2021-03-23 16:05
Информагентства
Հայկ Ալումյան. Դատարանն արեց այն, ինչ դատախազներն իրենից ուզում էին
«Օրենքով սահմանված չէ, որ մեր իրավունքը սահմանափակվի, ու դատարանն առանց մեր միջնորդություններին լուծում տալու անցնի դատաքննության»,- Երևանի ընդհանուր իրավասության դատարանի Շենգավիթ նստավայրի դիմաց լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանն՝ անդրադառնալով դատարանի դահլիճը լքելու պատճառներին։
Հիշեցնենք, որ ՀՀ երկրորդ նախագահի փաստաբաններ Հայկ Ալումյանը, Հովհաննես Խուդոյանը, Արամ Վարդևանյանը լքեցին դատական նիստը՝ ի նշան բողոքի։
Ալումյանը մանրամասնեց, մեղադրող կողմը արդեն երկրորդ անգամ միջնորդություն է ներկայացնում դատարանին՝ առաջարկելով պաշտպանների միջնորդությունների քննարկում տեղի չունենա, անցնեն դատաքննության։
«Դատարանն ասել էր, որ նման բան օրենքով նախատեսված չէ։ Այսօր դատարանն ինքն իր որոշումը շրջանցեց։ Թեև դատախազների միջնորդությունը թողեց առանց քննության, բայց փաստացի արեց այն, ինչ դատախազներն իրենից ուզում էին»,- նշեց Հայկ Ալումյանը՝ պնդելով, որ դատարանը չի կարող սահմանփակել միջնորդություններ ներկայացնելու իրավունքը։
Փաստաբանն ընդգծեց, որ միջնորդությունը պետք է ներկայացվի ու ստանա լուծում։
«Ստանա դրական, թե բացասական լուծում, հետաձգվի կամ թողնվի առանց քննության, անկախ դրանից միջնորդությունը պետք է ներկայացվի ու ստանա լուծում»,- ընդգծեց Ալումյանը։
Անդրադառնալով դատավորի այն հայտարարությանը, թե մեկ ու կես տարի կար միջնորդությունների ներկայացման համար, Ալումյանը կրկնեց դատարանի ավելի վաղ կայացրած որոշումն ու պատասխանը դատախազներին. «Օրենքը թույլ չի տալիս պաշտպանական կողմին սահմանափակել միջնորդություններ ներկայացնելու հարցում»։
Փաստաբանն ընդգծեց, այն, ինչ դատարանն ասել էր, որ չի թույլատրվում օրենքով, փաստացի արեց, միջնորդությունները չքննեց, հայտարարեց՝ անցնում է դատաքննությանը։
«Թեև մի 7-8 միջնորդություն էլ վաղուց կցված է գործին։ Այդ թվում է նաև Սեդրակ Քոչարյանի միջնորդությունը, որը դատարանը երևի 7-8 ամիս առաջ քննությունը հետաձգել է, ասել էր, ամենավերջինը կքննի»,- ասաց նա։
Ալումյանը նշեց, դեռ չեն որոշել հետագա քայլերը, քանի որ իրենց համար կանխատեսելի չէր, որ դատարանը նման քայլերի կդիմի։
«Ես չգիտեմ, ում միջոցով է ճնշում գործադրվում դատարանի վրա, բայց այն, որ դատարանը գտնվում է ճնշման տակ, դատարանն ամեն դատական նիստում ցույց է տալիս իր կաշկանդվածությունը, փաստ է։ Իրավաբանների համար դրանք շատ տեսանելի ազդակներ են, դատարանը ինքը չի որոշումները կայացնում, դատարանը դրանք ուղղակի հրապարակում է, բայց այդ որոշումները կայացվում են պարտադրանքի տակ, ու այդ հեղինակներին պետք չէ այս շենքում փնտրել։ Թե Աննա Վարդապետյանի, կամ մեկ այլ սուբյեկտի միջոցով են այդ որոշումները կայացվում, մենակ դա չեմ կարող ասել, մնացած ամեն ինչ արդեն ակնհայտ է»,- նշեց նա, տեղեկացնում է Panorama.am-ը։
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.