2021-04-15 18:20
Информагентства
Գառնիկ ԻՍԱԳՈՒԼՅԱՆ․ ՊԱՐԶ ԱՍԱ, ՈՐ ԼԵԼԵ ԹԵՓԵՆ ԳՐԱՎԵԼՈՒ ԽՈՐՀՈՒՐԴԸ ՏՎԵԼ Է ՍԱՄՎԵԼ ԲԱԲԱՅԱՆԸ
«Պարզ ասա, որ Լելե Թեփեն գրավելու խորհուրդը տվել է Սամվել Բաբայանը»,- «Հայելի» ակումբում հեռակա դիմելով Նիկոլ Փաշինյանին՝ հայտարարեց «Ազգային անվտանգություն» կուսակցության նախագահ Գառնիկ Իսագուլյանը:
Նա պնդում է, որ Արցախի անվտանգության խորհրդի նախկին քարտուղար Սամվել Բաբայանը 2016-ի ապրիլյան պատերազմի ընթացքում կորցրած բարձունքը՝ Լելե Թեփեն վերադարձնելու գործողությունը պլանավորել է բունկերում Փաշինյանի կնոջ՝ Աննա Հակոբյանի հետ միասին։
«Եթե տղամարդ ես դու, Նիկոլ, ասա՝ ո՞վ է քեզ ասել ու այդ ասողը ո՞ւմ հետ է քննարկել այդ ծրագիրը։ Դու ասում ես ՊԲ բարձր զինվորականություն։ Ես ասում եմ՝ եղել է Սամվել Բաբայանը։ Ո՞ւմ հետ է Բաբայանը քննարկել այդ գործողությունը՝ Աննա Հակոբյանի։ Նրանց օժանդակել է Արգիշտի Քյարամյանը։ Քննարկել են Սյամոյի հետ։ Գործողության անունը Լելե Թեփե չի եղել, Նիկոլն այդ առումով ճիշտ է ասում»,- ասաց Իսագուլյանը։
Նրա խոսքով, Արցախից սելեկտրով կապվել են Օնիկ Գասպարյանի հետ, վերջինն էլ ասել է՝ դա պետք է քննարկվի ՊԲ հրամանատարության հետ։
«Նիկոլ Փաշինյան, ստախոս, դու այդ ժամանակ եղել ես Արցախում, բունկերում, երբ քեզ Գասպարյան Օնիկը պատասխանել է, որ դա տեղում պետք է շատ լավ ուսումնասիրել, ճշտել, ո՞վ է այդտեղից պատասխանել Օնիկ Գասպարյանին և ի՞նչ է ասել։ Ջալալ Հարությունյան, եթե դու էլ թուրք ու դավաճան չես, հարց եմ տալիս քեզ, դու բունկերում եղե՞լ ես, թե՞ չէ, էլ ովքե՞ր են եղել այնտեղ։ Երբ բունկերից դուրս ես եկել, ո՞ւմ ես զանգել և ի՞նչ ես ասել։ Ջալալ, եթե տղամարդ ես ու ղզիկ չես, մեկ է քո վրա էլ են բարդելու։ Ո՞վ է խոսել Ջալալի հետ ու ի՞նչ է պահանջել նրանից»,- հարցեր հնչեցրեց բանախոսն ու Փաշինյանին, Հարությունյանին հորդորեց դրանց պատասխանել։
Հիշեցնենք, որ ավելի վաղ «Ճշմարտություն հանուն սերունդների» նախաձեռնության հիմնադիր, քաղաքագետ Գեղամ Նազարյանը, ում որդին զոհվել է Արցախի պատերազմում, օրեր առաջ հայտարարեց՝ Լելե Թեփեի գործողության հետևանքով ջարդվել է բանակի ողնաշարը, հակառակորդին է անցել 42 տանկ, եղել են բազմաթիվ զոհեր։
Երեկ Կառավարության ծրագրի 2020 թվականի կատարողականը ներկայացնելու ժամանակ Նիկոլ Փաշինյանն անդրադարձել էր նաև «Լելե-Թեփեի» օպերացիային։
«Այդ օպերացիայի առաջարկի հեղինակը եղել է գեներալ, այդ առաջարկն ընդունելի է համարել գեներալ, այդ առաջարկը կյանքի կոչելու հնարավորության գնահատումն իրականացրել է գեներալ, և որոշումը կայացրել է գեներալ, ընդ որում՝ այնպիսի գեներալներ, որոնք այդ պահին այդ որոշումն իրականացնելու հնարավորություն ունեցել են»,- ասել էր Փաշինյանը։
ПОСЛЕДНИЕ ОТ АВТОРА
-
New2025-06-17 08:02В Армению в январе-мае 2025 года прибыли 691 882 туриста, что на 73 562 человека меньше, чем за аналогичный период 2024 года. Это следует из данных, обнародованных Комитетом по туризму Армении.
-
New2025-06-17 07:59На фоне обострения напряженности между Израилем и Ираном Индия начала эвакуацию своих граждан из зон повышенного риска в Иране и активно рассматривает варианты эвакуации через территорию Армении. Об этом пишет The New Indian Express.
-
New2025-06-17 07:56Президент США Дональд Трамп заявил, что в текущей эскалации между Израилем и Ираном преимущество на стороне Израиля. По его словам, Тегеран "не побеждает в этой войне", и единственным выходом из конфликта является начало немедленных переговоров. Такое заявление он сделал во время встречи с премьер-министром Канады Марком Карни на полях саммита G7. Его слова приводит РИА Новости.
-
New2025-06-17 07:55В июне 2025 года 78 из 80 партий срезанных цветов, поставленных из Армении в Россию, не прошли карантинный фитосанитарный контроль в местах назначения. Об этом сообщает Россельхознадзор на своем официальном сайте.