Последние новости

Հայաստանի խորհրդարանում անհրաժեշտ է «Արցախ» պատգամավորական խումբ ձևավորել

Հայաստանի խորհրդարանում անհրաժեշտ է «Արցախ» պատգամավորական խումբ ստեղծել: Այս մասին մարտի 19-ին Հայաստանի Ազգային ժողովի արտահերթ նիստին հայտարարեց անկախ պատգամավոր Թագուհի Թովմասյանը:

Թովմասյանը, մասնավորապես, նշեց, որ օրերս ինքը և երկու այլ պատգամավոր՝ Սոֆյա Հովսեփյանը և Աննա Գրիգորյանը, վերադարձել էին Ղարաբաղից, որտեղ հանդիպել էին իրենց ղարաբաղցի գործընկերների հետ: Նշենք, որ բոլոր երեք պատգամավորներն էլ նախկինում իշխող «Իմ քայլը» դաշինքի մաս էին կազմում, բայց լքել են այն 2020-ի նոյեմբերին:

Չնայած Ազգային ժողովի կանոնակարգը նման խմբի ստեղծում չի նախատեսում, այնուամենայնիվ, պատգամավորները ցանկանում են ձևավորել այն: Բացի այդ, նրանք խորհրդարանի ղեկավարությանը կոչ են անում «Հայաստան-Արցախ» խորհրդարանական բարեկամության խումբ ստեղծել, որը, նշեց Թովմասյանը, Հայաստանի խորհրդարանում դեռ չկա:

«Մենք սովոր ենք ասել, որ Հայաստանը Ղարաբաղի անվտանգության երաշխավորն է, բայց իրականում հակառակն է. հիմա Ղարաբաղն է Հայաստանի անվտանգության երաշխավորը: Գեղարքունիքի և Սյունիքի մարզերի բնակիչներն համոզվում են դրանում՝ տեսնելով, թե ինչպես է Ղարաբաղը հեռացնում իրենց սահմանագծերը հակառակորդից»,- ասաց Թովմասյանը, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ