Միքայել ՄԻՆԱՍՅԱՆ․ Ո՞Վ Է ՊԱՊԻԿՅԱՆԸ, ԵԹԵ ՆՐԱՆ ԴԻՏԱՐԿԵՆՔ ՄԻՋՊԵՏԱԿԱՆ ՀԱՐԱԲԵՐՈՒԹՅՈՒՆՆԵՐԻ ՄԱՍՇՏԱԲՈՒՄ
Նիկոլը երկար ժամանակ անհանգստացնում էր Պուտինին բարձր մակարդակի հայ-ռուսական հանձնաժողով ստեղծելու անհրաժեշտությամբ, որը կվերահսկեր Ռուսաստանի և Հայաստանի երկկողմանի օրակարգի նշանակալի հարցերը: Այդ մասին իր Telegram-ալիքում գրել է Վատիկանում Հայաստանի նախկին դեսպան Միքայել Մինասյանը:
«Նիկոլը երկար ժամանակ անհանգստացնում էր Պուտինին բարձր մակարդակի հայ-ռուսական հանձնաժողով ստեղծելու անհրաժեշտությամբ, որը կվերահսկեր Ռուսաստանի և Հայաստանի երկկողմանի օրակարգի նշանակալի հարցերը: Իր շրջապատից խելացի և կրթված ինչ-որ մեկը շշնջացել էր Կապիտուլյանտին, որ այդպիսի հանձնաժողով է գործել ռուս-ամերիկյան օրակարգով («Չեռնոմիրդին-Գոր»): Հանձնաժողովը, որը պետք է հաղթահարեր ԱՄՆ-ի և Ռուսաստանի միջև Սառը պատերազմի դժվարություններն ու ժառանգությունը, այդ ժամանակ գլխավորում էր ԱՄՆ նախագահն ու Ռուսաստանի վարչապետը: Այդպիսի հանձնաժողովի կարևորությունն այնքան բարձր էր, որ Օբամայի և Պուտինի օրոք, օրինակ, այն ղեկավարել է Սերգեյ Լավրովն ու Հիլարի Քլինթոնը: Այսինքն՝ հանձնաժողովի ղեկավարների մակարդակն արտացոլում էր այդ ինստիտուտի նշանակալիությունը երկու կողմերի համար:
և ահա Նիկոլը կարծես հասել էր նպատակին. Պուտինը համաձայնվել էր ստեղծել այդպիսի հանձնաժողով՝ նշելով, որ ռուսական կողմից հանձնաժողովը կղեկավարի Դմիտրի Մեդվեդևը: Մեդվեդևը՝ Ռուսաստանի նախկին նախագահ և վարչապաետը, ներկայում ՌԴ ԱԽ փոխնախագահը (որտեղ նա Պուտինի տեղակալն է), և նրա դերն այդ համատեքստում ընդգծում է հայ-ռուսական հարաբերություններում Ռուսաստանի մոտեցման կարևորությունը: Ակնկալվում էր, որ և հայկական կողմից հանձնաժողովը կղեկավարի Մեդվեդևին հավասարազոր անձը: Սակայն այդ հարցի շուրջ Նիկոլի պատասխանն, ըստ ամենայնի, մտահոգել է Պուտինին: Նիկոլն անվանել էր Սուրեն Պապիկյանի անունը և դա չափազանց հատկանշական է:
Նիկոլին թվում է, որ նրա բոլոր խամաճիկներից Պապիկյանն ամենաադեկվատ և ուժեղ բանակցորդն է: Հնարավոր է՝ Փաշինյանի թիմում դա հենց այդպես է, և Սուրեն Պապիկյանն իր մութ անցյալով, ներկայով, և, կարևորն, ապագայով, իր՝ դանակահարության համար դատվածությամբ և ամեն ինչում Նիկոլին հաճոյանալու պատրաստակամությամբ իսկապես անփոխարինելի կադր է: Սակայն ո՞վ է Պապիկյանը, եթե նրան դիտարկենք միջպետական հարաբերությունների մասշտաբում:
Պարզ չէ՝ ի՞նչին է ցանկանում Նիկոլը հասնել իր այդ որոշմամբ: Թե նա միտումնավոր է հասցնում հերթական հարվածը ռուս-հայկական հարաբերություններին, թե հերթական անգամ կորցրել է իրականության զգացումն ու որոշել հավասարեցնել իր սիրելի թիմակցին Մեդվեդևի հետ:
Պետք չէ լինել փորձառու դիվանագետ հասկանալու համար, որ հայ-ռուսական հանձնաժողովը կամ կվերանա՝ դեռ չծնված, կամ ռուսական կողմից դրա աշխատանքը կհամակարգի Մեդվեդևի ռեֆերենտը կամ օգնականը:
Ռազմատենչ ապուշություն. դա այն է, ինչին մենք սովորել ենք: Սակայն պետք է լինել կատարյալ ապուշ երկու անգամ նույն սխալը գործելու համար: Ավաղ, հայ-ռուսական հարաբերությունների ճակատագիրը հայկական կողմից հերթական անգամ տնօրինում են ռազմատենչ դեգեներատները»,-գրել է Միքայել Մինասյանը:
ПОСЛЕДНИЕ ОТ АВТОРА
-
New2021-12-01 06:5939Объявление Высшим судебным советом (ВСС) строгого выговора судье Заруи Нахшкарян на взгляд адвоката Липарита Симоняна содержит политический оттенок.
-
2021-11-30 20:01284Франция должна показать себя достойной надежд, пробудившихся в сердцах армян. Об этом говорится в записи, сделанном на странице Сената Франции в Twitter.
-
2021-11-30 19:59305Глава села Ишханасар Сюникской области Марат Петросян в беседе с корреспондентом Новости Армении – NEWS.am не подтвердил информацию о том, азербайджанские войска отошли с участка их деревни.
-
2021-11-30 19:56277Решением ВСС Армении Армен Арутюнян назначен руководителем Судебного департамента республики, сроком на 5 лет. Об этом Новости Армении – NEWS.am сообщили в пресс-службе ВСС РА.
