2021-04-06 18:53
Информагентства
Գյումրիում 40 ընտանիքի համար բազմաբնակարան 2 շենք է կառուցվում
«Հայաստան» համահայկական հիմնադրամի «Մեր Գյումրի» ծրագրի շրջանակներում մեկնարկել է երկու բազմաբնակարան շենքերի և 50 երեխայի համար նախատեսված մանկապարտեզի կառուցման աշխատանքները:
Հիմնադրամից News.am-ին հայտնում են, որ արդյունքում կլուծվի աղետի հետևանքով տնակներում ապրող շուրջ 40 ընտանիքի կացարանի խնդիրը, ովքեր նոր կյանք կսկսեն հարմարավետ ու կահավորված բնակարաններում:
Գյումրու ավագանու որոշմամբ` ծրագրի իրագործման նպատակով Մուշ-2 թաղամասում 5800 քմ հողատարածք է տրամադրվել, որից շենք, շինությունների ընդհանուր մակերեսը 4200 քմ է: Կստեղծվի կանաչապատ տարածք, որը կծառայի թաղամասի մյուս բնակիչներին ևս:
Գյումրու քաղաքապետ Սամվել Բալասանյանը կարևորում է բնակարանաշինական այս ծրագրի իրականացումը, որը ևս մեկ քայլ է երկրաշարժի հետքերից իսպառ ձերբազատվելու համար: «Բարեգործական տարբեր ծրագրեր կան քաղաքում, բայց մեր ուղղվածությունն այն է, որ կարողանանք տնակների մեջ եղած մարդկանց տեղավորել հատուկ բնակարաններում: «Հայաստան» հիմնադրամի կողմից շատ հետաքրքիր նախագիծ ներկայացվեց, որը և մենք հաստատեցինք: Ներկայում էլ շինարարական աշխատանքները հաջողությամբ ընթանում են»,-տեղեկացրեց Սամվել Բալասանյանը:
Շահառուների ընտրությունը կկատարվի հիմնականում սոցիալապես անապահով բնակիչներից` Գյումրու քաղաքապետարանի և Շիրակի մարզպետարանի հետ համագործակցությամբ։
«Մենք ունենք հսկայական շահառուների ցանկ, ովքեր տարիների ընթացքում դիմել են Հիմնադրամին: Հընթացս` այս մեկուկես տարվա ընթացքում, մենք մանրակրկիտ ու զգույշ աշխատանք կկատարենք, որպեսզի լիովին ուսումնասիրենք շահառուների ցանկն ու բնակարաններ տրամադրենք ամենակարիքավորներին»,-նշեց «Հայաստան» համահայկական հիմնադրամի գործադիր տնօրեն Հայկակ Արշամյանը:
Բնակարաններն ու մանկապարտեզը սնուցվելու են արևային հոսանքով, որի շնորհիվ էապես կկրճատվեն շենքի բնակիչների էլեկտրաէներգիայի ծախսերը։ Տանիքներին արևային վահանակների տեղադրումը ևս կատարվելու է «Հայաստան» հիմնադրամի ծրագրերի շրջանակում։
Կլուծվի նաև տարածքի բնակիչների զբաղվածության խնդիրը: Շենքերի ձեղնահարկերում կգործեն արվեստանոցներ, որտեղ տարբեր ոլորտի մասնագետները դասընթացներ կկազմակերպեն թաղամասի բնակիչների համար`նրանց տալով նոր մասնագիտություն ստանալու և աշխատելու հնարավորություն:
Ակնկալվում է շենքերը շահագործման հանձնել 2022 թվականի կեսերին: Հայկակ Արշամյանի խոսքով` «Մեր Գյումրի» ծրագրի մեկնարկը նախատեսված էր տալ անցած տարվա սեպտեմբերին, բայց պատերազմի պատճառով հետաձգվեց թե՛ տենդերը, թե՛ շինարարությունը: «Հուսանք՝ ամեն ինչ կընթանա ըստ նախատեսվածի, և արդյունքը շատ սպասեցնել չի տա»,-հավելեց Հիմնադրամի գործադիր տնօրենը:
Նախատեսվում է բնակարանաշինական այս ծրագիրը դարձնել շարունակական`աստիճանաբար ազատվելով տնակներից:
ПОСЛЕДНИЕ ОТ АВТОРА
-
New2025-07-29 16:27За последние сутки в больницы сектора Газа поступили 113 погибших и 637 раненых. Об этом сообщает местное министерство здравоохранения.
-
New2025-07-29 16:26Рейс 3F315 авиакомпании FlyOne Armenia, следовавший по маршруту Ереван – Москва (Домодедово), совершил вынужденную посадку в аэропорту г. Махачкала (РФ) из-за резкого ухудшения состояния здоровья одного из пассажиров.
-
New2025-07-29 16:24Падение рейтинга премьер-министра Армении Никола Пашиняна важно, однако куда более значимым является рост поддержки оппозиционного движения. Об этом заявил в зале суда в беседе с журналистами заместитель председателя Республиканской партии Армении Армен Ашотян.
-
New2025-07-29 16:22В рамках своих пантюркистских планов Турция рассматривает Армению как угрозу и препятствие для реализации своих целей. Такое заявление в беседе с Новости Армении – NEWS.am сделал член Совета оппозиционного движения «Аякве», бывший председатель Военно-промышленного комитета Армении Аветик Керобян, добавив, что турки прямо заявляют о необходимости устранения этого «препятствия».