2021-03-17 15:10
Информагентства
Շոյգուն անդրադարձել է «Թուրանի բանակի» ստեղծման մասին խոսակցություններին
Ռուսաստանի պաշտպանության նախարար Սերգեյ Շոյգուն մեկնաբանել է Թուրքիայում ու հետխորհրդային որոշ պետություններում, մասնավորապես՝ Ղազախստանում, առանձին քաղաքական գործիչների հայտարարությունները «Մեծ Թուրանի» ու «Թուրան բանակ» ստեղծելու մասին: Ղազախական Tengrinews.kz պարբերականին տված հարցազրույցում ռուս նախարարը հիշեցրել է, որ թուրքալեզու ժողովուրդներ են բնակվում նաև Ռուսաստանի տարածքում։ Ուստի անհասկանալի է, թե ում դեմ են ուղղված նման խոսակցությունները։
«Առաջին բանը, որ ուզում եմ ասել այդ մարդկանց, չգիտեմ էլ, քաղաքական գործիչներ անվանել նրանց, թե ինչ։ Լավ, ասենք` դուք երազում եք դրա մասին, դուք դրան ուղղված ինչ-որ քայլեր եք փորձում անել։ Ինչի՞ համար և ու՞մ դեմ։ Նույն թուրքալեզու ժողովուրդները բնակվում են Ռուսաստանի տարածքում, նրանք բավական շատ են։ Մեր երկիրը բազմակրոն է և բազմազգ։ Եվ մենք դարերով միասին ենք ապրում», - ասել է Շոյգուն։
Խոսելով Թուրքիայի հետ հարաբերությունների մասին՝ նախարարը հիշեցրել է, որ Մոսկվայի ու Անկարայի միջև «շատ բարդ, շատ դժվար, բայց շատ արդյունավետ աշխատանք է ընթանում»: Նրա խոսքով՝ աշխատանքը բարդ է, քանի որ խանգարում են, խանգարում է նաև այն հանգամանքը, որ Թուրքիան ՆԱՏՕ-ի անդամ է։
«Իհարկե, դա խանգարում է, բայց դա ինքնին, ես կասեի` նույնիսկ եզակի փորձ է, երբ մի երկիրը ՆԱՏՕ-ում է, մյուսը՝ ոչ։ Երկու երկրները լեզու են գտնում, իրականացնում են համատեղ աշխատանք և համատեղ գործողություններ, գտնում են փոխզիջումներ այնտեղ, որտեղ երբեմն թվում է` անհնար է դա անել։ Բայց մենք լուծման տարբերակներ ենք գտնում», - հավելել է պաշտպանական գերատեսչության ղեկավարը։
Որպես օրինակ` նա նշել Է Սիրիայում Իդլիբի դեէսկալացիոն գոտին։ Շոյգուն ասել է, որ ընդհանուր առմամբ, ժամանակին Սիրիայում դեէսկալացիոն գոտիների ստեղծումը դարձել է նման հակամարտությունների լուծման նոր էջ ու մեխանիզմ, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.