2021-03-13 10:06
Информагентства
«Փաստ». Ի՞ՆՉ ՆՊԱՏԱԿ Է ՀԵՏԱՊՆԴՈՒՄ ԱԳ ՆԱԽԱՐԱՐԻ ԴԵՄԱՐՇԸ
«Փաստ» օրաթերթը գրում է. «ՀՀ ԱԳ նախարար Արա Այվազյանը հարցազրույց է տվել «Ալ Արաբիա» լրատվական գործակալությանը և, մասնավորաբար անդրադառնալով ՀՀ ԶՈՒ ԳՇ հայտնի հայտարարությանը, նշել է. «Ես ամենևին համաձայն չեմ Հայաստանում տեղի ունեցածը որպես պետական հեղաշրջման փորձ որակելու հետ... Դա գլխավոր շտաբի որոշ անդամների քաղաքական դիրքավորումն էր... Հայաստանում ռազմական հեղաշրջման տարրեր չկան»:
Այս հայտարարությունը երեկ որակվեց որպես սենսացիոն, քանզի փաստացի Այվազյանը հակադրվում է Նիկոլ Փաշինյանին, որովհետև վերջինս քանիցս հայտարարել է, թե բանակի՝ իր հրաժարականի պահանջով հայտարարությունը հեղաշրջման փորձ է: Իրականում ԱԳ նախարարի նման հայտարարությունը պատահական չէ:
«Փաստ» թերթի տեղեկություններով, Այվազյանը հասկացել է, որ մեծ «կրակի» մեջ է ընկել՝ կապիտուլյացիոն համաձայնագրի ստորագրումից հետո համաձայնելով աշխատել Փաշինյանի կառավարությունում, և նման դեմարշով նպատակ ուներ հասնել նրան, որ վերջինս իրեն ազատի աշխատանքից: Նա գիտակցում է, որ այս փուլում Նիկոլ Փաշինյանի կառավարությունում աշխատողները, առավել ևս պարտությունից ու խայտառակ համաձայնագրի ստորագրումից հետո նշանակվածները չեն ներվելու:
Փաստացի, Այվազյանը փորձում է իր վրայից մաքրել կոլաբորացիոնիստի պիտակը և իր կյանքի այս ամոթալի էջը: Ի դեպ, մենք դեռ օրեր առաջ էինք գրել, որ, ամենայն հավանականությամբ, աշխատանքից ազատվելու է նաև ԱԳ նախարարը: Մեր աղբյուրների փոխանցմամբ, նա երկու անգամ աշխատանքից ազատման դիմում է գրել, սակայն Փաշինյանը համոզել է մնալ, որ առկա ծանրագույն վիճակն ավելի չսրվի»:
ПОСЛЕДНИЕ ОТ АВТОРА
-
New2025-07-22 16:33Президент США Дональд Трамп принял решение о выходе США из ЮНЕСКО. Об этом заявили в Белом доме.
-
New2025-07-22 16:31Свекрови бывшего мэра Эчмиадзина Дианы Гаспарян — Рузанне Асатрян, предъявлено обвинение в отмывании денег. Об этом сообщает издание ArmLur.am.
-
New2025-07-22 16:29По данным 24News, сразу после возвращения из отпуска, в четверг, премьер-министр Никол Пашинян отправится в Алтайский край Российской Федерации, где у него запланирована встреча с премьером РФ Михаилом Мишустиным.
-
New2025-07-22 16:28Давайте зафиксируем: между Anglo Asian Mining и Кашенским месторождением стоял Арцах и 120 тысяч армян Арцаха. Для того чтобы добраться до меди, нужно убрать с пути два этих препятствия.