքներն ու ինստիտուտները քանդել ու քայքայել։ Բայց այդ մասին Ձեզ զգուշացնում էին երկու տարի, չէիք տեսնում, կամ չէիք ուզում տեսնել։
Ինչեվէ, Վարազդատ Կարպետյանը բացեց դուռը՝ այն բաց թողնելով իր մյուս գործընկերների համար։ Նա օգտվեց խաղաղ, անցնցում հեռանալու հնարավորությունից՝ ընտրելով ազգային և հանրային համերաշխությունը։ Նա դուրս եկավ պարտված իշխանությունից, շարունակելու իր խաղաղ աշխատանքային գործունեությունը։
Վարազդատն ասում է՝ ներողոթյուն եմ խնդրում իմ քայլերի համար։ Իրականում նա ներողություն է խնդրում ԻՄ ՔԱՅԼԻ համար։
Այսօրվա ութսունմիքանիսից բոլորը հատ-հատ ներողություն են խնդրելու, որ ժամանակին չեն սթափվել, որ եղել են հիպնոսի տակ, որ շատ բաներից տեղյակ չեն եղել, որ շրջափակել են դատարանները, որ կատարել են լայվով ստացած հրամանները և այլն։ Ոչ մի կասկած։
Բայց ներելու դուռը միշտ բաց չի լինելու, որովհետև երեկ էր պետք անել թերևս ամենակարևոր քայլը՝ դուրս գալ «Իմ քայլից» ու հնարավորություն ստեղծել նոր, հակաճգնաժամային կառավարության ձևավորման համար։ Վաղը կարող է ուշ լինել։
Արդեն իսկ փակվող դուռը ձեր գործընկեր Վարազդատը բացեց, նման հնարավորություն դեռևս կա իմքայլական պատգամավորների և իշխանության մյուս ներկայացուցիչների համար։ Քանի կա հնարավորություն՝ խաղաղ և արժանապատիվ մթնոլորտում լուծել ճգնաժամը, արեք դա։
Էլինար Վարդանյան, Այլընտրանքային նախագծեր խումբ
ПОСЛЕДНИЕ ОТ АВТОРА
-
2025-04-19 10:38Усилиями членов организации ДИАЛОГ издание 1852 года "Песни" Саят-Новы с дарственной надписью Ованеса Туманяна передано в дар музею Ованеса Туманяна в Ереване.
-
2025-04-19 09:49"Республика Армения находится на грани политического исчезновения. Это не метафора, - пишет на своей странице в Фейсбук доктор политических наук, военный историк Армен Айвазян. - Процесс уже запущен — им управляют извне, исполняется он изнутри, а преподносится под обманчивой вывеской «мира». Если его не остановить, так называемый мирный договор между Арменией и Азербайджаном станет не миром, а последним актом сдачи — и прологом к исчезновению нации. Ниже — суть того, что действующая власть готова без сопротивления и без стыда передать врагу.
-
2025-04-18 14:31В рамках клиенториентированной политики компания «Южно-Кавказская железная дорога» проводит ряд мероприятий по улучшению сервиса обслуживания пассажиров.
-
2025-04-18 11:26"Очередная демонстрация трагедии нашей страны имела место в НС, - пишет на своей странице в Фейсбук экс-замминистра обороны Армении Артак Закарян. - Обвиняемые в заговоре, те, кто отрекся от тысячелетнего армянского Арцаха и сдал его, те, кто пожертвовал более 5000 молодых жизней в спровоцированной авантюрной войне, те, кто сдал оккупированную Азербайджаном территорию площадью более 200 квадратных километров, те, кто отдал территории РА (Армянской ССР) врагу путем делимитации, те, кто довел страну до порога общего долга в размере около 13 миллиардов долларов, говорят о своих "достижениях"...