2021-03-12 17:40
Информагентства
0
Արման ՍԱՂԱԹԵԼՅԱՆ․ ԻՇԽԱՆՈՒԹՅՈՒՆՆԵՐԸ ՀԱՐՎԱԾ ԵՆ ՀԱՍՑՆՈՒՄ ԵՐԿՐՈՒՄ ԱՇԽԱՏՈՂ ԵԶԱԿԻ ԻՆՍՏԻՏՈՒՏԻՆ
Կառավարությունն առաջարկել է օրենսդրական փոփոխություններ, համաձայն որոնց՝ ՄԻՊ ֆինանսավորումը կարող է կամայական ձևով վերանայվել գործադիրի կողմից։ Այնինչ, նախկին կարգավորումներով ՄԻՊ-ը չէր կարող ունենալ նախորդ տարվա հատկացումներից պակաս ֆինանսավորում, Facebook-ում գրել է հասարակական-քաղաքական գործիչ Արման Սաղաթելյանը։
«Սրա բացատրությունը հնչեցվեց Ատոմ Ջանջուղազյանի շուրթերով, մոտավորապես այսպես․ ներդրումներ չկան երկրում, հետևաբար պետք է մեր ներսում տնտեսումներ անենք։ Եվ սա ասում է մի իշխանության ներկայացուցիչ, որը հասավ հենց այդ իշխանության, խոստանալով կոկորդիլոսների ֆերմաներ, ինքնաթիռի գործարաններ, տնտեսական թռիչքաձև աճեր, ներդրումների ահռելի հոսք, որին խանգարում էր նախկին Ազգային ժողովն ու կառավարությունը, տարատեսակ նորաստեղծ գործարաններ, որոնք պարզեց, որ «բացվում» էին զուտ նկարահանման համար, ու անմիջապես փակվում, և այսպես շարունակ հեքիաթների աշխարհում։
Մի իշխանության ներկայացուցիչ, որը քամուն տվեց միլիոնավոր դոլարներ, ակնհայտ հակասահմանադրական հանրաքվե նախաձեռնելով, իսկ իրականում ընդամենը Հրայր Թովմասյանին աշխատանքից ազատելու նպատակով, որն այդպես էլ չկայացավ։
Մի իշխանության ներկայացուցիչ, որը ծախսում է շուրջ 400 հազար ԱՄՆ դոլար երկիրը բուկլետներով զենքի միջազգային ցուցահանդեսում ներկայացնելու, իսկ ավելի ճիշտ՝ խայտառակելու համար, բայց որի պատվիրակության անդամները հաճույքով նկարվում են այլ երկրների տաղավարներում, այլ երկրի զենքերով։
Մի իշխանության ներկայացուցիչ, որը շարունակում է լափել միլիոնավոր պարգևավճարները՝ հենց այդ նույն ներդրումների բացակայության, պատերազմի ու տնտեսական ճգնաժամի պայմաններում, որի պատճառաբանությամբ էլ փորձում են կրճատել ՄԻՊ-ի ֆինանսավորումը։ Պարգևավճարներ զրո արդյունավետության ու կործանարար գործունեության համար։ Այս իշխանությանը անգամ իր ստացած աշխատավարձը չի հասնում, ուր մնաց՝ պարգևավճարը։ Ավելին, պատճառված ավերածությունների ու վնասի համար ամեն մեկին հասանելիք պատասխանատվության չափը դեռ քննարկման առարկա պիտի լինի մոտ ապագայում։
Ու այս ֆոնին հարված է հասցվում երկրում եզակի մնացած աշխատող ինստիտուտին, որն իր վրա է վերցրել ահռելի բեռ ու պատվով է այն տանում ոչ միայն երկրի ներսում, այլ նաև երկրից դուրս։ Հավանաբար, այս իշխանության քիմքին հաճո չէ հանդուրժել իրենց գրպանային կամակատար չհանդիսացող կարևորագույն իսնտիտուտն ու դրա ղեկավարը։
Առանձին անդրադարձի են արժանի բոլոր, այսպես կոչված, «իրավապաշտպան» ՀԿ-ները, որոնք տարիների ընթացքում սնուցվելով ու առաջնորդվելով օտարերկրյա օրակարգերով, ամեն չնչին առիթով վայնասուն էին բարձրացնում աշխարհով մեկ, պառկում էին գետնին ու մատ թափ տալիս բազմաթիվ նույնանման հարթակներում ՝ «տեսեք-տեսեք․․․մարդու իրավունքներ․․․խոսքի ազատություն․․․» և այսպես շարունակ։ Մենք առիթ ունեցել ենք փաստելու, որ այդ ահռելի ցանցի միակ նպատակը երկրի կազմաքանդումն էր, իշխանության մաշեցումը և դավաճաններին իշխանության բերելը, որոնք էլ կհանձնեն Արցախը, կթողնեն թուրքական յաթաղանի, իսկ 100 տարի անց՝ թուրքական Բայրաքթարի տակ մի ամբողջ սերունդ, և կշարունակեն կտրել Հայաստանն իր բնական շահերից ու բնական դաշնակիցներից։ Տևական ժամանակ է, ինչ այդ ՀԿ-ներից տեսանելի ու առարկայական ծպտուն չկա։ Իհարկե, չէր էլ կարող լինել, քանի որ նրանք այս ամենի համահեղինակն են ու պատասխանատուներից մեկը։
Իմ երկիրը կրկին լինելու է ազգային պետություն։ Եվ իմ երկիրը կրկին ղեկավարելու են մարդիկ, ովքեր առաջնորդվելու են ազգային շահերով։ Կասկած չունեմ, որ Արման Թաթոյանը եղել է, կա, ու մնալու է իր առաքելությանը հավատարիմ, անկախ այս խեղկատակների ու սուտասանների ճիգերից։
Դուք հիմար եք։ ՄԻՊ-ը միակն է լինելու, ով ձեզ հետո պաշտպանելու է...երևի։ Իսկ երևի, որովհետև դեռ անհրաժեշտ է լինելու ապացուցել, որ դուք մարդ եք», - գրել է Սաղաթելյանը։
ПОСЛЕДНИЕ ОТ АВТОРА
-
New2024-11-15 11:26Соцсети и СМИ Армении обсуждают бритье Пашиняна и его новый/старый имидж. По мне - Никол этим бритьем пытается увести внимание людей и СМИ от своих откровений в парламенте про Декларацию независимости, армию, мир с Азербайджаном и т.д. Об этом на своей странице в Facebook написал директор аналитического Центра стратегических исследований и инициатив Айк Халатян.
-
New2024-11-15 11:19Избранный президент США Дональд Трамп предложил противника вакцин Роберта Кеннеди — младшего на пост министра здравоохранения и соцслужб США.
-
New2024-11-15 11:18Глава министерства территориального управления и инфраструктур Гнел Саносян прокомментировал инцидент между экс-главой службы госохраны, ныне замдиректора ЗАО "Ереванская ТЭЦ" Саркисом Ованнисяном и начальником службы безопасности ТЭЦ Артуром Пахлавуни (тестем мэра Еревана Тиграна Авиняна).
-
New2024-11-15 11:17Сегодня в Ереване стартовал международный технологический саммит Silicon Mountains-2024, в котором в этом году участвуют более 1000 человек. На этот раз саммит посвящен применению и проблемам искусственного интеллекта (ИИ) в экономике.