2021-03-22 13:39
Информагентства
Էդգար ՂԱԶԱՐՅԱՆ․ ՆԱԽԱԳԱՀԸ ԿՐԿԻՆ ՀՐԱԺԱՐՎԵԼ Է ԻՐ ԾԱՌԱՅՈՂԱԿԱՆ ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐԵԼՈՒՑ
Հանրապետության նախագահը Արմեն Սարգսյանը հերթական անգամ պաշտոնապես հրաժարվել է իր ծառայողական պարտականությունները կատարելուց, Facebook-ում գրել է ՍԴ աշխատակազմի նախկին ղեկավար Էդգար Ղազարյանը։
«1․ Չի ստորագրել «Սահմանադրական դատարանի մասին» ՀՀ Սահմանադրական օրենքում փոփոխություններ և լրացումներ կատարելու մասին» ՀՀ սահմանադրական օրենքը և չի դիմել Սահմանադրական դատարան։ Օրենքը ստորագրել և հրապարակել է ՀՀ ԱԺ նախագահը։
2․ Չի ստորագրել Օնիկ Գասպարյանին ՀՀ Զինված ուժերի գլխավոր շտաբի պետի պաշտոնից ազատելու մասին ՀՀ վարչապետի միջնորդությունը և չի դիմել ՀՀ սահմանադրական դատարան։ Հայտարարությունը ստորագրել և հրապարակել է ՀՀ վարչապետը։
3․ Չի ստորագրել Արտակ Դավթյանին ՀՀ Զինված ուժերի գլխավոր շտաբի պետի պաշտոնում նշանակելու մասին ՀՀ վարչապետի միջնորդությունը և չի դիմել ՀՀ սահմանադրական դատարան։ Հայտարարությունը ստորագրել և հրապարակել է ՀՀ վարչապետը։
Ծառայողական պարտականությունների կատարումից հրաժարվելը քրեական հանցագործություն է՝ նկարագրված ՀՀ Քրեական օրենսգիրք, 308-րդ հոդվածով։
1. Պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելը կամ ծառայողական պարտականությունները չկատարելը` շահադիտական, անձնական այլ շահագրգռվածությունից կամ խմբային շահերից ելնելով, որն էական վնաս է պատճառել անձանց, կազմակերպությունների իրավունքներին ու օրինական շահերին, հասարակության կամ պետության օրինական շահերին (գույքային վնասի դեպքում` հանցագործության պահին սահմանված նվազագույն աշխատավարձի երեքհարյուրապատիկի չափը գերազանցող գումարը կամ դրա արժեքը)`
պատժվում է տուգանքով` նվազագույն աշխատավարձի երկուհարյուրապատիկից երեքհարյուրապատիկի չափով, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը հինգ տարի ժամկետով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը չորս տարի ժամկետով:
2. Նույն արարքը, որն անզգուշությամբ առաջացրել է ծանր հետևանքներ`
պատժվում է ազատազրկմամբ` երկուսից վեց տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով», - գրել է Ղազարյանը։
ПОСЛЕДНИЕ ОТ АВТОРА
-
New2025-06-16 16:23В правительстве Армении зреет недовольство в адрес главы аппарата премьер-министра Араика Арутюняна — об этом сообщает NEWS.am со ссылкой на источники в исполнительной власти.
-
New2025-06-16 16:22Полицейские освободили задержанных ранее 11 участников акции на трассе Ереван–Аштарак, организованной жителями Касаха с требованием отмены решения о смене межрегионального маршрута. Об этом Armenia Today сообщил пресс-секретарь министерства внутренних дел Нарек Саргсян.
-
New2025-06-16 16:20Нынешние власти РА – команда, захватившая Армению изнутри и реализующая подготовленные опытными центрами программы. Об этом заявила первый омбудсмен Армении Лариса Алавердян на проходящем в Ереване обсуждении, посвященном проблемам в отношениях государства и церкви.
-
New2025-06-16 16:20Армения до парламентских выборов 2026 года должна быть готова к любому повороту событий, в том числе к уличной борьбе. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.