2021-03-13 15:33
Информагентства
Հրայր Կարապետյան․ Մեր դիվանագիտությունը վարկաբեկվել չի կարելի
Մեր դիվանագիտությունը վարկաբեկվել չի կարելի՝ ասելով, որ այն ոչինչ չի արել և որ ամեն ինչ պետք է սկսել զրոյից: Ոչ, պարոն վարչապետ, մենք շատ ձեռքբերումներ ունենք: Այդ դու մեր դիվանագիտությունը զրոյի հացրեցիր: Այս մասին մարտի 13-ին ԱԳՆ շենքի մոտ Փաշինյանի հրաժարականը պահանջող բողոքի ակցիայի ժամանակ հայտարարեց Սանկտ Պետերբուրգում Հայաստանի նախկին գլխավոր հյուպատոս Հրայր Կարապետյանը:
«Ամեն ինչ կախված է այն քաղաքականությունից, որը դու (Փաշինյան - խմբ.) թելադրում ես: Այսօր մեր դիվանագիտությունը միջազգային ատյաններում չի բարձրացնում Ադրբեջանի ռազմական հանցագործությունների հարցը և չի արձագանքում Ադրբեջանի ղեկավարության սպառնալիքներին: Մենք հաղթած դիվանագիտություն ունենք: Պատերազմը սկսվում է այն ժամանակ, երբ դիվանագիտությունը պարտվում է, իսկ երկրի թիվ մեկ դիվանագետը պետության ղեկավարն է, ով և առավելագույն պատասխանատվություն է կրում ձախողումների համար: Նա փչացրեց հարաբերությունները մեր ռազմավարական գործընկերոջ՝ Ռուսաստանի հետ:
Նա հիանալի հասկանում էր, որ Ռուսաստանը երբեք չի հանդուրժի ՀԱՊԿ-ի վարկաբեկումը: Նա գիտեր, որ Յուրի Խաչատուրովի դեմ քրեական գործի հարուցումը չի կարող առանց արձագանքի մնալ: Նա տեղյակ էր ՀԱՊԿ նախազգուշական նամակին Անվտանգության խորհրդի քարտուղարի անունով, որը ոչ մի կերպ չէր համագործակցում իր գործընկերների հետ: Նա հասկանում էր, որ Ռոբերտ Քոչարյանի գործով դատավարությունը չի կարող աննկատ մնալ: Նա հասկանում էր, որ Իրանի և Չինաստանի հետ հարաբերությունները չի կարելի փչացնել»,- ասաց նա:
Կարապետյանի խոսքով՝ Արտաքին գործերի նախարարությունը պետք է անհապաղ դիմի ՄԱԿ-ի Անվտանգության խորհրդին՝ պատերազմի կոչերը և ռազմաշունչ հայտարարությունները դատապարտող բանաձև ընդունելու կոչով, քանի որ վաղը կարող է շատ ուշ լինել:
«Ես մեր դիվանագետներին կոչ եմ անում հեռացնել պետության ղեկավարին: Հայաստանին նոր, արժանի բանակցող է պետք»,- եզրափակեց նա, տեղեկացնում է News.am-ը:
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).