2021-04-03 13:32
Информагентства
«Փաստ». ԻՇԽԱՆՈՒԹՅՈՒՆԸ ՀՍՏԱԿ ՀԱՆՁՆԱՐԱՐԵԼ Է ԱՄԵՆ ԻՆՉ ԱՆԵԼ, ՈՐՊԵՍԶԻ «ՄԱՐՏԻ 1»-Ի ԴԱՏԱԿԱՆ ԳՈՐԾՈՒՄ ՄԵՂԱԴՐԱՆՔԻ ՎԵՐԱՈՐԱԿՈՒՄ ԻՐԱԿԱՆԱՑՎԻ
«Փաստ» թերթը գրում է. ««ՍԴ-ի հայտնի որոշումից հետո, իրավական բոլոր նորմերով, հաջորդ գործընթացը պետք է լիներ առաջին ատյանի դատարանի կողմից քրեական հետապնդումը դադարեցնելը, սակայն, ինչպես տեսնում ենք, զարգացումներն այլ ուղղությամբ են ընթանում։ Նախ՝ դատախազներն առանց հիմնավորման բացակայեցին դատական նիստից, իսկ երեկ հայտնի դարձավ, որ ՀՀ գլխավոր դատախազ Արթուր Դավթյանը Ռոբերտ Քոչարյանի և մյուսների վերաբերյալ քրեական գործով դիմել է Սահմանադրական դատարան։
Ըստ դատախազության, «Սահմանադրական դատարանի որոշումից հետո միայն հնարավոր կլինի դատավարական լեգիտիմ դիրքորոշում ձևավորել սույն քրեական գործով ամբաստանյալների քրեական հետապնդման հետագա ճակատագրի հարցում»: Եթե պարզ, հանրամատչելի լեզվով բացատրենք, ապա փաստացի դատախազը ցանկանում է առաջադրված մեղադրանքները վերաձևակերպելու, վերաորակելու և այլ հոդվածով մեղադրանք առաջադրելու հնարավորություն ստանալ ՍԴ-ի միջոցով։ Սակայն, սահմանադրագետների կարծիքով, գլխավոր դատախազը դատական քննության փուլում իրավունք չուներ դիմել Սահմանադրական դատարան։
«Փաստ» թերթի տեղեկություններով, քաղաքական իշխանությունից հստակ հանձնարարական է իջեցվել ամեն ինչ անել, որպեսզի «Մարտի 1»-ի դատական գործում մեղադրանքի վերաորակում իրականացվի, և գործը կարճելու մասին խոսք անգամ չլինի։
Մեր աղբյուրների փոխանցմամբ, հարցի «կարգավորման» գործում ակտիվ ներգրավված է ԲԴԽ անդամ Գագիկ Ջհանգիրյանը: Ի դեպ, ավելորդ չէ նշել, որ վերաորակման թեզն ի սկզբանե ակտիվորեն շրջանառում էին, այսպես կոչված, սորոսականներն ու ընդհանրապես մշտապես արևմտյան ֆինանսավորում ստացող որոշ անհատներ, որոնք, իրար հերթ չտալով, չէին էլ թաքցնում իրենց կատաղությունը ՍԴ-ի որոշման հետ կապված»։
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.