2021-03-08 15:09
Информагентства
Վարչական դատարանը վարույթ է ընդունել Ալվինա Գյուլումյանի հայցադիմումը
Վարչական դատարանը՝ դատավոր Գևորգ Սոսյանի նախագահությամբ, վարույթ է ընդունել ՍԴ նախկին դատավոր Ալվինա Գյուլումյանի հայցադիմումն ընդդեմ ՀՀ աշխատանքի և սոցիալական հարցերի նախարարության և ՀՀ ԱՍՀՆ ՍԱՊԾ-ի։
«Փաստինֆո»-ն ավելի վաղ տեղեկացրել է, որ ՍԴ նախկին դատավոր Ալվինա Գյուլումյանը հայցադիմում է ներկայացրել ՀՀ վարչական դատարան՝ ընդդեմ ՀՀ աշխատանքի և սոցիալական հարցերի նախարարության և ՍԱՊԾ-ի։ Հայցվորը դատարան է դիմել «Սահմանադրական դատարանի մասին» սահմանադրական օրեքի 88-րդ հոդվածի 3-րդ մասով սահմանված կարգով հայցվորի կենսաթոշակը վերահաշվարկելուն և ոչ իրավաչափ հաշվարկի արդյունքում պակաս վճարված կենսաթոշակի գումարը հայցվորին վճարելուն պարտավորեցնելու պահանջով։
Փետրվարի 24-ին Վարչական դատարանը՝ դատավոր Գևորգ Սոսյանի նախագահությամբ, որոշում է կայացրել ՀՀ ֆինանսների նախարարությանը որպես երրորդ անձ ներգրավելու մասին։
Դատարանը, ուսումնասիրելով սույն գործի նյութերը, գտել է, որ տվյալ դեպքում ընդունվելիք դատական ակտն անխուսափելիորեն և ուղղակիորեն տարածվելու է նաև Ֆինանսների նախարարության վրա, քանի որ ՀՀ կառավարության 11.06.2018 թվականի «Հայաստանի Հանրապետության ֆինանսների նախարարության կանոնադրությունը հաստատելու մասին» որոշման ՝ նախարարությունն իր նպատակների և խնդիրների կենսագործման նպատակով իրականացնում է հետևյալ գործառույթները՝ պետության գույքային շահերի պաշտպանության ոլորտում՝ պայմանագրային կամ այլ պարտավորությունների չկատարման կամ ոչ պատշաճ կատարման հիմքով ՀՀ-ից գումարի բռնագանձման պահանջով նախարարության, այլ պետական մարմնի կամ հիմնարկների դեմ հայցերով դատարանում որպես պատասխանող կամ որպես երրորդ անձ ներգրավվելը, ինչպես նաև պետության այլ գույքային շահերի պաշտպանությունը: Դատարանը նաև պահանջել է Սոցիալական ապահովության ծառայությունից՝ հայցի առարկային վերաբերող վարչական վարույթի բոլոր նյութերը (կենսաթոշակային գործը): Նախնական դատական նիստը նշանակվել է մարտի 23-ին։
ПОСЛЕДНИЕ ОТ АВТОРА
-
New2025-06-06 22:31Республиканская партия Армении (РПА) выступила с заявлением.
-
New2025-06-06 19:41Следственный комитет Армении возбудил уголовное дело по статье "похищение" после того, как двое подростков из Сюника заблудились и оказались на территории Азербайджана. Об этом Sputnik Армения сообщили в пресс-службе ведомства.
-
New2025-06-06 19:39Министерство финансов США объявило введении новых санкций против Ирана на фоне продолжающихся ядерных переговоров между Тегераном и Вашингтоном.
-
New2025-06-06 19:34Иерей Арарат Погосян выступил с заявлением по поводу публичных обвинений, выдвинутых против авторитета Армянской Апостольской Церкви.