2021-02-27 11:42
Информагентства
0
Human Rights Watch-ը՝ Ադրբեջանի ԶՈւ-ի կողմից Արցախի բժշկական հաստատությունների վրա հարձակումների մասին
Human Rights Watch միջազգային իրավապաշտպան կազմակերպությունը նոր տվյալներ է ներկայացրել 2020 թվականին արցախյան հակամարտության գոտում պատերազմական երեք դրվագների վերաբերյալ:
«Human Rights Watch-ի կողմից տարածաշրջանում վերջերս կատարված ուսումնասիրությունների ընթացքում, մեր տեսադաշտում հայտնվեցին անցյալ տարվա աշնանը Արցախում ռազմական գործողությունների ընթացքում ադրբեջանական ուժերի կողմից բժշկական հաստատությունների վրա անօրինական հարձակման երեք դրվագներ:
Մենք փաստել ենք 2020 թ. սեպտեմբեր-նոյեմբեր ամիսներին Մարտակերտի շրջանի հիվանդանոցին հասցված բազմաթիվ անօրինական հարվածների և քաղաքի արվարձանում գտնվող ռազմական հոսպիտալը հոկտեմբերին ռմբակոծելու դեպքերը: Այդ ժամանակ երկու բուժհաստատություններն էլ գտնվում էին առաջնագծի գոտում:
Հարձակումը ռազմական հոսպիտալի վրա իրականացվել է իսրայելական LAR-160 արբանյակային կառավարմամբ բազմակի օգտագործման հրթիռային համակարգի միջոցով, ինչը թույլ է տալիս ենթադրելու հարվածների կանխամտածված լինելու մասին: Շրջանային հիվանդանոցի վրա «Գրադ» կայաններից և կասետային զինամթերքի օգտագործմամբ հարձակումները ներկայացվում են որպես չտարբերակված հարվածներ:
Հրթիռակոծման արդյունքում վնասվել են երկու բժշկական հաստատություն, խափանվել է նրանց աշխատանքը»,- հայտնում են կազմակերպությունից:
«Մենք նաև փաստագրել ենք, ադրբեջանական ուժերի կողմից հայկական ռազմական շտապօգնության վրա սեպտեմբերի 28-ին կանխամտածված հարձակման փաստը, որի ժամանակ գնդակահարվել և սպանվել է ռազմական բժիշկ»,- նշում է Human Rights Watch-ը:
Ավելի վաղ Human Rights Watch-ը փաստագրել էր Ստեփանակերտի երկու հիվանդանոցներին հոկտեմբերին ադրբեջանական զինուժի կողմից չտարբերակված հարվածներ հասցնելու և Բարդայի ախտորոշման կենտրոնին նույն ամսին, ենթադրաբար, հայկական ուժերի կողմից չտարբերակված հարված հասցնելու մասին:
Ադրբեջանի զինված ուժերի կողմից անօրինական հարձակումների վերաբերյալ Human Rights Watch-ի վերլուծությունը հասանելի է այս հղումում, տեղեկացնում է Panorama.am-ը:
ПОСЛЕДНИЕ ОТ АВТОРА
-
New2024-09-25 12:46Администрация президента США Джо Байдена отменила приглашение грузинской делегации во главе с премьер-министром Ираклием Кобахидзе на традиционный прием в Нью-Йорке 25 сентября. Об этом пишут американские СМИ.
-
New2024-09-25 12:44Турция пытается использовать незаконную миграцию в качестве рычага давления на Кипр. Об этом сказал министр обороны страны Василис Палмас в Ереване на брифинге с армянским коллегой Суреном Папикяном.
-
New2024-09-25 12:42Накануне в Турецком доме в Нью-Йорке состоялась встреча премьер-министра Армении Никола Пашиняна и президента Турции Реджепа Тайипа Эрдогана.
-
New2024-09-25 12:41Министр обороны Кипра Василис Палмас предложил расширить формат совместных учений с Арменией и сделать акцент на обмене технологиями в рамках военно-технического сотрудничества. Об этом он сказал в Ереване на брифинге с армянским коллегой Суреном Папикяном.
