2021-03-19 18:23
Информагентства
0
Գագիկ Գինոսյան․ Հայաստանը համր է և խուլ
Մշակութաբան, «Կարին» երգի և պարի համույթի հիմնադիր ու գեղարվեստական ղեկավար, Արցախյան պատերազմի մասնակից Գագիկ Գինոսյանի տեղեկություններով, Շուշիի «Կանաչ ժամ» ժողովրդական անունը կրող եկեղեցու միայն գմբեթն է ավերված, թեև դա ոչինչ չի փոխում՝ սրբապղծությունը մնում է սրբապղծություն:
«Սա հայկական մշակութային արժեքների ոչնչացման, պղծման հերթական դեպքն է, որը տեղի է ունենում համաշխարհային կառույցների լռության ներքո, իսկ Հայաստանի իշխանություններից խոսելու բան չկա: Հայաստանում իշխանություն չկա, ոչ էլ Արցախում կա, դրա մասին որևէ մեկը չի էլ բարձրաձայնել»,- ասուլիսում ասաց Գ. Գինոսյանը:
Նա հիշեցրեց, որ ժամանակին, երբ ՅՈՒՆԵՍԿՕ-ն 4 տարի պտտեցնում էր մատի շուրջ ամբողջ Հայաստանը, հայ մշակույթի գործիչներին ու «Քոչարին» չէր հաստատում որպես հայկական մշակութային ոչ նյութական ժառանգություն, այն ժամանակ էլ որևէ մեկը չէր բարձրաձայնում:
«Հետո պարզվեց, որ ՅՈՒՆԵՍԿՕ-ի գլխավոր տնօրեն ոմն տիկին Բոկովան Ալիևի տիկնոջ մտերիմ ընկերուհին է` լինելով բուլղարուհի կամ Բուլղարիայում ապրող թուրքական ծագումով մեկը: Եվ «Քոչարիի» ընդունում եղավ միայն այդ կնոջը կաշառակերության վրա բռնելուց և աշխատանքից հեռացնելուց հետո, ու առաջին շնորհավորանքը ստացավ Շառլ Ազնավուրը` որպես Հայաստանի դեսպան ՅՈՒՆԵՍԿՕ-ում:
Դեռ այն ժամանակ Հայաստանի իշխանություններից, մշակույթի նախարարությունից որևէ մեկը չբարձրաձայնեց»,- ասաց մշակութաբանը:
Նա այլ օրինակներն էլ հիշեցրեց, մասնավորապե Ջուղայի խաչքարերի ոչնչացումն ու ընդգծեց՝ Հայաստանը երբևէ որևէ հարցի շուրջ նոտա չի հղել:
«Նույնը նաև Սիրիայում մեր Դեր Զորի հայկական եկեղեցու, Հալեպի հայկական եկեղեցու թիրախային ոչնչացումն էր: Եվ բացարձակ կարևոր չէ, որ դա Սիրիայում էր, դա հայկական եկեղեցի էր, որը պատկանում էր Հայ Առաքելական եկեղեցուն, բայց անգամ եկեղեցին չի բարձրաձայնել այդ մասին և հիմա էլ նույնն է: Հայաստանը համր է և խուլ: Հայաստանը չի լսում, երբ մասնագետներն են բարձրաձայնում, ինքն էլ չի բարձրաձայնում»,- ասաց Գագիկ Գինոսյանը, տեղեկացնում է Panorama.am-ը:
ПОСЛЕДНИЕ ОТ АВТОРА
-
2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.