2021-03-17 15:20
Информагентства
Տիգրան Աբրահամյան․ Ադրբեջանի սպառնալիքները ավելի շատ շանտաժի են նմանվում
«Որպես այդպիսին՝ հակամարտությունը կարգավորված չէ. առ այս պահը ոչ միայն Արցախի կարգավիճակի հարցը չի լուծվել, այլ նաև այն առաջնային օրակարգ չի բերվել»,- այսօր հրավիրված մամուլի ասուլիսի ընթացքում ասաց «Հենակետ» վերլուծական կենտրոնի ղեկավար Տիգրան Աբրահամյանը։
Նրա խոսքով, Ադրբեջանն ու Թուրքիան անընդհատ ընդգծում են, որ Արցախի կարգավիճակի հարց այլևս չկա, և կարճ ժամանակ հետո Արցախի՝ հայկական վերահսկողության տակ գտնվող տարածքներն անցնելու են Ադրբեջանին։
«Ինչ վերաբերում է գերիներին, ապա ակնհայտ է, որ նոյեմբերի 10-ի համատեղ հայտարարության՝ հայկական կողմի համար կարևոր դրույթներից մեկը՝ գերիների վերադարձը, չի իրականացվել։ Ադրբեջանն այդ՝ 8-րդ կետից ստացել է առավելագույնը, իսկ մեզ համար միակ շահեկան բանը՝ բոլոր գերիների վերադարձը, առ այսօր կյանքի չի կոչվել։ Եթե չեմ սխալվում , մոտ 200-ին հասնող գերիներ ունենք, որոնք իդենտիֆիկացվել են, բայց նրանց վերադարձը չի իրացվել։ Այստեղից չկա կամք, պահանջ, ցանկություն։ Ցավալի է, բայց օր օրի մենք գնում ենք զիջումների»,- նշեց նա։
Ըստ Տիգրան Աբրահամյանի, Ադրբեջանն այսօր Հայաստանի ու Արցախի վրա ճնշում գործադրելու նոր գործիքներ ունի. առաջին հերթին խոսքը վերաբերում է Սյունիքին, որտեղ ճանապարհների մի մասը կա՛մ անցնում է ադրբեջանական դիրքերի կողքով, կա՛մ անցնում է ադրբեջանական վերահսկողության տակ մնացած հատվածով։
«Ամենամեծ գործոնը, որ այս պահին կանխում է ադրբեջանական կողմից պատերազմի սանձազերծումը, ռուս խաղաղապահների ներկայությունն է։ Ռուսական զորքի առկայության պայմաններում պատերազմ սկսելու հավանականությունը շատ է նվազում։ Սակայն, եթե կարճաժամկետ կտրվածքով պատերազմի վերսկսումը քիչ հավանական է, ապա միջնաժամկետ և երկարաժամկետ կտրվածքում՝ այդ հավանականությունը կարող է աճել»,- կարծիք հայտնեց նա։
Տիգրան Աբրահամյանը նշեց, որ այս փուլում Ադրբեջանի սպառնալիքները՝ պատերազմի վերսկսման առումով, ավելի շատ շանտաժի են նմանվում՝ իր համար վերջնական ու ցանկալի արդյունքի հասնելուն ուղղված։
«Ադրբեջանը ցանկացած պարագայում փորձելու է դիրքային առավելության հասնել։ Այս պահին մենք դա տեսնում ենք Սյունիքում, ապագայում դա լինելու է նաև Վայոց Ձորում և Գեղարքունիքում։ Ցավալի է, բայց եղանակային պայմանների բարելավումից հետո Ադրբեջանը սկսելու է աշխատանքներ տանել նաև այդ ուղղությամբ։ Վերջին 2-3 տասնամյակում մենք այս պրակտիկան տեսել ենք Նախիջևանի ուղղությամբ, Տավուշում, Արցախում։ Այս փորձը մեզ հուշում է, որ Ադրբեջանն ամեն ինչ անելու է՝ իր համար լավագույն պայմաններում դիրքավորվելու համար»,- ասաց նա, տեղեկացնում է Panorama.am-ը։
ПОСЛЕДНИЕ ОТ АВТОРА
-
New2025-06-17 17:49Премьер-министр Армении Никол Пашинян едет в Турцию для согласования с президентом Реджепом Тайипом Эрдоганом условия для заключения мирного договора с Азербайджаном, пишет 24News со ссылкой на дипломатический источник.
-
New2025-06-17 17:43Тегеран не располагает достоверной информацией о возможном запуске израильских беспилотников по Ирану с территории Азербайджана. Об этом на пресс-конференции в Ереване сообщил посол Ирана в Армении Мехди Собхани, комментируя распространяемые в соцсетях сообщения.
-
New2025-06-17 17:40Чем дольше будет продолжаться война, тем более непредсказуемые последствия для Армении будут нарастать. Об этом заявил третий президент Республики Армения Серж Саргсян в беседе с журналистами сегодня, 17 июня, при входе в здание суда, говоря об ирано-израильском конфликте.
-
New2025-06-17 17:36Иран благодарен правительству Армении за осуждение агрессии Израиля. Об этом посол Ирана в Армении Мехди Собхани заявил во вторник на пресс-конференции.