2021-03-11 11:55
Информагентства
0
«Հրապարակ»․ ԴԱՎԹՅԱՆԻ ՆՇԱՆԱԿՎԵԼԸ ՏԱՊԱՆԱՔԱՐ ԿԴՆԻ ՔՈՉԱՐՅԱՆԻ ՊԼԱՆՆԵՐԻ ՎՐԱ
ՀՀ վարչապետ Նիկոլ Փաշինյանը միջնորդել է, որ ԶՈւ գլխավոր շտաբի պետ նշանակվի Արտակ Դավթյանը, իսկ այդ նշանակումը մի նրբերանգ ունի։ Հրապարակ օրաթերթը գրում է՝ նրա ԳՇ պետ աշխատած շրջանում զենք-զինամթերք ձեռք բերելու գործարքների շուրջ քրեական գործ կա հարուցված, Դավիթ Գալստյանը (Պատրոն Դավիթը) կալանավորված է։
«Եթե այդ գործարքներն անօրինական են, վատ զենք է մատակարարվել, ապա պետք է մեղադրանք առաջադրվի առաջին հերթին ԳՇ պետին, ապա մատակարարին, ուստի Դավիթ Գալստյանին բռնելը, իսկ Արտակ Դավթյանին նման բարձր պաշտոնի նշանակելն անհամատեղելի են։ Մյուս կողմից՝ Դավթյանի ԳՇ պետ նշանակվելը Անդրանիկ Քոչարյանի պլանների վրա մի մեծ տապանաքար է դնում»,– գրում է թերթը։
Ըստ պարբերականի` վերջինս ՊՆ մատակարարումների դաշտ մտնելու ծրագրեր ուներ, որը կարող էր իրականացնել Վաղարշակ Հարությունյանի, բայց ոչ Դավթյանի պաշտոնավարման դեպքում։
Թերթը հիշեցնում է, որ վերջինս իր հարցազրույցներից մեկում ուղիղ տեքստով ասել էր․ «Անդրանիկ Քոչարյանն ամեն ինչ արել է, որ չլինի նորմալ, կառուցողական աշխատանք՝ փորձել է խառնվել կադրային նշանակումներին, մատակարարումներին, որոշումների ընդունման գործընթացին»։
«Ի դեպ, Արտակ Դավթյանը պատերազմի օրերին ազատվեց Ռազմարդյունաբերության կոմիտեի նախագահի պաշտոնից, իշխանական քարոզչամեքենան դա ներկայացնում էր որպես թույլ տված ձախողումների հետանք»,– եզրափակում է հոդվածագիրը:
ПОСЛЕДНИЕ ОТ АВТОРА
-
New2024-11-15 12:07Служба внешней разведки Армении будет отвечать за выдачу разрешений на доступ к сведениям, содержащим государственную тайну. Решение об этом было принято в четверг на заседании правительства.
-
New2024-11-15 12:05Во время заседания правления партии «Гражданский договор» 12 ноября имел место новый скандал. Об этом пишет газета «Жоховурд», развивая тему.
-
New2024-11-15 12:04В Антикоррупционном суде проходят слушания по делу второго президента Армении Роберта Кочаряна и других. Председательствует на суде судья Саркис Петросян.
-
New2024-11-15 12:03Бизнесмен Илон Маск и постоянный представитель Ирана при ООН Амир Саид Иравани обсудили способы снижения напряженности в отношениях Вашингтона и Тегерана. Об этом сообщила в четверг газета The New York Times со ссылкой на источники.