2021-02-25 14:47
Информагентства
Լարիսա ԱԼԱՎԵՐԴՅԱՆ․ ՈՂՋՈՒՆՈՒՄ ԵՄ ԳՇ-Ի ՀԱՅՏԱՐԱՐՈՒԹՅՈՒՆԸ ԵՎ ԿՈՉ ԱՆՈՒՄ ՉՏՐՎԵԼ ԻՇԽԱՆՈՒԹՅԱՆ ՍԱԴՐԱՆՔՆԵՐԻՆ
ՀՀ առաջին օմբուդսմեն Լարիսա Ալավերդյանն այսօր լրագրողների հետ հանդիպման ժամանակ ողջունեց ՀՀ Զինված ուժերի գլխավոր շտաբի հայտարարությունն ու կոչ արեց չտրվել իշխանության սադրանքներին:
Նա նկատեց, որ այդ հայտարարությունն ուշացած է, իսկ վարչապետը, ըստ էության, ցանկանում է քաղաքացիական պատերազմ սկսել՝ վստահ լինելով, որ ժողովուրդը կտրվի այդ սադրանքին:
Նրա խոսքով՝ ԱԺ պաշտպանության և անվտանգության հարցերի մշտական հանձնաժողովի նախագահ, «Իմ քայլի» պատգամավոր Անդրանիկ Քոչարյանի հայտարարությունն այն մասին, որ իրենք պատրաստ են կրակել, վկայում է այն մասին, որ իշխանությունը նախապես պատրաստել է սադրանքը: «Պետք է վերջ դնել այդ խունտայի գործունեությանը: Դա իշխանության հարց չէ, պետք է միավորվել սպառնալիքի շուրջ: Ոստիկանությունը շանս ունի շրջելու ամոթալի էջն ու պաշտպանելու ժողովրդին: Կոչ եմ անում օգտագործել ձեր պրոֆեսիոնալիզմը՝ հանուն Հայրենիքի»,-ասաց Ալավերդյանը:
Նա հավելեց, որ Փաշինյանի հույսն այժմ անհայտ կենտրոններից կոչերն են, ժողովրդին բանակի դեմ հանելը: «Սա սահմանադրական կարգի տապալում է Փաշինյանի կողմից»,-պարզաբանեց իրավապաշտպանը:
Իր հերթին, «Գոլոս Արմենիի» ռուսալեզու թերթի գլխավոր խմբագրի տեղակալ Մարինա Գրիգորյանը ընդգծեց առաջին հերթին ոստիկանության դիրքորոշման կարևորությունը՝ հաշվի առնելով, որ բանակն աջակցել է ժողովրդին: «Այլ ուժային կառույցներ ևս պետք է համարձակություն գտնեն և չկատարեն ժողովրդի վրա կրակելու Փաշինյանի հրամանները: Միմյանց դեմ ժողովրդին հանելու փորձերը վկայում են այն մասին, որ Փաշինյանը խուճապի մեջ է»,-հավելեց նա:
Հիշեցնենք, որ ՀՀ Զինված ուժերի գլխավոր շատբը հայտարարություն է տարածել՝ պահանջելով վարչապետի ու կառավարության անհապաղ հրաժարականը:
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».