2021-04-23 19:46
Информагентства
Մեղրիի քաղաքապետին մեղադրանք առաջադրվեց
Մեղրիի քաղաքապետ Մխիթար Զաքարյանին մեղադրանք է առաջադրվել ՀՀ ՔՕ 258-րդ հոդվածի 3-րդ մասի 1-ին, 2-րդ եւ 5-րդ կետերի (խուլիգանություն) հատկանիշներով։ Այս մասին NEWS.am-ը տեղեկացավ փաստաբան Գայանե Պապոյանից։
Փաստաբանն ասաց, որ առաջադրված մեղադրանքը եւ՛ պաշտպանների, եւ՛ Զաքարյանի համար անորոշ է, այդ պատճառով միջնորդել էին՝ տրամադրել մեղադրանքի վերաբերյալ պարզաբանում, բայց վարույթն իրականացնող մարմինը պարզաբանում չի ներկայացրել, նշելով, որ այդ միջնորդությունը համարվում է իրավունքի չարաշահում։
Պապոյանը նշեց, որ տեղեկություն չունեն՝ վարույթն իրականացնող մարմինը Զաքարյանին կալանավորելու մասին միջնորդություն ներկայացրել է դատարան, թե՝ ոչ։
Հիշեցնենք, որ ապրիլի 21֊ին Սյունիքում Նիկոլ Փաշինյանի դեմ իրականացվող բողոքի ակցիաների առթիվ հարուցված քրեական գործի շրջանակներում ձերբակալվել է 16 անձ, այդ թվում՝ Մեղրիի քաղաքապետ Մխիթար Զաքարյանը, փոխքաղաքապետ Արմեն Սամվելյանը, Գորիսի փոխքաղաքապետ Մենուա Հովսեփյանը։
Ավելի վաղ տեղեկացանք, որ Մենուա Հովսեփյանն ազատ է արձակվել, նրա ձերբակալումն էլ դատարանը ճանաչել է ոչ իրավաչափ։
Զաքարյանին ձերբակալելու իրավաչափության դեմ բողոք է ներկայացվել, որը մակագրվել է Երեւանի ընդհանուր իրավասության դատարանի դատավոր Մանվել Շահվերդյանին։
Զաքարյանի ձերբակալման իրավաչափության հարցը կքննարկվի այսօր՝ ժամը 18։30-ին։
News.am
ПОСЛЕДНИЕ ОТ АВТОРА
-
New2025-04-25 05:48Депутат Европарламента Франсу-Ксавье Беллами в соцсети Facebook поделился записью, приуроченной к 110-й годовщине памяти жертв Геноцида армян.
-
New2025-04-25 05:44Известный турецкий историк Танер Акчам, ныне работающий в США, готовит английскую версию своей книги "Краткая история Геноцида".
-
New2025-04-25 05:42«В 1915 году было убито более 1,5 миллиона армян.
-
New2025-04-25 05:38Граждане Армении в 2025 году стали реже ездить в Грузию в туристических целях. Об этом свидетельствуют данные Национальной администрации туризма Грузии.