Արմեն Սարգսյանը որոշել է չստորագրել Օնիկ Գասպարյանի ազատման դիմումը, բայց նա կհեռանա
Հանրապետության նախագահ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը: Տեղեկությունը հայտնում են ՀՀ նախագահի մամուլի ծառայությունից։
Նշվում է, որ հանրապետության նախագահը կարևորում է ՀՀ զինված ուժերի գլխավոր շտաբի պետ Օնիկ Գասպարյանին պաշտոնից ազատելու հարցի վերաբերյալ առաջացած քաղաքական ճգնաժամի հրատապ հանգուցալուծումը: Այդ նպատակով հանդիպումներ են եղել վարչապետի, գեներալ-գնդապետ Օնիկ Գասպարյանի և զինված ուժերի բարձրագույն հրամանատարական կազմի հետ: Ուսումնասիրվել են ազատելու մասին հրամանագրի նախագծի առնչությամբ նախագահի առարկությունները չընդունելու վերաբերյալ վարչապետի հիմնավորումները:
«Ակնհայտ է, որ ստեղծված իրավիճակը արդյունք է պատերազմական և հետպատերազմական ժամանակաշրջանում քաղաքական և ռազմական գործիչների շրջանում առկա տարաձայնությունների՝ երբեմն խիստ անձնավորված մոտեցումներով: Չեն կարող անտեսվել նաև հրամանագրի ստորագրմանն առարկելու համար հիմք հանդիսացած իրավական առումով խնդրահարույց մեկնաբանությունները, իրավակիրառ պրակտիկան, օրենքի հնարավոր բացը»,–ասված է հաղորդագրության մեջ:
Ասվում է, որ հանրապետության նախագահն իր նախորդ հայտարարություններում ընդգծել է, որ խնդրի շուտափույթ և Սահմանադրության շրջանակներում կարգավորումը Հայաստանի և Արցախի անվտանգության ու կայունության համար առաջնային կարևորություն ունի և բացարձակ անհրաժեշտություն է պետականության պահպանման, հասարակության հետագա պառակտումը կանխելու, ժողովրդի միասնությունը և հանրային համերաշխությունը վերականգնելու, ստեղծված անորոշ վիճակից դուրս գալու և վերջնական հանգուցալուծման հասնելու համար:
«Միաժամանակ, առաջնորդվելով Սահմանադրության 169-րդ հոդվածի 1-ին մասի 4-րդ կետով, Հանրապետության նախագահն առանձին դիմումով դիմելու է սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով»,–ասված է հաղորդագրության մեջ:
Տեղեկացվում է, որ հանրապետության նախագահը շարունակելու է իրավիճակի հետագա կայունացմանն ուղղված քայլերը և կոչ է անում բոլորին՝ նախագահի ինստիտուտը ծառայեցնելով որպես հարթակ, բանակցել առկա բոլոր խնդիրների համապարփակ լուծումը գտնելու նպատակով, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
2024-04-27 12:34
В случае незаконной сдачи Тавуша главный газопровод Армении - Армения-Грузия-Россия - окажется под полным контролем Азербайджана, написал тюрколог Варужан Гегамян.
-
2024-04-27 12:31
Такой риск в отношении президента России сегодня полностью отсутствует. Об этом в интервью The Moscow Times заявил посол Армении при ЕС Тигран Балаян, отвечая на вопрос, означает ли ратифицикация Арменией Римского, что в случае приезда в Армению президент РФ Путин будет задержан.
-
2024-04-27 12:12
Политолог, старший преподаватель департамента международного и публичного права Финансового университета при правительстве РФ Игорь Семеновский в прямом эфире Alpha News прокомментировал заявления спикера парламента Армении, отметив, что они выглядят как «хорошая мина при плохой игре».
-
2024-04-27 11:22
Следком Армении опубликовал видео, на котором военнослужащие, накануне прибывшие на место акции протеста в Киранце, выражают сожаление в связи со своими действиями и просят не политизировать ситуацию.